سادس وبؤس


Channel's geo and language: not specified, not specified
Category: not specified


طـالبة سادس
أنشر يومياتـي وحـالتي النفسية وهرموناتي المتقلبة واذا عندي فدشي يفيدكم انزلة
يجي يوم وأكول عديتها وصرت إلي أريدة بالرغم چانت هوايييي صعبة
وبس يعني 🧘‍♀️
وكتبت كتابة عشوائية لأن ماكو شي عجبني

Related channels  |  Similar channels

Channel's geo and language
not specified, not specified
Category
not specified
Statistics
Posts filter


11:11
اشعر ان هنالك اُمنية ستتحقق انا مؤمنة . ✨


رجعوا للبداية وشوفوا الامورات مناشر الاستاذ بيها هواييي للاسف يعني🌚💔


https://t.me/shamsaweeh
هاي القناة ممعروفة ابددددددد
بس جديات الأمتحانات إلي بيها للعربي كُلششش ممتازة ومستوى وزاري بحتتتت، هسه گاعدة دا احل بيهم هواي اكتشفت أخطاء بس تعلمت منهم كُلششش حيل هوايييي!!!!


خلوا من ضمن أهدافكم اليومية مساعدة حيوان متتخيلون شگد راح تستفادون من هاي الخطوة إلي متكلفكم شيء ابداً!.




سهلت عليكم البحث بعمو گوگل ذني برأي اسهل الإشكال وافضلهم ف اي اذا حبيتوا هالشيء جربوا!


ردت اكتب إلكم والطريقة بس اذكرت أنُ ابو زيد شارحها افضل واختصار للوقت
هو الفيديو 12 دقيقة
مو هواي ابد حـسهل عليكم بيوم الوزاري
ويفيدنا كُلشششششش هواي

اذا دا درسون هسه
ف خلوا من ضمن To do list مالتكم
وشوفوا بأي وقت يعجبكم
بس لتأجلوا لباجر ابد🌚♥️




مدام اخذت ريست 20min
راح أحجيلكم على شيء كُلششش حيفيدني مستقبلاً واريد كلكم تكون عدكم هذا الشيء وتحترفون بي ♥️🔥
بخصوص الدراسة يعني !




-‏أتمنى أن يُصادفكم اليوم خبر سعيد يُعيد لروحكم الحياة🌻.


‏"ميدانكم الأول أنفسكم، فإن انتصرتم عليها كنتم على غيرها أقدرُ، وإن خُذلتم فيها كنتم على غيرها أعجز، فجربوا الكفاح معها اولاً.”


‏Kummerspeck التخمة بسبب الحزن:
عندما يكون المرء تعيسًا، فإنه ليس هناك شيء أكثر تعزية له ببساطة من أن يذهب إلى المطبخ ويأكل :)


الحقيقة؟ سيقول لك الحقيقة فقط الإنسان البائس . البائس تماما سيحدثك عن كل شيء.

#سفيتلانا_ألكسيفيتش


2021/7/21
اراقب الغروب من ثقوب قلبي...
واليوم سأفتح هذا القلب للصغار يلعبون فيه ما يشاؤون كيفما شاءوا، لعلّهم يتركون فيه حين مغادرتهم شيئاً منهم،
ولو أحذية العيد.


فإذَنْ....اللي نستلهمه من كُل ماسبق، أن الخلود ليس نبتة !
إنما الخلود لـمن تعلّم وعلّم ونشر الحُب والخير والأحسان والتسامح والعطاء في كل مكان..

🦋لذلك خلونا نعيش ونعمل في هذه الحياة الدنيا على هذا الأساس ونبحث عن السُبل إلي توصلنا لتلك الإنجازات، ولا بُد نلگاها يوماً
ما أذا بحثنا جيَدًا ...
اذكر مقولة للكاتب نابليون: "إذا لم تستطع تحقيق إنجازاتٍ عظيمة، فأفعل اشياء صغيرة بشكل عظيم".

قبل أن تغادر
انت لست طيناً...لكنك محبوس في هذا الجسد! فرحب بالثقوب التي ستجعلك تفرُّ منه! .


چنت دائمًا اتخيل أكول زينب راح يجي يوم وتكونين خالدة بس شلون وليش ؟
گلت زين كلمة "الخلود"
شنو معناها؟
بحثت واستفسرت بمواقع للعلم يعني اني إنسانة هاوية للمقالات العلمية والثقافية والطبية برغم السادس وكلشي بس مايعبر يوم اذا مااقرأ فدشي يضيف لشخصيتي لمدة 15دقيقة!.

مااطول عليكم
ملحمة گلگامش تروي انه لما مات أنكيدوا... بقة گلگامش محتضنة ويبكي عليه لمدة سبع ايام منا لمن جثته بدت تحلل
جنَّ جنون گلگامش وراح يبحث بكُل بقاع الأرض عن جده (اتونبشتم) صوب بحر الضلمات حتى يعلمه سر الخلود
ف يبقى حي هو وسكانه في اوروك.
عبر الجبال وعارك الأسود والوحوش بالطريق وغاص البحار بالأخير لگه النبتة الي راح تجدد شبابة وتديمه ....
ضاعت النبتة لأن اكلها ثعبان أثناء ماجان گلگامش يسبح بواحة صغيرة بعد عنائه الطويل 🐍!

رجع إلى قومه وهو مقرر يبحث عن وسيلة اخرى للخلود هذه المرة:
نشر الخير، والعلم ،والبناء،والتشييد والعمران...لحد ما اصبحوا قومه يحبونه ويعزّونه جداً "مثل ما فخرنا تعزنا"
بعدما يصيحون الويل منه!!!!
ومن حبهم إله رشحوا ذكره في اقدم رواية بالتاريخ (ملحمة گلگامش)
الي موجودة عدنا بالأدب
وكذلك لو رجعنا للتاريخ حنشوف الناس اللي نشروا المحبة والعلم والأختراعات المفيدة مثل: مخترع الكهرباء، مخترع المصباح، مخترع العجلة، رجال الاسلام الي اوقفوا الحروب الي لا طائل منها، والأنبياء الي تحملوا الإهانة والتهميش والضرب والجوع والاذية وبقوا حاملين بداخلهم حُب وسلام وخير للناس إلي اذوهم وعلى رأسهم حبيبنا محمد صلى الله عليه وعلى إله ....والذي قال:(اذا مات إبن آدم انقطع عمله، إلا من ثلاث:صدقة جارية، او عِلمُ ينتفع به، او ولد صالح يدعوا له) !


اما بالنسبة إلكم انتو 114 فكُلششش هواي حُب إلكم، وادري بيكم منتظرين محتوى اقدمة إلكم
ولو اني بمكانكم هماتين اذا ملگيت شي يفيديني اطلع منه!.
ف احسكم صرتوا مسؤولية عليه ♥️😂
ف بدال مااقضي يومي بحدي وملل ف حشاركة وياكم وكُل الأمور الي تفيديني واحسها مميزة حنزلها إلكم بدون شك!


اسمي زينب
واعيش في العراق😂💔💔💔💔
وطالبة مُعيدة سادس احيائي!
وها اها فضت وخلصت


عرفنا مصدر النشر منين!
«فخر» شكرًا هوايييي إلج♥️🦋


مدام متعرفوني ومجهولة ف ححجي كلشي يخصني وبدون زيف ابدددد ابدددد
واتمنى اكون سبب بااستفادة شخص واحد وميكررر اخطائي ابد
اني ماانطي تحفيز ولا جرع سامة ابد
لأن هالشيء مؤقت وكلكم تعرفوه!.
محاجة واحد يحجي
هنا اريد اسلط الضوء ع الأخطاء الي سويتها وتعلمت منها!.
والصرااع الي دا اعيشة ويا اهلي ويا الناس الي يكسرون خاطرك بكلمة وبس يعني!.
للعلم اني طالبة سادس سنة ثانية بعدني قيد التجربة!.

20 last posts shown.

200

subscribers
Channel statistics