Bekmuhammad | Blog

Samimiylik haqida nima deya olasiz?

Yil Sarhisobi – 🌲🌲

Yana bir yil ortda qoldi. 2024 yil shaxsiy o‘sishim, yangi marralar, va boy tajribalar yili bo‘ldi. Ushbu yil davomida hayotimda quyidagi muhim voqealar va yutuqlar ro‘y berdi:

Shaxsiy rivojlanish
Yil davomida bilimlarimni oshirish, yangi ko‘nikmalarni o‘rganish va o‘z ustimda ishlashni davom ettirdim. O‘zim uchun muhim bo‘lgan loyihalar ustida ishlash imkoniga ega bo‘ldim.

Kasbiy yutuqlar
Yangi imkoniyatlar va qiyinchiliklar orqali kasbimda bir qadam oldinga siljiy oldim. Shuningdek, o‘z bilimlarimni boshqalar bilan bo‘lishib, atrofimdagi jamoaga foydali bo‘lishga harakat qildim.

Yaratilgan imkoniyatlar va g‘oyalar
Yangi g‘oyalar paydo bo‘lib, ular ustida ishlashga ilhom oldim. Kelajakda ushbu g‘oyalarni amalga oshirish uchun harakat qilaman.

Oila va yaqinlar
Oila va yaqinlarim bilan ko‘proq vaqt o‘tkazishga e’tibor qaratdim. Ularning qo‘llab-quvvatlovi va sevgisi barcha marralarni zabt etishda menga kuch beradi.

2025 yilga rejalar:
Yangi yil – yangi imkoniyatlar va yangi marralar! Oldimda turgan barcha rejalar va maqsadlarni amalga oshirish uchun bor kuchimni sarflayman. Shaxsiy va kasbiy jihatdan yanada o‘sish istagidaman.

Ushbu yil davomida menga yordam bergan va ilhom bergan barcha yaqinlarim va do‘stlarimga chin dildan minnatdorchilik bildiraman. Yangi yil barchamizga omad, sog‘lik va muvaffaqiyat olib kelsin!

– Hurmat bilan, Bekmuhammad Mamadiyev
"Barcha orzularimiz ushaladigan yangi yil bo‘lsin!"

😎@Bekmuhammad_Mamadiyev

Kitob o‘qiyotganda musiqa eshitish haqida 🎧📚
Ko‘pchilik uchun kitob o‘qiyotganda musiqa eshitish yoqimli va samarali hisoblanadi. Ammo bu jarayon har kimga har xil ta’sir qilishi mumkin.

Musiqa qanday yordam beradi?
Konsentratsiyani oshiradi: Ayniqsa instrumental yoki tabiat tovushlari, masalan: yomg‘ir yoki dengiz shovqini, o‘qish jarayonini yanada yoqimli qiladi.
Emotsional holatni moslashtiradi: Kitobning mavzusiga mos musiqa sizni muallif yaratgan dunyoga yanada chuqurroq kirishga yordam beradi.
Tashqi shovqinlarni bloklash: Agar sizga o‘qish uchun sokin joy topish qiyin bo‘lsa yoki avtobusda shovqin joyda o'qishga to'g'ri kelsa naushnikdagi musiqa tashqi turli hil tovushlarni yopib diqqatiz chalg'imasdan o'qishizga yordam beradi.
Qanday musiqa tanlash kerak?
Instrumental: Pianino, skripka yoki gitara kuylarini eshitish konsentratsiyani bo‘lmaydi.
Lofi Beats: Yengil ritmli va takrorlanuvchi kuylar ko‘pincha o‘qish jarayoniga mos tushadi.
Tabiat tovushlari: Yomg‘ir, qushlarning sayrashi yoki dengiz to‘lqinlari kabi tabiiy tovushlar fikrni tinchlantiradi.
O‘qish janriga mos: Fantastika kitoblarini o‘qiyotganda epik kuylar, sevgi romanlari uchun esa yumshoq va romantik kuylar mos kelishi mumkin.
Biroq, hamma uchun mos emas
Ba’zi odamlar musiqaga qo‘shilib ketib, kitobga e’tiborini jamlay olmaydi. Agar siz ham shunaqa bo‘lsangiz, sokin muhitda o‘qiganingiz maqul.

Siz nima deb o‘ylaysiz? Kitob o‘qiyotganda musiqa eshitish foydalimi yoki xalaqit beradimi? Fikringizni izohlarda qoldiring! 😊

Naushnikda musiqa eshitib kitob o'qiyotgan insonni ko'rgansizmi hech?
nima deb o'ylaysiz u qay biri bilan shug'ullanyotgan bo'ladi?

Xotiralar boylikdir

Vaqt juda tez o’tayotgandek tuyuladi. Sababi kunlar bir xil o’tadi. Ish, o’qish, uy, bir xil odamlar. Yangilik yo’q.

Umr hikoya. Bir kun kelib nabiralaringiz miriqib eshita oladigan, mazmunli hikoyani yashab o’tmasangiz, yashamabsiz. Ularga “O’sha vaqtdagi eng zo’r mashinam bo’lgan. To’y qilganmiz, shuncha odam kelgan.” degan gaplar qiziq bo’lmaydi katta ehtimol bilan.

Shuning uchun yillar ishlab hashamat, to’y, markab uchun pul sarflash umrni arzon sotish va mazmuni yo’q xotiradir.

Bir insonga savol berishgan edi. “Nima uchun ishlaysiz?” deb. Avvaliga kulib “Shu, nega bo’lar edi, shu…” deb keyin chuqur o’yga tolib qoladi. Nechadir yili ish bilan o’tib ketganini sezmay qolgan edi balki…

Sayohat, yangi tajribalar, bilim, turli odamlar, millatlar bilan tanishish, amallab bo’lmas yoki qiyin biror ish qilish esda qolarli xotiralardir.

Xotiralarni ko’paytiring, ularni hikoyaga aylantiring, yozuv, rasm, tasvir, ovoz ko’rinishida. Vaqti kelib nostalgiya bo’ladi. O’tmishni eslash ikki marta yashash imkonini beradi.

Bunga badiiy kitoblarni ham misol qilish mumkin. “O’tkan kunlar”, “Ikki eshik orasi”ni hamma o’qigan bo’lsa kerak.

Ikki xil davr, odamlar boshqa, voqealar turlicha. 2 xil o’tmishni yashab ko’rdingiz.

Xotiralarni ko’paytiraylik.

Ovoz berib qo'llab yuboringlar

Yil yakuniga ham oz qoldi qanday maqsadlar qo'ygandingiz va qaysilariga erishdingiz?

❗️Bizda so'z boyligi kammi yoki bir so'z orqali ko'p narsani ifodalay olamizmi?

Atrofimizdagilarda yoki o'zimizning tilimizda parazit so'zlar deb nomlangan so'zlar o'rnashib qolgan. Bular gapirganimizda tutilib qolishimiz aaaa, anovi, nima, nimani nima qilasan shunga o'xshash so'zlar.
Bugun taksida vaqtim haydovchi telefondan gaplashganda kamida 50 martala nimani nima qilding, nima degan so'zlarni ishlatdi.
O'ylab qoldim yo bizning ona tilimiz boy bittagina nima so'zini 100 hil manoda ishlatsa bo'ladi yoki so'z boyligimiz kam o'rniga qanday so'z qo'yib gapirishni bilmaymiz.
📌

Sababiga kelsak hardoyimgidek kam kitob o'qishimiz.

✏️@Bekmuhammad_Mamadiyev