#ببساطة فى ناس فى دينها … تعمل القليل … وتسأل ربنا الكثير … وتقارن نفسها باللى اقل منها فى الدين

تقول له صلى ومتقطعش … يقولك غيرى مش بيصلى
تقول له بطل سجاير … يقولك غيرى بيشرب مخدرات
تقول لها بلاش لبس ضيق انتى محجبة … تقولك غيرى خلع الحجاب انا ماسكة نفسى بالعافية !!!

يمنون على الله ايمانهم … ويسألون الله من فضله !!!

والعكس بقى فى امور الدنيا … فى الفلوس والعربيات والموضة والوظيفة … بيقارن نفسه باللى اعلى منه … وعايز يبقى زيهم ويبذل اقصى مجهود علشان يبقى زى فلان او فلانه

اوعى تبقى كدة … خليك عكس كدة

فى أمور الدنيا … بص للى أقل منك وقل "الحمد لله"
وفى أمور الآخره بص للى أعلى منك وخليك طموح فى الدين … وقل هو احسن منى فى ايه … وخليك احسن منه

خليك ناصح … الدنيا ملهاش لازمة ومش باقية لحد … انما الآخرة والجنة أحلى وحياتها دائمة