bookhoja

Agar mashina yoki moshina so'zlarining qaysi biri to'g'riligini qat'iy bilmasangiz, bu kitobdan keyin aniq moshina deb yozadigan bo'lasiz. Chunki kitobning boshidan oxirigacha mashina so'zi moshina deb yozilgan.

Kunduz kuni hamma stresslarni kulib ichingga yamlamay yutasan, tunda yolg'iz qolganingda ularni hazm qila boshlaysan derdim-u, lekin ular seni hazm qilishayotgani asl haqiqat.

Shifokorlar nazdida soppa sog'man, lekin ichimni nimadir asta-sekin kemirayotganini his qilyapman.

Sevgida oʻlchovlar boʻlmaydi.

Siz boshida malum bir standardlaringizni joylashtirasiz, u yaxshi boʻlsin aqlli boʻlsin, kitobxon bo'lsin va hokazo sifatlarni bir qatorga terasiz.

Lekin qaysidir yaramas, hamma standartlarizni buzgan holda hayotizga kirib keladi, va siz qoʻygan standartlaringizni unutasiz.

Qalb bosh rolga chiqqanda, aql hatto epizodga ham chiqolmay qoladi.

Butun tana faqat qalbga boʻysunadi.

Ilk tortishuvda, aqlga ilk rol beriladi. U oʻylashni boshlaydi. Keyingilarida esa aqlning roli oshib boradi va oxirida u qalb bilan bir xil rolga keladi.

Shunda hayot muvozanatlashadi. Endi siz ham aql bilan ham qalb bilan qaror qabul qilasiz.

Yaxshi suhandon bo'lishdan oldin, yaxshi tinglovchi bo'lishni o'rganish kerak.

Yolg'izlik ham do'st, ham dushman.

To'g'risida shaxsiy hayotimni ochiqlamagan bo'lsam, trenddagi kitoblarni o'qimayotgan bo'lsam, hissiyotga berilib har narsa haqida valdirayvermasam, bir so'z bilan aytganda zerikarli inson bo'lsam, men bilan nimani ham gaplashish mumkin o'zi?

Savol berilishi mumkin bo'lgan hamma variantlarni tamballab, yana har kuni savol-javob qilishimdan o'zimni ko'nglim keta boshlayapti.

Ba'zida o'ylanib qolaman: "Nega menga boshqalarning nechanchi yilda tug'ilgani, qayerda yashashi, aslida qayerdanligi, qayerda va qancha maoshga ishlashi qiziqtirmas ekan", - deb.

Bularni arzimas narsa deb hisoblasam kerak balki. Yangi insonlar bilan tez chiqishib ketish balki shuning uchun menga yotdir. Bilmadim.

Sizda qanday?

Stoitsizm — bu qadimgi Yunoniston va Rimda paydo bo‘lgan falsafiy oqim bo‘lib, uning asosiy maqsadi insonni hayotdagi qiyinchiliklarga va tashqi omillarga barqaror, xotirjam va oqilona munosabatda bo‘lishga o‘rgatishdir. Stoitsizmga ko‘ra, baxt va osoyishtalik insonning tashqi omillarga emas, balki ichki munosabatiga bog‘liq.

Asosiy tamoyillari:

1. Nazorat qilinadigan va nazorat qilinmaydigan narsalarni ajratish:
Stoiklar fikricha, biz faqat o‘z fikrlarimiz, qarorlarimiz va harakatlarimizni nazorat qila olamiz. Tashqi voqealar, boshqa odamlarning harakati yoki tabiat hodisalari bizning nazoratimizdan tashqarida. Shuning uchun ular haqida tashvishlanish foydasiz.

2. Fazilatga intilish:
Fazilat (yaxshilik, adolat, dono qarorlar qabul qilish) stoitsizmda eng muhim maqsaddir. Odam o‘zining axloqiy qadriyatlariga sodiq bo‘lsa, tashqi omillar uning baxtiga ta’sir qilmaydi.

3. Tashqi baxtga bog‘lanmaslik:
Stoiklar boylik, shon-shuhrat yoki boshqa dunyoviy narsalar vaqtinchalik va o‘tkinchi deb hisoblashadi. Chinakam baxt faqat ichki osoyishtalik va fazilatga asoslangan bo‘lishi mumkin.

4. Tinchlikni saqlash:
Har qanday vaziyatda hissiy muvozanatni saqlashga harakat qilish. O‘ta xursand yoki g‘amgin bo‘lishning o‘rniga, vaziyatga neytral va oqilona yondashish.

Stoitsizmning amaliyotlari:

O‘ylangan meditatsiya: Har kuni o‘z hayotingizni tahlil qilish, kamchiliklarni ko‘rib chiqish va yaxshilashga intilish.

Memento mori (o‘limni eslab tur): Hayotning qisqaligini yodda tutish va har bir kunni mazmunli o‘tkazishga harakat qilish.

O‘z hissiyotlarini boshqarish: Qiyin vaziyatlarda sabr va xotirjamlikni saqlashni o‘rganish.

Stoitsizm bugungi kunda ham mashhur bo‘lib, hayotdagi stress va qiyinchiliklarga bardosh berish uchun ko‘plab zamonaviy shaxsiy rivojlanish usullarining asosi bo‘lib xizmat qiladi.

@bookhoja

Pozitiv befarqlik — bu kishining o‘zini hayotdagi voqealarga, muammolarga yoki qiyinchiliklarga hissiy jihatdan ortiqcha bog‘lamasdan, ichki tinchlikni saqlagan holda, ularga mantiqiy va tinch munosabatda bo‘lish qobiliyatidir. Bu holat odamning hissiyotlari va reaksiyalarini boshqarish qobiliyatini kuchaytiradi va ortiqcha tashvish yoki stressni kamaytirishga yordam beradi.

Pozitiv befarqlikning asosiy jihatlari:

1. Vaziyatni qabul qilish: Odam narsalarni qanday bo‘lsa, shunday qabul qiladi, lekin bu ularni yaxshilashga harakat qilmasligini anglatmaydi.

2. Hissiy muvozanat: Hissiyotlarga haddan tashqari berilmaslik, ulardan uzoqroq turish va xotirjamlikni saqlash.

3. Ichki tinchlik: Tashqi omillar qanday bo‘lishidan qat’i nazar, ichki osoyishtalikni yo‘qotmaslik.

4. Nazorat qilinmaydigan narsalarni qo‘yib yuborish: Odam o‘ziga bog‘liq bo‘lmagan narsalarga energiyasini sarflashdan tiyiladi.

Bu turdagi befarqlik kuchli shaxsiy rivojlanish yoki meditatsiya, falsafiy dunyoqarash, masalan, stoitsizm orqali rivojlantirilishi mumkin. Shu bilan birga, bu hissiy mas’uliyatsizlik emas, balki vaziyatlarga sog‘lom va konstruktiv yondashuvdir.

@bookhoja

Haqiqat shunchaki achchiq emas, ba'zan zerikarli ham. Shuning uchun undan qochamiz.

#xulosalar

Hissiyotlarini jilovlay oladiganlarga, har narsani gap deb gapiravermaydigan insonlarga havas qilaman. O'zimni sokin inson deb o'ylasam, kassir mendanam sokin ekan.

Boya ishxonamdagi kassir va kurer aka o'rtasida konflikt (kelishmovchilik) bo'lishiga bir bahya qoldi. Lekin kassir kurerga gap qaytarmadi. Keyin kassirni oldiga borib asabiylashmanglar deb kulib qo'ydim. U esa menga qarata nega asabiylashaman, asabiylashmiman dedi. Keyin bilsam "Mudhish psixologiya" degan kitobni o'qigan ekan.

Biz qishda ko'p shamollaymiz, shamollaganda esa tez-tez poroshoklarga murojaat qilamiz. Bundan 10 yil oldinni eslang, poroshoklarni nechta turi bor edi. Hozirchi? Talab oshgan sari, mahsulot turi va soni ortib boraveradi. Lekin sifatichi? Orada qancha dorilar sharmanda bo'ldi.

Xuddi shu narsa kitoblar bilan ham amalga oshirildi, afsuski. Bundan 7 8 yillar oldin qo'l bilan sanoqli turk adabiyotlari bo'lardi. Men umumiy turk adabiyotini yomonlamoqchi emasman. Ba'zilarini nazarda tutyapman. Keyin yoppasiga ularni erasi boshlanib ketdi. Omina Shenliko'g'li, Hakan Mengyuch, Halis Karabenli, Fotih Duman va hokazo. Talab ortdi, mahsulot turi va soni ham shunga yarasha o'sib boraverdi. Lekin hozir talab bormi Hakan Mengyuchga, Halis Karabenliga, Omina Shenliko'g'liga? Ular sekin kitob do'konlaridan chiqib ketishdi.

Xulosa har kimni o'zidan.