Konstitutsiyani birga o'rganamiz

#Асосий_принциплар; I боб #Давлат_сувиренитети;

✅ 1-модда.
Ўзбекистон — бошқарувнинг республика шаклига эга бўлган суверен, демократик, ҳуқуқий, ижтимоий ва дунёвий давлат.
Давлатнинг «Ўзбекистон Республикаси» ва «Ўзбекистон» деган номлари бир маънони англатади.

Ўзбекистон Республикаси Конституцияси.

Конституцияни бирга ўрганамиз
👉 @boshqomus

МУҚАДДИМА

Биз, Ўзбекистоннинг ягона халқи,

✅ инсон ҳуқуқ ва эркинликларига, миллий ва умуминсоний қадриятларга, давлат суверенитети принципларига содиқлигимизни тантанали равишда эълон қилиб,

✅ демократия, эркинлик ва тенглик, ижтимоий адолат ва бирдамлик ғояларига садоқатимизни намоён қилиб,

✅ инсон, унинг ҳаёти, эркинлиги, шаъни ва қадр-қиммати олий қадрият ҳисобланадиган инсонпарвар демократик давлатни, очиқ ва адолатли жамиятни барпо этиш борасида ҳозирги ва келажак авлодлар олдидаги юксак масъулиятимизни англаган ҳолда,

✅ давлатчилигимиз ривожининг уч минг йилдан зиёд тарихий тажрибасига, шунингдек жаҳон цивилизациясига беқиёс ҳисса қўшган буюк аждодларимизнинг илмий, маданий ва маънавий меросига таяниб,

✅ мамлакатимизнинг бебаҳо табиий бойликларини кўпайтиришга ҳамда ҳозирги ва келажак авлодлар учун асраб-авайлашга ҳамда атроф-муҳит мусаффолигини сақлашга астойдил аҳд қилиб,

✅ халқаро ҳуқуқнинг умумэътироф этилган принцип ва нормаларига асосланган ҳолда,

✅ Ўзбекистоннинг жаҳон ҳамжамияти, энг аввало, қўшни давлатлар билан дўстона муносабатларини ҳамкорлик, ўзаро қўллаб-қувватлаш, тинчлик ва тотувлик асосида мустаҳкамлаш ҳамда ривожлантиришга интилиб,

✅ фуқароларнинг муносиб ҳаёт кечиришини, миллатлараро ва конфессиялараро тотувликни, кўп миллатли жонажон Ўзбекистонимизнинг фаровонлигини ва гуллаб-яшнашини таъминлашни мақсад қилган ҳолда,

ушбу Конституцияни қабул қиламиз ва эълон қиламиз.

👉 @boshqomus

Ўзбекистон Республикасининг Конституцияси
- Олти бўлим, 27 боб, 155 та моддадан иборат.

✅ БИРИНЧИ БЎЛИМ. АСОСИЙ ПРИНЦИПЛАР
I боб. Давлат суверенитети
II боб. Халқ ҳокимиятчилиги
III боб. Конституция ва қонуннинг устунлиги
IV боб. Ташқи сиёсат

✅ ИККИНЧИ БЎЛИМ. ИНСОН ВА ФУҚАРОНИНГ АСОСИЙ ҲУҚУҚЛАРИ, ЭРКИНЛИКЛАРИ ВА БУРЧЛАРИ
V боб. Умумий қоидалар
VI боб. Фуқаролик
VII боб. Шахсий ҳуқуқ ва эркинликлар
VIII боб. Сиёсий ҳуқуқлар
IX боб. Иқтисодий, ижтимоий, маданий ва экологик ҳуқуқлар
X боб. Инсон ҳамда фуқаронинг ҳуқуқ ва эркинликлари кафолатлари
XI боб. Фуқароларнинг бурчлари

✅ УЧИНЧИ БЎЛИМ. ЖАМИЯТ ВА ШАХС
XII боб. Жамиятнинг иқтисодий негизлари
XIII боб. Фуқаролик жамияти институтлари
XIV боб. Оила, болалар ва ёшлар
XV боб. Оммавий ахборот воситалари

✅ ТЎРТИНЧИ БЎЛИМ. МАЪМУРИЙ-ҲУДУДИЙ ВА ДАВЛАТ ТУЗИЛИШИ
XVI боб. Ўзбекистон Республикасининг маъмурий-ҳудудий тузилиши
XVII боб. Қорақалпоғистон Республикаси

✅ БЕШИНЧИ БЎЛИМ. ДАВЛАТ ҲОКИМИЯТИНИНГ ТАШКИЛ ЭТИЛИШИ
XVIII боб. Ўзбекистон Республикаси Олий Мажлиси
XIX боб. Ўзбекистон Республикасининг Президенти
XX боб. Ўзбекистон Республикаси Вазирлар Маҳкамаси
XXI боб. Маҳаллий давлат ҳокимияти асослари. Фуқароларнинг ўзини ўзи бошқариш органлари
XXII боб. Сайлов тизими
XXIII боб. Суд ҳокимияти
ХХIV боб. Адвокатура
XXV боб. Прокуратура
ХХVI боб. Молия, пул ва банк тизими
XXVII боб. Мудофаа ва хавфсизлик

✅ ОЛТИНЧИ БЎЛИМ. КОНСТИТУЦИЯНИ ЎЗГАРТИРИШ ТАРТИБИ

👉 @boshqomus

ЎЗБЕКИСТОН РЕСПУБЛИКАСИ КОНСТИТУЦИЯСИ

МУҚАДДИМА

Биз, Ўзбекистоннинг ягона халқи,

- инсон ҳуқуқ ва эркинликларига, миллий ва умуминсоний қадриятларга, давлат суверенитети принципларига содиқлигимизни тантанали равишда эълон қилиб,

- демократия, эркинлик ва тенглик, ижтимоий адолат ва бирдамлик ғояларига садоқатимизни намоён қилиб,

- инсон, унинг ҳаёти, эркинлиги, шаъни ва қадр-қиммати олий қадрият ҳисобланадиган инсонпарвар демократик давлатни, очиқ ва адолатли жамиятни барпо этиш борасида ҳозирги ва келажак авлодлар олдидаги юксак масъулиятимизни англаган ҳолда,

- давлатчилигимиз ривожининг уч минг йилдан зиёд тарихий тажрибасига, шунингдек жаҳон цивилизациясига беқиёс ҳисса қўшган буюк аждодларимизнинг илмий, маданий ва маънавий меросига таяниб,

- мамлакатимизнинг бебаҳо табиий бойликларини кўпайтиришга ҳамда ҳозирги ва келажак авлодлар учун асраб-авайлашга ҳамда атроф-муҳит мусаффолигини сақлашга астойдил аҳд қилиб,

- халқаро ҳуқуқнинг умумэътироф этилган принцип ва нормаларига асосланган ҳолда,

- Ўзбекистоннинг жаҳон ҳамжамияти, энг аввало, қўшни давлатлар билан дўстона муносабатларини ҳамкорлик, ўзаро қўллаб-қувватлаш, тинчлик ва тотувлик асосида мустаҳкамлаш ҳамда ривожлантиришга интилиб,

- фуқароларнинг муносиб ҳаёт кечиришини, миллатлараро ва конфессиялараро тотувликни, кўп миллатли жонажон Ўзбекистонимизнинг фаровонлигини ва гуллаб-яшнашини таъминлашни мақсад қилган ҳолда,

ушбу Конституцияни қабул қиламиз ва эълон қиламиз.

👉 @boshqomus

Ассалому алайкум азиз дўстлар!
Бугундан янги Конституциямизни ҳар кун бир моддадан такрорлаб, биргаликда ўрганиб борамиз.

Иш тугамайди, агар вақт йўқ, ҳали ўқиб чиқарман деб юраверсак, ҳеч қачон ўқимайдиганга ўхшаймиз.

Янги таҳрирдаги Конституциямиз амалда экан, демак ўз ҳуқуқимизни ўрганишимиз шарт!

ЎЗБЕКИСТОН РЕСПУБЛИКАСИ КОНСТИТУЦИЯСИ КУНИ БАРЧАМИЗГА МУБОРАК БЎЛСИН!

Янги таҳрирдаги Ўзбекистон Республикаси Конституцияси 2023 йил 30 апрел куни ўтказилган Ўзбекистон Республикаси референдумида умумхалқ овоз бериш орқали қабул қилинган.

👉 @boshqomus

Ассалому алайкум қадрдонлар!
Бош қомусимиз қабул қилинганига 30 йил тўлишига оз вақт қолди.

Каналимизнинг қадрли обуначилари омонат дунёда омонмисиз?

Сизнингча Ўзбекистон Республикаси конституциясини ўзгартириш керак эдими?

Бош қомусимиз бўлмиш Конституциямизни ҳам ўзгартиришмоқчи. Кимга тегиб турган эди шу Конституция?!

Менинг фикримча: "уни ўзгартириш эмас, унга амал қилиш керак эди. Конституция устунлигини таъминлаш керак эди."

Биздан узоқлашманг!
👉 @advokat24uz