Bilchina Sammuu 🏆

Yaadota Baay'ee Barsiisoo kana dubbisii namoota biroof illee qoodi


1.Nama namoonni akka fedha isaaniitti kaartaa jireenya isaaniitiin jiraachiisan hin ta'in. Kaartaa jireenya kee bocadhu! Kaartaa kee irratti of ijaari!
2. Argii jalqabi malee arguu qofaaf hin jalqabin! Dhaga'ii ba'i malee dhaga'uu qofaaf hin ba'in!
3. Ofii kee wajjin yeroo bal'aa fi sirrii ta'e qabaadhu!
4. Kan nama kuffisu baay'ina rakkinaa osoo hin taane, mul'ata xiqqoo fi obsa xiqqoo qabaachuudha!
5. Miidhama sirra ga'eef beellama haaloo ba'uu hin qabatin. Yeroo hundumaa ilaalchaa haaloo ba'uutu sirratti mo'a waan ta'eef.
6. Boriikeef karoorsi. Har'a keetti garuu gammachuudhaan jiraadhu!
7. Guyyaa tokko akka addunyaa lafarraa kana wajjin waliigaltee jireenyaa xumurtee deemtu(duutu) yeroo hundumaa yaadaa mana keetii ba'i akkasumas yaadaa mana keetti gali. Addunyaa daqiiqaa tokko booda waan ta'uu hin beekneef, nama hin jibbin ofiikees hin jibbin!

👇
Miira xiiqii 🎯 👈
👆

Dhiifama Baay'ee Ulfaataa Ta'e! 🆘
▬▬▬▬▬▬▬▬▬▬▬
🔻 Dhiifama hunda keessaa inni  baay’ee ulfaataa ta’e ofiif dhiifama gochuudha. Badiin kanaan dura hojjenne ofuma keenya akka komannu (ceephaanu) nu taasisa. "Animee balleesseera, bakkan yaade dhiisee bakkan hin yaannetti argameera, waanan gochuu qabu dhiisee waan hin malle raawwadheera" jennee of kommanna! Eeyyeen dur hundumti keenya dogoggora hedduu raawwannee turre ta'a; har'a garuu guyyaa haaraa waan ta'eef wanta darbe yaadannee yeroo keenya qisaasessuu utuu hin taane, muuxannoo fudhannee fuuldura keenyarratti hojjechuu qofa nu barbaachisa. Wanti utuu hin beekin hojjenne hundi kaleessa keenya akka dhabnu nu taasiseera. Har'a keenya garuu lammaffaa akka nu jalaa fudhatu goonee badii biraa akka hin daballe, kan darbe hundaaf dhiifama haa goonu! 👍

Miiraa Xiiqii 🎯

Galatoomaa 🙏

Hordooftoota 6k gallee jirra.

Galatoomaa 🙏
Yaada, qeeqaa, jajjabina fi komi yoo qabattan 👇
@Guluma_Hailu0912

Bilchina sammuu 🏆

Utuu lammiin kiyya
Nagaa dhabee aaduu
Rakkoon lakkuu taatee
Jireenya isaa waaduu

Utuu haati hiyyeessaa
Akka malee cabduu
Qe'eedhaaf qabeenyaa
Ijoolleeshees dhabduu
~
Utuu Sabni nagaan
Rasaasaan waadamuu
Kolfi naan hin jedhiin
Kolfuun hin yaadamuu!
SALAALEE KOO 😭😭

Mul'ataaf malee mul'achuuf hin hojjatin

Mul'anni kee bakka ati gahuu barbaaddu sitti mul'isa. Namni mul'ata qabu mul'ata isaa galmaan gahuuf jiraata. Namni mul'ata isaa galmaan gahuuf hojjatu galma ni ga'a. Namni mul'achuuf hojjatu galmi isaa mul'achuuf males mul'ata waan hin taanef galma gahu hin qabu.

Namni mul'ata qabuu fi mul'ataaf hojjatu akka Ifaa bara baraan hin dhaamnetti mul'anni isaa ol baasee isa mul'isa. Namni mul'achuuf hojjatu immoo yeroo ta'eef akka Ifaa billic jedhee takka ifee deebi'ee dhaamuu mul'atee bada. Yoomiyyuu yoo ta'e mul'achuuf osoo hin taane, mul'ata kee galmaan gahuuf hojjadhu.

Uffata feete uffadhu, konkolaataa feete qabadhu, barbaaddu xiyyaara feete qabaadhu, qabeenyi kee ittiin mul'achuuf osoo hin taane mul'ata kee galmaan ga'uuf hojjadhu.

Addunyaa kan jijjiiran namoota mul'achuuf dhama'an osoo hin taane, namoota mul'ata galmaan ga'uuf dhama'aniidha.

Join godha 👇
》》》》》》》》》》》
》》 Miiraa Xiiqii 🎯 《《
》》》》》》》》》》》

⁃ Ati garaa dhiifamaa qabdaa?
⁃ Nama si miidheef garaa kee guutuu dhiifama gootee?
⁃ Garaa dhiifamaa qabaachuun balbala nagaa, balbala eebbaa banachuu akkasumas boqonnaa fi gammachuu sammuu ofiitiif argachuu, dhukkuba irraa fayyuus akka ta'e beektaa???

Mee ergaalee jahan kanaa gadii dubbisii hiriyaa kee jaalattu 5f #share godhi! Itti eebbifami!

Gɑrɑɑ Dhiifɑmɑɑ!
▬▬▬▬▬▬▬▬▬
❍ Jɑɑlɑlli kɑn ibsɑmu gɑrɑɑ dhiifɑmɑɑ qɑbɑɑchuu dhɑɑn!

❍ Gɑrɑɑ dhiifɑmɑɑ qɑbɑɑchuun gufɑnnɑɑ bɑɑy'ee irrɑɑ nɑmɑ hɑmbisɑ.

❍ Siif dhiise jechuunis eenyummɑɑ nɑmɑɑtti kɑbɑjɑ olɑɑnɑɑ horɑ.

❍ Dhiifɑmɑ gochuun hubɑtɑɑ nɑmɑ tɑɑsisɑ.

❍ Gɑrɑɑ Dhiifɑmɑɑ Qɑbɑɑchuun wɑntɑ hundumɑɑ obsɑɑn birɑ dɑrbuu gɑɑfɑtɑ. Dɑndeettiin hubɑnnoo nɑmɑɑtiis obsɑ qɑbɑɑchuu isɑɑtiin ibsɑmɑ.

❍ Nɑmni dhiifɑmɑ godhu gɑrɑɑ qulqulluu qɑbɑɑchuu isɑɑtiif rɑgɑɑ bɑ'ɑ.
Dhiifama Waliif Haa Goonu!!!

GARAA DHIIFAMAA NAMNI QABU:

1. Bara isaa keessatti nagaa guutuu qaba.
2. Nama hundumaa waliin gabiitti jiraata.
3. Rakkina isa mudachuu danda'u keessaa salphumatti ba'uu danda'a!
4. Abbaa furmaataa ta'a.
5. Tokkummaa uumuu fi Qabaacuutti cimaadha!
6. Fakkeenya Gaarii ta'a.
» Gorsuudhaan
» Barsiisudhaan
» Hojjechuudhaan
» Ija godhachuudhaan
» Galma gahuudhaan Fakkeenya Gaarii ta'a!

Garaa Dhiifamaa Qabaadhu!
Miiraa Xiiqii 🎯

Milkaa'inaa fi dogoggora ofii fudhachuu danda'u

🔥Yeroo dogoggora kee namni sitti himu hin mufatin; yoo mufatte, inni dogoggora isaa dhaga'uun isa mufachiisa jedhanii si gorsuu dhiisu!

🔥 Yeroo dogoggora kee sitti himan hin qoosin; kana yoo goote, yaada si fooyyessuuf ati bakka hin qabdu!

🔥 Yeroo dogoggora kee sitti himan; ariifattee kan isaaniis isaan yaadachiisuuf hin waxalamin. Akka nama taate yaadadhu. Yoo dogoggorte waan haaraa miti. Yeroo qeeqamtu, akka jibbaa yookaan akka firdiitti hin fudhatin (don't take it personally)

🔥 Yeroo dogoggora kee sitti himan gara hin dabarsin yookaan dubbannaa biraa dubbachuuf hin ariifatin

🔥 Yeroo dogoggora kee sitti himan, "Maaltu si galche?" hin jedhin. Hiriyummaa dhugaan dogoggora keessatti wal ilaalanii dubbachuu dhiisuu miti.

Miiraa Xiiqii 🎯

Akaakuuwwan Ilaalcha Namaa

Ilaalcha isaan qaban irratti hundoofnee namoota bakka sadiitt qooduu dandeenya. Isaanis kan armaan gadiiti:

Namoota Ilaalcha /Yaada Xiqqaa
Qaban (Small Minded People)

Namoonni akkasii yeroo baay'ee nama dhuunfaa irratti xiyyeef- fatu. Haasaan isaanii nama dhuunfaa waliin kan wal qabate dha. "Abalu akkas jedhe...", "Abalu akkas goote...", "Abbaan abaluu
akkana akkana gochuuf jedha..." jedhu. Namoonni akka kanaa kun waa'ee nama dhuunfaa irratti waan xiyyeeffataniif hawaasa biratti hamattoota jedhamuun beekamu.

Waa'ee waan biraa dhaga'uu irra waa'ee nama tokkoo dhaga'uun baay'ee isaan gammachiisa. Waan dhaga'an icciitiidhaan qabatanii turuun isaanitti ulfaata. Kanaaf dhoksaa /icciitii namaaf eeguu irratti rakkina qabu.

Namoota Ilaalcha Giddu Galeessaa
Qaban (Medium Minded People)

Namoonni garee kana keessatti ramadamanimmoo warra jalqabaa irra amma tokko kan fooyya'anii dha. Yeroo baay'ee wanti isaan yaadan waa'ee dhaabbata (organization) tokkooti. Dhaga'uus wanti isaan fedhan kanuma. "Kilabiin kubbaa miillaa Arsenaal akkana godhe...", "Waldaan dargaggoota aanaa keenyaa kana kana raawwate...", "Masjiida achii keessatti kun kun ta'e..." fi kanneen kana fakkaatan jedhu.

Namoonni akkanaammoo yeroo fi humna isaanii waan hin bar- baachifneef oolchuun beekamu. Waan isaan hin ilaallanne keessa seenuun of qisaasessu. Kunimmoo yeroo isaaniitti haalaan akka hin fayyadamne isaan taasisa. Ammallee wanti bira darbanii deemuun isaaniif ta'u ni jira. Kanneen akkanaa yoo si mudatan irraa hin baqatin. Kallattii sirrii itti argisiisi.

Namoota yaada /ilaalcha guddaa
qaban (Large minded people)

Isaan kun namoota fageessanii yaaduu danda'anii dha. Waa'ee nama dhuunfaas ta'e waa'ee dhaabbata adda addaa utuu hin taane, yaada (idea) irratti mari'atu. Akkamitti hojii adda addaa hojjechuu akka qaban haasa'u. Yeroo baay'ee mul'ata (vision) qaban dubbachuu jaallatu.

Namoonni akkasii ofii isaanii qaama rakkina garaa garaa ta'u utuu hin ta'in, rakkina uumame hundaaf furmaata barbaaduun beekamu. Nama kufe yoo argan kufaatii isaaf itti qoosuudhaan hamilee isaa cabsuu irraa qabanii kaasanii maal gochuu akka inni qabu itti himuun, kallattii itti agarsiisuun dirqama eenyummaa isaanii ba'atu.
Ofii isaanii sadarkaa guddaa irra ga'uuf akkuma dhama'an hunda namoonni isaan kaanis akka guddatan barbaadu. Hinaaffaaf raaw. watanii iddoo hin kennan. Hir'ina isaanii irra ga'umsa isaanii ir. ratti xiyyeeffatu.

"Ani nan deemaa, ati hafi" ilaalcha jedhu hin qaban. "Anis atis wajjin kufna" jedhaniis hin yaadan. Nama hundumaaf ilaalcha sirrii qaba. "Wajjin guddanna" jedhanii waan yaadaniif dadhabaa lammii isaanii gargaaruu irratti xiyyeeffatu. Gammachuu lammii isaanii gargaaruun isaaniif kennu qarshiin kamuu bakka isaaniif hin buusu.

Kitaaba Eebbisaa Baayisaa barreesse irraa Miiraa Xiiqii 🎯

Yaada Gaarii Yaadi! Positively Yaadi!

Addunyaan ilaalcha yookiin yaada kee keessa jira; Yaadni kee dhugaa lafa kanarra jiru jijjiiruu yoo baatellee dhiibbaa jireenya kee irratti fidu ni hir’isa;  Guyyaa fokkisaadha jechuurra guyyaa bareedaadha jedhi; Itoophiyaa keessa jiraachuun na hin barbaachisu jechuurra, rakkoon amma jiru hundi ni darba, Itoophiyaan biyya mijataa taati jedhi! Hojii hin argadhu jechuurra, hojii hin dhabu jedhi; Jireenya koo jijjiiruu hin danda'u jechuurra, jireenyi koo guyyaa guyyaan fooyya'aa jira jedhi! Na amani yaada gaarii yaaduu yoo dhiifte, jireenyi kee ni hammaata, kanaaf yaada gaarii qabaadhu!

♻️Share♻️
Join 👇
Miiraa Xiiqii 🎯