ትንሽ ከሚመስሉህ ነገሮች የሚቀዳ ደስታ ከሌለህ "ትልቁ" እስኪመጣ ሃዘን ይወርስሃል፤ ሃሳብህ በ 'ነገ' ላይ ተመስጦ በየቅጽበቱ የሚፈልቀውን ውበት ቸል ስለሚል ለደስታ ቀጠሮ ትሰጣለህ፤ 
_
በይመጣል ምኞት ዕልፍ ቅጽበት የሰዋህለት ነገር እጅህ ሲገባ ደግሞ ከግምትህ አንሶ ያበሳጭሃል፤ በእርምጃህ ልክ የሚፈነጥቀው ብርሃን ካልታየህ ከመዳረሻህ ጽልመት ይከብሃል፤ 
_
ልብህ ደስ የሚላት እንደምታስበው 'ከባድ' በሚባል ነገር አይደለም፤ ሙዚቃ፣ የሕፃን ፈገግታ፣ የንፋስ ሽውታ፣ የደጅህ አበባ፣ የወፎቹ ጺውጺውታ፣... የደስታህ ምንጭ ናቸው፤ አንዱም አይከፈልበት፣ አንዱም ቁስ አይደለ።
_
ባገኘሁት ብለህ ቋምጠህ - አገኘሁት ስትል ደስታ ካልሰጠህ የአንተ አልነበረም ማለት ነው፤
_
ከጥበቃ ነፃ ውጣ - ላይመጣም ይችላል፤ ደስታን ከውጭ አታስስ - ከውስጥ ያለው ይበልጣል።
___
@bridgethoughts