أجيه بخاطري زحمة كلام و شجب و استنكار
‏و اروح و عادها خلف الضلوع العوج محتدمه

‏عجزت اقسى على ليّن شعوره بالعتاب الحار
‏و هو رجفة يديه تسلّمه و دموعه تخدمه ..

‏غلاه اكبر من اللوم و خطاه اكبر من الاعذار
‏تناقض ،، كفٍ تداري شعور و كفٍ تهدمه !

‏زعلت و لا زعلت ان الغلا الصافي عليه غبار
‏تعتّق عمر ،، و الشي المعتّق ميزته قدمه

‏لذا شفت الغياب الحل الانسب و الأقل اضرار
‏أنا محتاج وقت انسى الخطا و اتجاوز الصدمه