Firdavus

Iymonning shartlari yettitadir:
ALLOH ta’ologa iymon keltirmoq.
ALLOH ta’oloning farishtalariga iymon keltirmoq.
ALLOH ta’olo tomonidan yuborilgan kitoblarga iymon keltirmoq.
ALLOH ta’olo tomonidan yuborilgan payg’ambarlarga iymon keltirmoq.
Oxirat kunining haqqligiga iymon keltirmoq.
Taqdirdagi yaxshilik va yomonlik barchasini ALLOH ta’olodan deb bilmoq.
O’lgandan keyin qayta tirilishni haqq deb bilmoq.
Bu shartlarning barchasi mana bu iymoni mufassal kalimasining ichida jam’langan:

آمَنْتُ بِاللَّهِ وَمَلَائِكَتِهِ وَكُتُبِهِ وَ رُسُلِهِ وَ الْيَوْمِ الْآخِرِ وَ الْقَدَرِ

خَيْرِهِ وَ شَرِّهِ مِنَ اللَّهِ تَعَالَى وَ الْبَعْثِ بَعْدَ الْمَوْتِ.

Tarjimasi: ALLOH ta’ologa, Uning farishtalariga, kitoblariga, payg’ambarlariga, oxirat kuniga, taqdirdagi yaxshilik va yomonlik ALLOH ta’olodan ekanligiga, o’lgandan keyin qayta tirilishga iymon keltirdim.
Iymonning mana shu yetti shartini aqo’id istilohida mo’manu bih deyiladi. Iymonning ana shu yetti shartining barchasini haqq deb bilib, barchasiga iymon keltirish bilan to’liq mo’min bo’ladi. Agarda ana shu shartlardan bittasini inkor qilsa ham u mo’min hisoblanmaydi. Ulamolar ana shu yettita mo’manu bihdan birortasini inkor qilmagan va mana shu mo’manu bihning ichiga kirib ketadigan aqo’idiy masalalarga xilof qilmagan kishini kofir deyilmaydi, deyishgan.