Audio Book Myanmar စာပေ စာအုပ်များ

Strategic marketing

Review in comment

စာအုပ်မဖတ်ခင် Joinပါ📂
https://t.me/bookfree2025

စာအုပ်ဖတ်ရန် 📂
https://t.me/bookfree2025/23781

"တစ်စုံတစ်ယောက်ကို မနာကျင်အောင် နေနိုင်လိုက်ချိန်ကစလို့၊ လူတစ်ယောက်ဘဝဟာ စိတ်ဓာက်အမြင့်ဆုံး အခြေအနေတစ်ခုဆီကို ရောက်ရှိသွားတော့တယ်။" 🩵

◾ဘဝမှာ တစ်စုံတစ်ယောက်ကို မနာကျင်အောင် နေနိုင်လာတဲ့နေ့ကစပြီး ကိုယ့်ဘဝဟာ အပြင်ကနေ ကြီးမြတ်လာတာမဟုတ်ပဲ… အတွင်းကနေ မြင့်တက်လာပြီလို့ ပြောလို့ရပါတယ်။ လူတစ်ယောက်ဟာ အသက်ကြီးလာတာ Growth and Old နဲ့ ရင့်ကျက်လာတာ Develop and Maturity က မတူပါဘူး။

အသက် Old က ခုနှစ်သက္ကရာဇ်တွေကိုသာ ရေတွက်ပေးပြီးတော့၊ ရင့်ကျက်မှု Maturity ကျတော့ ကိုယ့်စကားတစ်ခွန်းဟာ တစ်ဖက်လူရဲ့နှလုံးသားပေါ် ဘယ်လောက်အလေးချိန် ကျနိုင်သလဲဆိုတာကို သိလာတဲ့အခါမှာ စတင်ပါတယ်။

◾ဟိုး... မသိနားမလည် ခပ်ငယ်ငယ်၊ ခပ်ရွယ်ရွယ် အချိန်တုန်းက‌တော့ ပြောချင်တာကို ရှေ့နောက်မစဉ်းစားပဲ ပြောချလိုက်တယ်။ စိတ်ဆိုးရင် ဘယ်သူ့မျက်နှာမှမထောက် ပြန်ပြောမိတယ်။ နာကျင်ရင် ပိုနာကျင်သွားအောင် ပြန်လုပ်ချင်ကြပြန်တယ်၊ စိတ်က အဲ့လိုမျိုး။

အသက်အရွယ်တွေရလာပြီ၊ အချိန်တွေကြာလာတဲ့အခါကျတော့ အနိုင်ရတာထက် တစ်ဖက်လူ မနာကျင်ဖို့က ပိုအရေးကြီးလာပြီ။ အဲဒီအပြောင်းအလဲလေးက လူတစ်ယောက်ရဲ့အတွင်းမှာ ဖြစ်လာတဲ့ အလွန်တိတ်ဆိတ်တဲ့ Growth တစ်မျိုးပါပဲ။

◾တစ်ခါတလေများဆိုရင် ကိုယ့်ဆီမှာ ပြန်ပြောနိုင်တဲ့စကား ရှိသလို၊ ပြန်နာကျင်အောင် လုပ်နိုင်တဲ့အခွင့်အရေးလည်း ရှိပါတယ်။ ဒါပေမယ့်လည်း ဒါကို မလုပ်ဖြစ်တော့ဘူး။ ဘာဖြစ်လို့လဲဆိုတော့ “ငါလုပ်လိုက်ရင် သူနာကျင်မယ်” ဆိုတာကို ကိုယ့်စိတ်က ကြိုသိနေပြီးသားမို့ပါ။

အဲဒီအချိန်မှာ ကိုယ့်ရဲ့ Self-control ဟာ ကိုယ့်ရဲ့အင်အားတစ်ခုပါ။ တစ်ဖက်လူက ကိုယ့်ကို မကောင်းတာလုပ်ခဲ့လို့ ကိုယ်လည်း မကောင်းတာပြန်လုပ်ရမယ်ဆိုတာက ဘဝရဲ့ စည်းမျဉ်းမှမဟုတ်တာကို။

◾သူ့အပြုအမူဟာ သူ့အကြောင်းကို ပြောရုံမျှသာပါ။ ဒါက ကိုယ့်ဘဝအကြောင်း မဟုက်ဖူးလေ။ ဒါကို ကိုယ့်တုံ့ပြန်မှုကတော့ ကိုယ့်အကြောင်း ဖြစ်သွားပြီ။ ဒါကြောင့်မို့ သူများရဲ့ အပြုအမူကို ကိုယ်တိုင် ရွေးချယ်လို့ မရပေမယ့်လည်း ကိုယ်က ဘယ်လိုလူဖြစ်သလဲ ဆိုတာကိုတော့ ကိုယ်တိုင်ကသာ ရွေးချယ်နိုင်ပါတယ်။

တစ်ခါတလေကျရင် တိတ်နေလိုက်တာဟာ ပိုကောင်းတဲ့အချိန်တွေ ရှိပါတယ်။ ကိုယ့်စိတ်ထဲမှာ ရှိသမျှကို အကုန်ပြောပြဖို့ မလိုတော့တာပါ။ တစ်ခါတလေ လမ်းခွဲလိုက်တာဟာ မုန်းလို့မဟုတ်ပဲ၊ နှစ်ယောက်စလုံး ထပ်မနာကျင်ကြဖို့ အကွာအဝေးတစ်ခု ထားပေးလိုက်တာပါ။

◾တစ်ခါတလေ ခွင့်လွှတ်လိုက်တာဟာ သူလုပ်ခဲ့တာ မှန်တယ်လို့ ဝန်ခံလိုက်ခြင်းလည်း မဟုတ်ပါဘူး။ ဒါက ကိုယ့်နှလုံးသားကို အဲဒီအဖြစ်အပျက်ထဲမှာ ဆက်မချုပ်ထားချင်တော့တာပါ။ ချည်ထားရင် တင်းကြပ်ပြီး၊ ချုပ်ထားရင် မလွတ်လွတ်မှာ စိုးလို့ပါ။

အချစ်ဆိုတာလည်း ကိုယ့်လက်ထဲမှာ ပိုင်ဆိုင်ထားခြင်းတစ်ခုတည်း မဟုတ်ပါဘူး။ တစ်ယောက်ကို ချစ်နေသေးပေမယ့် သူ့ဘဝကို သူ့အတိုင်း အသက်ရှူခွင့်ပေးနိုင်တာလည်း မေတ္တာတစ်မျိုးပါပဲ။

◾Love without possession. Kindness without expectation. Distance without hatred.

ဒီလိုအဆင့်ကို ရောက်လာတဲ့အခါ လူတစ်ယောက်ဟာ တဖြည်းဖြည်း နူးညံ့လာတယ်။ ဒါပေမယ့် အားနည်းသွားတာတော့ မဟုတ်ဘူး။ လိုအပ်တဲ့နေရာမှာ “မလုပ်ဘူး” လို့ ပြောနိုင်လာမယ်။ လိုအပ်တဲ့နေရာမှာ “မသွားတော့ဘူး” လို့ ဆုံးဖြတ်လာနိုင်တယ်။

◾ဒါပေမယ့် ကိုယ့်ဆုံးဖြတ်ချက်ကြောင့် တစ်ဖက်လူကို မလိုအပ်ဘဲ နာကျင်အောင်တော့ မလုပ်ချင်တော့ဘူး။ မလုပ်ဖြစ်တော့ဘူး။ မစဉ်းစားဖြစ်တော့ဘူး။ အဲဒါဟာ နူးညံ့ခြင်းနဲ့ ခိုင်မာခြင်း နှစ်ခု တစ်ပြိုင်နက်တည်း ရှိလာခြင်းပါ။

ဘဝမှာ လူတစ်ယောက်ရဲ့ အမြင့်ဆုံးအောင်မြင်မှုဆိုတာ လူအများကြီးကို အနိုင်ယူနိုင်ခြင်း မဟုတ်ပါဘူး။ ကိုယ့်စိတ်ကို ကိုယ်နိုင်လာခြင်းပါ။ ဒေါသထွက်နေချိန်မှာ စကားကို ထိန်းနိုင်ခြင်း။ နာကျင်နေချိန်မှာ လက်စားမချေခြင်း။ အခွင့်အရေးရနေချိန်မှာတောင် တစ်ဖက်လူကို မချိုးဖဲ့လိုက်ခြင်း။ ဒီလိုအရာတွေဟာ ဘယ်ဆုတံဆိပ်နဲ့မှ တိုင်းလို့မရတဲ့ လူ့ဂုဏ်သိက္ခာရဲ့ အလှတရားတွေပါ။

◾အသက်ကြီးလာတာနဲ့အမျှ အရာရာကို အနိုင်ရဖို့ မလိုတော့ပါဘူး။ တစ်ခါတလေ ကိုယ့်စိတ်အေးချမ်းမှုကို ထိန်းထားနိုင်တာလေးနဲ့တင် ဘဝက လုံလောက်နေပါပြီ။ သူများရဲ့နှလုံးသားမှာ ကိုယ့်ကြောင့် အနာတစ်ခု မကျန်ခဲ့စေဖို့ သတိထားနေထိုင်နိုင်ရင်… ကိုယ်မသိလိုက်ဘဲ လူတစ်ယောက်ရဲ့ဘဝမှာ အလင်းရောင်လေးတစ်ခု ဖြစ်နေပါပြီ။

တစ်စုံတစ်ယောက်ကို မနာကျင်အောင် နေနိုင်ခြင်းဟာ သူ့အတွက် ပေးတဲ့လက်ဆောင်တစ်ခုတည်း မဟုတ်ပါဘူး။ ဒါက ကိုယ့်စိတ်ကိုလည်း ပိုသန့်ရှင်းစေတဲ့ လက်ဆောင်တစ်ခုပါ။

◾အမှန်တကယ်တော့ လူတစ်ယောက်ရဲ့ ဘဝတန်ဖိုးကို သူဘယ်လောက်ရခဲ့သလဲနဲ့သာ မတိုင်းချင်တော့ဘူး။ သူဖြတ်သန်းခဲ့တဲ့လမ်းမှာ ဘယ်နှလုံးသားတွေကို နွေးထွေးစေခဲ့သလဲ၊ ဘယ်နှလုံးသားတွေကို မလိုအပ်ဘဲ မနာကျင်စေခဲ့သလဲဆိုတာနဲ့သာ တိုင်းကြည့်ချင်ပါတယ်။

အခြားသူတွေကို မနာကျင်စေဖို့ သတိထားခြင်း၊ မနာကျင်စေဘဲ ထွက်ခွာတတ်ခြင်း၊ နာကျင်စေခဲ့သူကိုတောင် မုန်းတီးမှုနဲ့ မရှင်သန်တော့ခြင်း— အဲဒီနေရာလေးကို ရောက်လာတဲ့အခါ လူတစ်ယောက်ဟာ လောကကို အနိုင်ယူနေခြင်းမဟုတ်ဘဲ ကိုယ့်အတွင်းက ကိုယ့်ကိုယ်ကိုယ် မြင့်တင်နိုင်လာတာခြင်းလို့ မှတ်ယူကြရပါမယ်။

ချစ်ခြင်းများစွာဖြင့်။

Hello October 🌿

ကိုယ်တိုင်အတွက်လည်း ကြင်နာမှု၊
ချစ်ရသူတွေအတွက်လည်း နားလည်မှု၊
တွေ့ဆုံရသူတိုင်းအတွက်လည်း
မေတ္တာတရားတွေကို
တတ်နိုင်သလောက် ပေးနိုင်ကြပါစေ။

ဒီလလေးမှာ
ကိုယ့်နှလုံးသားလေးလည်း နူးညံ့နိုင်ပါစေ။
ကိုယ်ချစ်ရသူတွေလည်း လုံခြုံနိုင်ကြပါစေ။
လူတစ်ယောက်ချင်းစီတိုင်းလည်း
နာကျင်မှုတွေထက်
စိတ်ရော ကိုယ်ပါ လုံခြုံမှုတွေ
ပိုများလာနိုင်ပါစေ…

မေတ္တာဖြင့်
Andrea

✅ လွတ်လပ်စွာ Share နိုင်ပါသည်။
⚠️ Copy ကူး၍ နာမည်ပြောင်းခြင်း ခွင့်မပြုပါ။

ဂမုန်းနက်
ရွှေဥဒေါင်း
"ဂမုန်းနက်" ဝတ္ထုဟာ အလက်ဇန္ဒား ဒူးမားစ် (Alexandre Dumas) ရဲ့ The Black Tulip ကို မြန်မာမှုပြု မှီငြမ်းထားတဲ့ ဂန္ထဝင်လက်ရာတစ်ခု ဖြစ်ပါတယ်။ဒီဝတ္ထုဟာ ပန်းစိုက်ပျိုးတာကို ဝါသနာပါတဲ့ လူငယ်တစ်ဦးက ရှားပါးလှတဲ့ "ဂမုန်းနက်" ကို ပွင့်အောင် ကြိုးစားပုံကို အခြေခံထားပါတယ်။ ဇာတ်လမ်းထဲမှာ မနာလိုဝန်တိုမှုကြောင့် မတရားစွပ်စွဲခံရပြီး ထောင်ကျရပုံ၊ ထောင်ထဲမှာပင် ပန်းပွင့်အောင် ဆက်လက်ကြိုးစားပုံနဲ့ ထောင်ပိုင်ရဲ့သမီးဖြစ်သူနဲ့ ဖြစ်ပေါ်လာတဲ့ စင်ကြယ်တဲ့ အချစ်ဇာတ်လမ်းတို့ကို စိတ်ဝင်စားဖွယ် ဖွဲ့နွဲ့ထားပါတယ်။မိမိဝါသနာပါရာ အလုပ်တစ်ခုကို အခက်အခဲတွေ၊ မတရားမှုတွေကြားကနေ မလျော့သော ဇွဲလုံ့လနဲ့ ကြိုးစားရင် တစ်နေ့မှာ အောင်မြင်မှု (ဂမုန်းနက် ပွင့်ခြင်း) ကို ရရှိနိုင်ကြောင်း ပြသထားပါတယ်။သူတစ်ပါးအပေါ် မနာလိုဝန်တိုစိတ်နဲ့ ဒုက္ခပေးသူဟာ နောက်ဆုံးမှာ မိမိပြုတဲ့ကံ မိမိထံ ပြန်လည်သက်ရောက်ပြီး ပျက်စီးရတတ်ကြောင်း သတိပေးထားပါတယ်။ အခက်အခဲဆုံး အချိန်တွေမှာတောင်မှ စစ်မှန်တဲ့ မေတ္တာနဲ့ ကူညီဖေးမမှုက လူတစ်ယောက်ကို ရှင်သန်နိုင်တဲ့ ခွန်အားတွေ ပေးနိုင်ကြောင်း ဖော်ပြထားပါတယ်။

စာအုပ်ဖတ်ရန်
https://t.me/bookfree2025/26485

စကားတစ်ခွန်းကို ပြောသင့်လား မပြောသင့်လား
မစဉ်းစားဘဲ ပါးစပ်ကထွက်ပြီးရော
ပြောလိုက်လို့ မရဘူး။

လူဆိုတာ ပါးစပ်စည်းကမ်းရှိဖို့ အရေးကြီးတယ်။

အသိုင်းဝိုင်းတစ်ခုမှာ ပါးစပ်စည်း မရှိရင်
အဲ့လူနဲ့ သူ့ရဲ့ပတ်ဝန်းကျင် ပုံရိပ်ကျတော့တာပဲ။
အဲ့လူရဲ့စကားတိုင်း လုပ်ရပ်တိုင်းက လဲ
အဆင့်တန်းမဲ့ တန်ဖိုးမဲ့ ဖြစ်သွားတယ်။

ပြန် မပြောသင့်တဲ့ စကား သေချာမသိရင်
မပြောသင့်တဲ့ စကားလဲ ရှိသလို၊ သိနေပေမယ့်
မသိချင်ယောင်ဆောင်ပေးလိုက်သင့်တဲ့
အကြောင်းအရာတွေလဲ ရှိတယ်။

တစ်ဖက်လူရဲ့ စည်းဆိုတာ လေးစားရမယ့်
လူကျင့်ဝတ်တွေထဲက တစ်ခုပဲ။ စည်းကမ်းရှိပါ။

💭 || 2.10.2026

#📚အဆင်ပြေပြေ မပြေပြေ လူမသိစေနဲ့ "
...................................................
နေတတ်အောင်နေပါ
မနေတတ်ရင် အပူဟပ်တယ်။
အနေမတတ်တော့ အပူတွေမရပ်တော့ဘူးပေါ့
ကိုယ်မဆိုင်လဲ ဖြစ်တဲ့ကိစ္စဆို
သွားမဆိုင်ပါနဲ့။

ကိုယ်မပါလဲ ဖြစ်တဲ့ကိစ္စဆို
သွားပြီး ဝင်မပါနဲ့။
ကိုယ်မသိရလဲ ဖြစ်တဲ့ကိစ္စဆို
မသိချင်ပါနဲ့။
သိချင်ရင် မေးလာလိမ့်မယ်
လိုအပ်ရင် ပြောလာလိမ့်မယ်

တွေ့ချင်ရင် ရောက်လာလိမ့်မယ်
ကြားချင်ရင် ဆက်သွယ်လာလိမ့်မယ်
အရေးပါရင် အရာသွင်းပါလိမ့်မယ်။
အမြဲရှိနေမပေးချင်နဲ့
အတင်းဝင် ဖြေရှင်းမပေးချင်နဲ့
မဆိုင်ဘူးထင်ရင် အရမ်းလည်းစိတ်မဝင်စားနဲ့
ဘာဖြစ်လို့လည်းဆိုတော့ ပင်ပန်းရတယ်။

နောက်ပြီးတော့
လိုတာထက်ပိုရင် ဘယ်ဟာမှမကောင်းဘူး
အနေသာချင်တယ်ဆိုရင်
တစ်ချို့ကိစ္စတွေမှာ အသာနေလိုက်ပါ။
ဒါကြောင့် နေတတ်အောင်နေ

နောက်တစ်ခုက
ရှိလဲ လူမသိစေနဲ့
မရှိလဲ လူမသိစေနဲ့
ပျော်နေလဲ လူမသိစေနဲ့
မပျော်နေလဲ လူမသိစေနဲ့
အဆင်ပြေလဲ လူမသိစေနဲ့

အဆင်မပြေလဲ လူမသိစေနဲ့
အများနဲ့နေရလဲ သိုသိုသိပ်သိပ်နေ
တစ်ယောက်တည်းနေရလဲ သိုသိုသိပ်သိပ်နေ။
အထီးကျန်နေရင်တောင်
အထီးကျန်မှုနဲ့ အသားကျအောင်နေလိုက်
အထီးကျန်နေတယ်ဆိုပြီး အဖော်မရှာနဲ့

လိုက်မရောနဲ့ စိတ်အားငယ်မနေနဲ့
စိတ်ကို မအားအောင်ထား တစ်ခုခုလုပ်နေ။
အများနဲ့နေရတာထက်
တစ်ခါတလေ တစ်ယောက်တည်းနေရတာက
ပိုလွတ်လပ်တယ်
ပိုအေးချမ်းတယ်
ပိုအလုပ်ပြီးတယ်
ကိုယ့်ကိုယ်ကိုယ်လည်း ပြန်မြင်နိုင်တယ်

အဆင်ပြေပြေ မပြေပြေ လူမသိစေနဲ့။
ကိုယ့်စိတ်အတတ်အကျကို
သတိနဲ့စောင့်ကြည့်ပြီး
တကယ်အေးချမ်းရာအစစ်ဟာ
ငါ့အတွက်ဘာဖြစ်မလဲဆိုတာတွေးပြီး
နေတတ်အောင်နေပါ။

#စာပေဗဟုသုတ
#စားဖတ်ချင်းကိုမြတ်နိုးပါ

ငယ်ငယ်တုန်းက
တစ်နှစ်ဆိုတာ တော်တော်ကြာခဲ့ပါတယ်…။

မွေးနေ့ရောက်ဖို့လည်း ကြာတယ်၊
ကျောင်းပိတ်ရက်ရောက်ဖို့လည်း ကြာတယ်၊
နှစ်သစ်ကူးရောက်ဖို့ဆို ပိုကြာသေးတယ်

“နောက်နှစ်ကျရင်…” ဆိုတဲ့စကားဟာ
တော်တော်ဝေးတဲ့အနာဂတ်တစ်ခုလိုပဲ

အခုတော့ ထူးဆန်းတယ်

ခုနကပဲ နှစ်သစ်ကူးခဲ့သလိုနဲ့
နှစ်တစ်ဝက်ကုန်သွားတယ်

ခုနကပဲ မွေးနေ့တစ်ခါကျော်ခဲ့သလိုနဲ့
နောက်တစ်ခါ ပြန်ရောက်လာတယ်

ပြက္ခဒိန်တွေကတော့
အရင်လိုပဲ တစ်ရွက်ပြီးတစ်ရွက် ကုန်နေတာပါ

ကလေးဘဝတုန်းကတော့
ကိုယ်က အချိန်အကုန်မြန်ဖို့ စောင့်ခဲ့တယ်

အခုကျတော့
အချိန်က ကိုယ့်ကို မစောင့်တော့သလိုပဲ…။

တစ်ခါတလေတော့
အသက်ကြီးလာတယ်ဆိုတာ
နှစ်တွေ ပိုများလာတာထက်…

တစ်နှစ်ဆိုတဲ့အချိန်က
တဖြည်းဖြည်း တိုလာတာကို
သတိထားမိလာခြင်းလည်း ဖြစ်မယ်ထင်ပါရဲ့…။

ချစ်ခြင်းမေတ္တာ ဆိုတာ
မင်းဂရုမစိုက်တဲ့ ထောင့်ချိုးလေးမှာ
ပွင့်နေတတ်တဲ့ ပန်းလေးတွေလည်းဖြစ်နေနိုင်တယ်
မြင်အောင်ကြည့်ပါကွယ် ။

-ဂန္ဓမာ

လူတွေမမှတ်မိအောင် တိုးတက်ဖို့💚
၁၀မိနစ် အချိန်ပေးဖတ်

ကျွန်မတို့ဘဝမှာ မေ့ပစ်ချင်ပေမယ့် ခေါင်းထဲကနေ ထုတ်ပစ်လို့မရတဲ့ နာကျင်စရာ အမှတ်တရဟောင်းတွေ၊ ခါးသီးတဲ့ အဖြစ်အပျက်တွေ ရှိတတ်ကြပါတယ်။

လူတော်တော်များများက မေ့ချင်တဲ့အရာက ပိုပြီး မှတ်မိနေတတ်တယ်လို့ ပြောတတ်ကြသလို၊ အဲဒီလို ခံစားရတိုင်း ငါ့မှာတော့ အတိတ်ကို လွှတ်ချနိုင်တဲ့ စွမ်းအားမရှိပါလားဆိုပြီး ကိုယ့်ကိုယ်ကိုယ် အားငယ်မိတတ်ကြပါတယ်။

တကယ်တမ်းကျတော့ မေ့ပစ်ချင်တဲ့ အရာတွေကို မေ့မရဘူးဆိုတာ ကျွန်မတို့ ဦးနှောက်ရဲ့ ပြင်လို့မရတဲ့ သဘာဝ မဟုတ်ပါဘူး။

ကျွန်မတို့က အဲဒီနာကျင်စရာတွေကို အသိစိတ်ကနေ မကြာခဏ ပြန်ခေါ်တွေးနေလို့သာ ဦးနှောက်က ဒါကို အရေးကြီးတဲ့ အချက်အလက်တစ်ခုအဖြစ် မှတ်ယူပြီး ပိုပြီး မှတ်မိနေအောင် ထိန်းသိမ်းထားတာပါ။

အောင်မြင်သူတွေကတော့ ဒီဖြစ်စဉ်ကို ပြောင်းပြန်အသုံးချတတ်ကြပါတယ်။

ကျွန်မတို့ရဲ့ ဦးနှောက်မှာ ကိုယ့်အတွက် အကျိုးမရှိတဲ့ မှတ်ဉာဏ်တွေကို ရည်ရွယ်ချက်ရှိရှိ မှေးမှိန်သွားအောင် လုပ်ပစ်နိုင်တဲ့ သဘာဝဖြစ်စဉ် (Active Forgetting) ပါရှိပြီးသား ဖြစ်ပါတယ်။

ဒီလုပ်ဆောင်ချက်ကို အသုံးချပြီး ဦးနှောက်ကို ပြန်လည်ပုံသွင်းဖို့ဆိုရင်၊ ပထမဆုံးအနေနဲ့ အတိတ်က နာကျင်မှုတွေကို ပြန်တွေးမိတဲ့ အခိုက်အတန့်တိုင်းမှာ "ဒီအရာတွေက ငါ့အတွက် ဘာမှ အသုံးမဝင်တော့ဘူး" ဆိုပြီး ချက်ချင်း အသိအမှတ်ပြုကာ အတွေးကို ဖြတ်တောက်လိုက်ဖို့ လိုပါတယ်။

အဲဒီလို ကိုယ့်စိတ်ကို ပြတ်ပြတ်သားသား ထိန်းချုပ်လိုက်တဲ့ စက္ကန့်ပိုင်းလေးအတွင်းမှာတင် ဦးနှောက်ရဲ့ ရှေ့ပိုင်းကနေ အဲဒီမလိုအပ်တဲ့ မှတ်ဉာဏ်တွေကို တမင်တကာ မှေးမှိန်သွားအောင် နောက်ကွယ်ကနေ အလုပ်လုပ်ပေးပါတယ်။

အကြိမ်ကြိမ် လေ့ကျင့်ပေးလိုက်တာနဲ့အမျှ ဦးနှောက်ရဲ့ အာရုံကြောလမ်းကြောင်းတွေဟာ အသစ်ပြန်လည် ဖွဲ့စည်းသွားပြီး အဲဒီနာကျင်စရာတွေဟာ ခေါင်းထဲမှာ နေရာမရတော့ဘဲ တဖြည်းဖြည်းနဲ့ အလိုလို ပျောက်ကွယ်သွားပါလိမ့်မယ်။

ဒါကြောင့် မေ့ပစ်ချင်တဲ့ အတိတ်က ဒဏ်ရာတွေအတွက် ကိုယ့်ကိုယ်ကိုယ် အပြစ်တင်မနေပါနဲ့တော့။

ကျွန်မတို့ရဲ့ ဦးနှောက်ဆိုတာ အတိတ်က ပုံသွင်းထားတဲ့အတိုင်း တစ်သက်လုံး ခံစားနေသွားရမယ့် အရာမဟုတ်ပါဘူး။

ကိုယ်တိုင် ပြန်လည်ထိန်းချုပ်ပြီး လိုသလို ပုံဖော်နိုင်တဲ့ အရာဖြစ်ပါတယ်။

အတိတ်က မလိုအပ်တဲ့အရာတွေကို ကိုယ်တိုင်ရွေးချယ်ပြီး ဦးနှောက်ထဲကနေ ဖယ်ရှားပစ်ဖို့ ဆုံးဖြတ်လိုက်တဲ့အခါ၊ သင့်ရဲ့ စိတ်ထဲမှာရော သင့်ဘဝမှာပါ ပိုမိုလှပပြီး တန်ဖိုးရှိတဲ့ အနာဂတ်သစ်တွေအတွက် နေရာလွတ်တွေ အများကြီး ပေါ်လာမှာ အသေအချာပဲ ဖြစ်ပါတယ်။

◾️ အောင်မြင်သူတွေရဲ့ဦးနှောက် TEAM NYĀNA

#အောင်မြင်သူတွေရဲ့ဦးနှောက် #teamNyana

အကြောင်းမညီညွှတ်လို့
မခေါ်မပြောဖြစ်တာပဲရှိမယ်
ဘယ်သူ့ကိုမှ မေတ္တာမပျက်ခဲ့ပါဘူး ။

အလုပ်ကိစ္စများလို့
မခေါ်အားတာပဲရှိမယ်
ဘယ်သူ့ကိုမှတော့ မမေ့ပါဘူး ။

အဆင်မပြေလို့
စကားမပြောတာပဲရှိမယ်
ဘယ်သူ့ကိုမှ မမုန်းပါဘူး ။

စိတ်ရှုပ်လို့ တစ်ယောက်ထဲ
နားနေချင်တာပဲရှိမယ်
ဘယ်သူ့အပေါ်မှ မာနမကြီးတတ်ပါဘူး ။

လုပ်ရပ်တွေ သဘောမကျလို့
ကင်းအောင်နေမိတာပဲရှိမယ်
ဘယ်သူ့ကိုမှ စာနာစိတ် မပျက်ပါဘူး ။

Crd