Gemoglobin (HGB) — kislorodni organlarga, karbonat angidridni o’pkaga olib boradigan oqsil. Gemoglobin yetishmasligi anemiya va gipoksiyaga olib keladi. Qonda gemoglobin miqdori juda ko’p bo’lsa, gemopoez jarayoni buziladi. Bu suvsizlanish va qon saratoniga xosdir; Leykositlar limfositlar, eozinofillar, neytrofillar, monositlar va bazofillardan tashkil topgan qon hujayralari guruhidir. Ushbu hujayralar bakteriyalar, allergenlar, zamburug’lar va viruslardan himoya qiladi. Leykositlar konsentrasiyasi, odatda leykozda va organizm infeksiya yoki yallig’lanish markaziga hujum qilganda, oshadi. Trombotsitlar (PLT) – qon ivishini ta’minlaydigan va qon ketishini to’xtatishga yordam beradigan qon elementlari. Qon tomirlari devori shikastlanganda trombositlar bilan yopiladi. Ko’p qon yo’qotishning oldini oladigan qon quyqasi hosil bo’ladi. Agar trombositlar darajasi pasaysa, bu qon ketishi yoki irsiy ivish buzilishini anglatadi. Trombositlar konsentrasiyasining ortishi onkologik patologiyalarni yoki ayrim dori-darmonlarni qabul qilishini ko’rsatadi;