مره جنت مسافره يعني خارج بلدي
و رحنه مكان
العائله انقسمت قسمين ف انا و اختي و بابا قسم
والاهل الباقين قسم ثاني

المهم احنه وصلنه للمكان قبلهم و ردنه انروح للتواليت
عبرنه الشارع و رحنه غسلنه و عدلنه حجاباتنه
و انوبهه ردنه نرجع للسياره
عودك نعبر انا و اختي
اختي عبرت و انا ضليت ما عبرت لان انا كلش اخاف اندعم ف من خوفي هيه عبرت و انا ضليت
و بعدين قررت اعبر
مشيت و صلت لنص الطريق
اجتي سياره طايره
انا من كد الخوف ما عرف اعبر لو ارجع ضليت واكفه بنص الطريق و غمضت اعيوني كلت هاهيه راح اندعم
و الضويه صارن ب اعيوني فتحت اعيوني
و السياره لافت عكس مكان وقفتي

و الحمدلله انا هسه عايشه 😂😂

بس هاذه الموقف ابد ما انساهه
و بسبب هاذه الموقق ضليت اخاف من عبور الشارع بشكل مو طبيعي
و يعني مستحييل اعبر وحدي اله واحد يعبرني و عودك انا جبيره بس
صارت بيه فوبيه من عبور الشارع💔