Bilim va Tafakkur

#Қонунчиликдаги_янгиликлар

Президентнинг Муҳаммад Ал-Хоразмий номидаги халқаро мукофоти таъсис этилди

🔬 Фанлар академиясининг В.И.Романовский номидаги Математика институти (Институт) таркибида Математика таълими бўйича ўқув-услубий материалларни мувофиқлаштириш лабораторияси ташкил этилади.

❗️2021 йил 1 сентябрдан бошлаб давлат таълим муассасаларида қўлланиладиган математика фани бўйича дарсликлар ва ўқув қўлланмаларни ишлаб чиқишда мажбурий тартибда Институтнинг эксперт хулосаси олинади.

✏ Қарор билан математика соҳасидаги фундаментал ва амалий илмий изланишлари натижаларига кўра амалиётдаги муайян муаммонинг ечимини таклиф этган олимларни мукофотлаш мақсадида Ўзбекистон Республикаси Президентининг Муҳаммад Ал-Хоразмий номидаги халқаро мукофоти таъсис этилди.

🏅 Мукофот билан Ўзбекистон фуқаролари, чет эл фуқаролари ва фуқаролиги бўлмаган шахслар тақдирланади.

📃 Мукофот икки йилда бир марта Президент томонидан Фан ва технологиялар бўйича республика кенгашининг таклифига кўра учта йўналиш (фундаментал соҳадаги тадқиқотd, ёшлар ўртасидаги тадқиқот ва иқтисодиётнинг реал секторидаги муаммонинг ечимини таъминлаган тадқиқот) бўйича берилади.

💰 Ҳар бир йўналиш бўйича мукофот совриндорларига 50 минг АҚШ доллари эквивалентидаги пул мукофоти берилади.

🏢 Шунингдек, қарорга кўра, Қорақалпоғистон Республикасида, Бухоро, Наманган, Самарқанд ва Хоразм вилоятларида Институтнинг ҳудудий бўлинмалари ташкил этилади.

Ҳудудий бўлинмалар юридик шахс ҳисобланмайди ва институтнинг таркибидаги илмий бўлинмалари сифатида фаолият юритади.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

Миллий сертификатга эга абитуриент давлат ОТМга киришда математика фани бўйича тестдан озод қилинади

Қарорга мувофиқ, 2021 йил 1 январга қадар Математика фанини билиш даражасини баҳолаш бўйича миллий сертификатлаш тизими жорий қилинади.

✅ Миллий сертификатлаш тизими доирасида:

👉 математикани билиш даражасини баҳолаш ва бу тўғрисида миллий малака сертификатини бериш ўрнатилган тартибда Давлат тест маркази томонидан амалга оширилади;

👉 математикани билиш даражасини баҳолаш табақалаштирилган ҳолда амалга оширилади;

👉 имтиёз бериладиган даражадаги миллий сертификатга эга абитуриент давлат ОТМга ўқишга киришда математика фанидан тест синови топширишдан озод этилади ва унга математика фани учун белгиланган максимал балл берилади;

👉 2021 йил 1 сентябрдан бошлаб Ихтисослаштирилган мактабларнинг математика фани бўйича ўқитувчилари тегишли даражадаги миллий сертификатга эга бўлишлари мажбурий ҳисобланади;

👉 миллий сертификатнинг тегишли даражасига эга математика фани ўқитувчиларига (Ихтисослаштирилган мактабларнинг математика фани ўқитувчиларидан ташқари) улар фаолият олиб бораётган давлат таълим муассасасининг жойлашувига қараб базавий тариф ставкасига нисбатан 25 фоиздан 50 фоизгача ҳар ойлик устама ҳақ тўланади.

Каналга уланиш👇👇👇
https://t.me/huquqiyaxborot

⚡️Мактаб битирувчилари учун кириш имтиҳонларини соддалаштириш таклиф қилинмоқда

Кеча Давлат тест маркази томонидан ОТМларга кириш имтиҳонларини янада соддалаштириш тўғрисидаги Президент қарори лойиҳаси эълон қилинди.

https://regulation.gov.uz/uz/document/16493

Ушбу лойиҳада бир қатор янгиликларни жорий этиш ҳақида гап бормоқда.

Жумладан қуйидагилар таклиф қилинмоқда:

➖ кейинги ўқув йили, яъни 2021/2022 ўқув йилидан бошлаб, мактабларнинг битирувчилари учун якуний давлат аттестацияси ҳамда ОТМларга ўқишга кириш синовларини бирлаштириб, мажбурий фанлар ва мактаб битирувчиси танлаган бакалавриат таълим йўналишига мос иккита фан бўйича ягона тест синовларини апрель – май ойларида ўтказиш;

➖ тест синовлари натижаларини ўтказилган куннинг эртасига ДТМ расмий веб-сайтида эълон қилиш;

➖ тест синовлари натижаларини мактаб битирувчилари умумий ўрта таълим дастурларини тўлиқ ўзлаштиргандан кейин ўтказиладиган якуний давлат аттестациясида ҳамда ОТМларга ўқишга қабул қилиш танловида инобатга олиш.

Шунингдек:

👉 мактаб битирувчилари мажбурий учта фан ва ўзи танлаган бакалавриат таълим йўналишига мос иккита фандан тест синовларини топширади;

👉 мактаб битирувчиси танлаган бакалавриат таълим йўналишига мос 2 та фаннинг ҳар биридан ўтказилган тест синови натижаси қониқарли бўлганда, уларнинг натижаси умумий ўрта таълим тўғрисидаги аттестатига баҳолаш мезонига мувофиқлаштирилган ҳолда қўйилади ва қўшимча тест синовларисиз белгиланган тартибда тест синови топширган мос ўқув тили ва таълим йўналиши бўйича танловда қатнашади;

👉 мактаб битирувчиси танлаган бакалавриат таълим йўналишига мос 2 та фаннинг камида биридан тест синови натижаси қониқарсиз бўлганда, у мактаб томонидан ўтказиладиган якуний давлат аттестациясида мажбурий равишда иштирок этади;

👉 тест синовларида иштирок этмаган ёки унда қониқарсиз баҳоланганларга белгиланган тартибда, барча абитуриентлар қатори июль-август ойларида тест синовларида қатнашиш ҳуқуқи берилади.

❗️ЭСЛАТМА: ушбу қарор фақат лойиҳа мазмунида. Ҳали расман қабул қилинмаган. Бошқача айтганда булар ҳозирча шунчаки таклиф.

Қарор лойиҳаси 16 апрелга қадар муҳокама қилинади.

Yoshlar press-klubida ta’lim tizimiga bag‘ishlangan sessiya bo’lib o’tdi

2020-yil 13-yanvar kuni O‘zbekiston yoshlar ittifoqi Markaziy kengashi binosida Yoshlar press-klubining navbatdagi sessiyasi doirasida ta’lim sohasida 2019-yilda amalga oshirilgan ishlar va 2020-yildagi asosiy vazifalar muhokama qilindi.

Tadbirda Oliy va o‘rta maxsus ta’lim vazirligi, Xalq ta’limi vazirligi, Maktabgacha ta’lim vazirligi, Ta’lim sifatini nazorat qilish davlat inspeksiyasi, Davlat test markazi hamda Prezident, ijod va ixtisoslashtirilgan maktablarni rivojlantirish agentligi rahbarlari ishtirok etdilar.

Tadbir davomida Davlat test markazi direktori Madjit Malikovich Karimov Davlat test markazi tomonidan 2019-yilda amalga oshirilgan ishlar, yutuqlar, kamchiliklar va kelgusida amalga oshirilishi ko’zda tutilayotgan test sinovlarini takomillashtirish bo’yicha rejalar borasida ma’lumot berdi.

Test sinovlarini takomillashtirish bo’yicha rejalar:

✅ Test topshiriqlarining mazmuni va tuzilishini takomillashtirish hamda ularga mos javoblarini har xil (standartlashtirilmagan, fikrlashga yo‘naltirilgan) holda tuzishni bosqichma-bosqich joriy etish.

✅ Hududlarda yengil konstruksiyali materiallardan katta sig‘imli binolar va inshootlar qurilishi va yil davomida test sinovlarini o‘tkazish. Binolarni zamonaviy videokuzatuv kameralari hamda audioyozuv qurilmalari bilan jihozlash.

✅ Abituriyentlarga Davlat test markazining rasmiy sayti orqali ro‘yxatdan o‘tish imkoniyatini yaratish.

✅ Abituriyentlarga yil davomida test sinovi topshirish imkoniyatini yaratish.

✅ Abituriyentlarga 5 yoki 6 tagacha oliy ta’lim muassasasi (ta’lim yo‘nalishi)ni tanlash imkonini berish.

✅ Chet tillaridagi kabi umumta’lim fanlaridan sertifikat berishni bosqichma-bosqich joriy etish.

✅ XTV bilan birgalikda OTMga kirish istagidagi bitiruvchilarni test sinovidan o’tkazish va o’quvchilar bitiruv imtihoni ballari asosida tanlovda ishtirok etishini ta’minlash.

Tadbir yakunida jurnalist va blogerlarning mavzuga doir savollariga batafsil javob berildi.

Davlat test markazining ijtimoiy tarmoqlardagi sahifalari:
Telegram | Facebook | Instagram | YouTube