MOO'IBON BAQQALAA!

Osoo dhugaa qabnuu
Biyya keenya irratti
Faallaa dhugaa keenyaa
Nu dhaaltee jirti dharti

Waan hunda faallaa godhe
Nu alagoomse barri
Dhugaa jirtuu liqimsee
Kophaa burraaqa dharri

Inni bishaaniif erganne
Qoraaniif ibidda fide
Saawwi dur foolatte
Har'allee dhaluu dide

Biyyi Goota barte
Foon Oromoo ny**ttee
Har'as hinuma jirti
Dhiiga Oromoo unattee

Gocha shiraa fi dharaan
Hin mullanne xumurri
Gadda guyyuu dhageenyuun
Nu mammadaa'e gurri.

Gamtaan nu ajjees*nis
Ilmi badeef halagaan
Obsaan teenyee eegganne
Dhugoomuu diduus dhugaan

Yaa waaq dadhabneerra
Dhugaa kee mul'isi
Mee maalumaaf calliste
Furmaatan of mul'isi!

Akkuma halkan darbe
Bakkalchi ibsu barii
Obsaan duratti deemnaan
Egereen fooyyeedha tarii

Kan boqote deemera
Gara mana galgalaa
Nagaan boqodhukaa
Moo'ibon Baqqalaa😭😭

Jajjabina hawwina
Maatiif jaallattoota isaaf
Oromoo jabaadhukaa
Barbaadi furmaata isaas!
@beekuudhaaf