‍ نوحۀ حضرت ابوالفضل (ع)

✍اشعار گمنام ✍

سبک نوحه : ای لشکر حسینی تا کربلا رسیدن یک یا حسین دیگر

دوشدی عَلم الیمدن
عمروم یئتوب تمامه
بوش مشکیمی اؤزون گل
قارداش آپار خیامه

((باب المراد ابولفضل باب النجات ابولفضل
شرمنده دی اوزونن آب فرات ابوالفضل))


قارداش منیم ئوزومه باغلاندی راه چاره
امکانی یوخ خیامه گلمک منه دوباره
گل آل باشیم‌دیز اوسته قیل حالیمه نظاره
گؤر ایلدیم نئجه اؤز پیمانیمی اقامه


آلدی منی ارایه ظلمیله قوم عدوان
یالقوز گؤروب ویروبلار شمشیر و تیر و پیکان
جسمیم بو نیستاندا گل آچدی چون گلستان
حسرت گؤزوم یولوندا، قربانی ام امامه


یوخ اللریم غباری پاک ایلیم ئوزومدن
بیل حالیمی خلاصه ای شاه دین سؤزومدن
مأیوسیدیم قولومدان بیر اوخ دگوب گؤزومدن
دوشدی یئره باشیمدان اول حالیده عمامه


آهن عمود آچیخ باش، بیر سنگدل ستمگر
چوخ ایلدی شماتت اوّل او کینه پرور
باش پارچالاندی قارداش قانیله دولدی گؤزلر
من توپراقا ییخیلدیم دشمن یئتیشدی کامه


جسمیم اولوبدی تیر و تیغیله پاره پاره
اوخلار دوزوبله قارداش بو سینمه ستاره
آیا نه جای تشریح، کافی دی بو اشاره
آرتار سنون ملالون وئرسم اگر ادامه


جلادلر یئتیشدی اللرده تیغ و خنجر
بیربیرلرینه قارداش میداندا سبقت ایلر
تلّ اوسته چوخ یوبانما گل باشیمی کسوللر
یوخ قوللاریم دچارم من فرقۀ ظلامه


ای شاه بی معین و بی غمگسار و یاور
قارداش سنه، دئمزدیم ای وارث پیمبر
زهرا آنامین امری باعث اولوب برادر
جرئت اودی کی تاپدیم شاها همین کلامه


جانیم یئتوب دوداقه ای سرور مدینه
وئرمز گئنه امان بو حالیله قوم کینه
توپراقیله اولوبدی یکسان سریله سینه
گل قانی سیل گؤزومدن تا دیل آچوم سلامه


«غمکش» بو حاله آغلار ای پادشاه محشر
وار انتظاری سندن ذکری اولوب مکرّر
ای نور چشم زهرا، مولی به جان اصغر
لطف ایله قیل توجّه بو روسیه غلامه


✍شعری از مرحوم غمکش