KO CHIT (MDY)

ကချင်ပြည်နယ် တနိုင်း မြစ်ကြီးနား လီဒိုလမ်းမပေါ် ရှိ လဝါးကျေးရွာတွင် အထိုင်ချ ဓားမြတိုက်ဆက်ကြေးကောက်နေသော KIA-PDF ဂိတ်အား ကိုမင်းဇေသန့် ဦးစီးသော ပြည်သူ့စစ်အဖွဲ့မှတိုက်ခိုက်ရှင်းလင်းရာ KIA -PDF ၄ ကောင်ဂန့်သွားကြောင်းသိရှိရ

တာချီလိတ် မြို့နယ်တွင်း ငွေလဲဆိုင်ပိုင်ရှင်အား ပြန်ပေးဆွဲသည့်အဖွဲ့အား (၆)ရက်အတွင်း အသေပစ်ခတ် ဖမ်းဆီးရမိ၊

ငွေလဲဆိုင်ပိုင်ရှင်အား အသက်ဘေးအန္တရာယ် ကင်းရှင်းစွာနဲ့ ကယ်ထုတ်နိုင်ခဲ့

တာချီလိတ် ၊ ဒီဇင်ဘာလ (၁၈) ။ ။ ဒီဇင်ဘာလ (၁၃)ရက်နေ့ ၊ နံနက်ပိုင်း၌ တာချီလိတ် မြို့နယ် ၊မယ်ခေါင်ရပ်ကွက် ၊ အိုကေ ငွေလဲ ဆိုင် ဖွင့်ထားသူ ဦးရန်ထင်ချမ်းဆိုသူအား အမည်မသိ လူငယ် (၄)ဦးမှ ၄င်း၏ အိမ်ရှေ့တွင် ရေဖြန်းနေစဉ် အလိုမတူ ခေါ်ဆောင်သွားခဲ့သဖြင့် ပြန်ပေးဆွဲခံရသူ ဦးရန်ထင်ချမ်း၏ ဇနီး ဒေါ်ကြည်ကြည်ဌေးမှတရားလိုဖြင့် တရားခံများ အမြန်ဆုံး ဖမ်းမိနိုင်ရေးနှင့် သူမ၏ ယောကျားအား ဘေးအန္တရာယ်ကင်းရှင်းစွာ ပြန်လည် ခေါ်ဆောင်နိုင်ရေး အတွက် တာချီလိတ် ခရိုင် ရဲတပ်ဖွဲ့နှင့် တာဝန်ရှိသူများအား အမှုဖွင့်တိုင်ကြားခဲ့သည်။

“ပြန်ပေးဆွဲ ခေါ်ဆောင်ရာတလျှောက် ချိတ်ဆက်ဆောင်ရွက်ခြင်း”

ပြန်ပေးဆွဲ ခေါ်ဆောင်ခံရစဉ်တွင် အသုံးပြုသည့်ကားအားတာချီလိတ် မြို့နယ်၊ ဗိုလ်ချုပ် လမ်းမမှ တဆင့် ပုံလို့လမ်း၊ လားဟူစျေး၊ထိုမှတဆင့် ဟယ်ရီပေါ်တာ (ဝရွာ) ၊ ကြိုဆိုပါ၏ ဆိုင်းဘုတ်ဘေးမှနေ၍ ပါဆတ်ရပ်ကွက်အတွင်းသို့ ဝင်ရောက်သွားကြောင်း တာဝန်ရှိရဲတပ်ဖွဲ့ဝင်များနှင့် သက်ဆိုင်ရာ နယ်မြေသတင်းပေးများ၏ ချိတ်ဆက်ဆောင်ရွက်မှုမှ တဆင့် သိရှိခဲ့ကြောင်း သိရှိရသည်။

နယ်မြေ ရဲတပ်ဖွဲ့ဝင်များနှင့် တာဝန်ရှိသူများမှ ပါဆတ်ရပ်ကွက်နှင့် ဆေးခမ်းရပ်ကွက် ဝန်းကျင်ရှိ ပြန်ပေးဆွဲရာတွင် အသုံးပြုခဲ့သည့် ကားအမျိုးအစားနှင့် နံပါတ်ပေါ် မူတည်၍ လိုက်လံရှာဖွေ စစ်ဆေးခြင်းများ ဆောင်ရွက်ကာ တရားခံများ အမြန်ဆုံး ဖမ်းဆီးနိုင်ရေးအတွက် စောင့်ကြည့်စစ်ဆေးမှုများ ပြုလုပ်ဆောင်ရွက်ခဲ့ကြောင်း သိရှိရသည်။

သံသယရှိသဖြင့် စုံစမ်းစစ်ဆေးမှု ပြုလုပ်နေသော ပါဆတ်ရပ်ကွက် ဆင်ဖြူမင်း လမ်းကြားရှိ အိမ်အမှတ် (၁/၂၇၀)တွင် ပြန်ပေးဆွဲရာ၌ အသုံးပြုသည့် ကားနှင့် သဏ္ဍန်တူသော တိုယိုတာ ၊ခရောင်း၊ ရွိုင်ရယ် ဆလွန်း (အဖြူရောင် ) ကို တွေ့ရှိရကြောင်း သတင်းရရှိရသဖြင့် ခရိုင်ရဲတပ်ဖွဲ့မှူးထံ သတင်းပေးပို့ခဲ့ရာ သက်ဆိုင်ရာ တာဝန်ခွဲဝေဆောင်ရွက်၍ တရားခံများ ခိုအောင်းနေထိုင်သည့် အဆိုပါနေအိမ်အား ဝင်ရောက်ရှာဖွေ စီးနင်းမှု ပြုလုပ်ခဲ့ကြောင်း သိရှိရသည်။

“ပြန်ပေးဆွဲ ဓားစာခံ အသက်အန္တရာယ် ကင်းစေရေး ဦးစားပေးဆောင်ရွက်ခဲ့”

စစ်ဗျူဟာအဖွဲ့၊အခြေချ (တာချီလိတ်)မှ ခေတ္တ စစ်ဗျူဟာ မှူး ဒုတိယ ဗိုလ်မှူးကြီး သန့်လှိုင်ဝင်း ဦးဆောင်သောစစ်ဗျူဟာအဖွဲ့၊ တာချီလိတ် ခရိုင် ရဲတပ်ဖွဲ့မှုး ဒုရဲမှူးကြီး ချမ်းမြေ့ဝင်း ဦးဆောင်သော ရဲ တပ်ဖွဲ့များ ၊နယ်မြေပြည်သူ့စစ် အဖွဲ့များပါဝင်သော ပူးပေါင်းအဖွဲ့သည် ပါဆတ်ရပ်ကွက်အတွင်းရှိ သံသယရှိနေအိမ်အား စီးနင်းရှာဖွေခဲ့ရာ ပြစ်မှု ကျူးလွန်သည့် တရားခံအဖွဲ့မှ စတင်ပစ်ခတ်ကာ ထွက်ပြေးရန် ကြိုးစားသဖြင့် အပြန်အလှန် ပစ်ခတ် ဖမ်းဆီးခဲ့ကြရာ ပြန်ပေးဆွဲ ဓားစာခံ ဖြစ်သည့် ဦးရန်ထင်ချမ်းအား ဘေးကင်းစေရေး ဦးစားပေးကယ်ဆယ်ရန် ဆောင်ရွက်ခဲ့ပြီး တရားခံ ကျန်းဘီယင်းနှင့် မောင်မောင်ဦးပါ (၆)ဦးအား အသေပစ်ခတ် ဖမ်းဆီးရမိခဲ့ကြောင်း သိရှိရသည်။

“သေဆုံးတရားခံ(၆)ဦးနှင့်အတူ လက်နက်များနှင့် မူးယစ်ဆေးဝါးများ ဖမ်းဆီးရမိ”

အပြန်အလှန် ပစ်ခတ်မှုကြောင့် အမည်မသိ သေဆုံးသူ တရားခံတစ်ဦး၏ လက်ထဲ၌ M 16 သေနတ်အရှည် တစ်လက်၊ကျည်အိမ် တစ်ခု၊ကျည် (၁၇)တောင့်၊ကျည်ဆံခွံ (
၁၄)ခုနှင့်အတူ ပွိုင့် ၃၈၀ အမျိုးအစား ပစ္စတိုသေနတ် အတိုတလက်၊ကျည်အိမ်တစ်ခု၊ ကျည် (၄)တောင့် ၊ကျည်ခွံ (၄) ခုနှင့်အတူ အသေဖမ်းဆီးရမိခဲ့ သည်။

ထို့နောက် နေအိမ်အတွင်း ဆက်လက်ရှာဖွေရာ WY စိတ်ကြွရူးသွပ်ဆေးပြား (၆၅၀၀၀)ပြား၊ကားနံပါတ်ပြား (၆)ခု၊အနက်ရောင် ကျည်ကာ (၂)ထည်၊ ပဲခူးတိုင်း ရဲတပ်ဖွဲ့ အကျီတံဆိပ်ပါ ယူနီဖောင်း အကျီတစ်ထည်နှင့် မှုခင်းဖြစ်စဉ် အသုံးပြုခဲ့သည့် အဝတ်အစားများ၊ ၄င်းတို့ကိုင်ဆောင်သည့် ဖုန်း(၃)လုံးတို့ကို သိမ်းဆည်းရမိခဲ့သည်ဟု သိရှိရသည်။

သေဆုံးသွားသည့် တရားခံ(၆)ဦးအနက် ကျန်းဘီယင်း နှင့်မောင်မောင်ဦး တို့မှာ ကွတ်ခိုင်မြို့တွင် နေထိုင်ကြသူများဖြစ်ကြောင်း စစ်ဆေးတွေ့ရှိရပြီး ကျန်သည့် သေဆုံးတရားခံများလည်း မည်သူမည်ဝါဖြစ်သည်ကို စုံစမ်းစစ်ဆေးကာ သေမှုသေခင်းရေး ဆောင်ရွက်ရန်အတွက် တာချီလိတ်ခရိုင် ပြည်သူ့ဆေးရုံသို့ ပို့ဆောင်ထားပြီးဖြစ်ကြောင်း သိရှိရသည်။

ဆိုင်းတောင်ရပ်ကွက်(၄)မှပြည်သူတဦးပြောပြထားသည့်မြေကွက်အသိမ်းခံရသည့်အကြောင်း....

လပ်ကီးမန်းတိုက်ပွဲအတွင်းစစ်တပ်ကလေယဉ်နဲ့ဗုံးကြဲလို့မီးလောင်ပြာကျသွားတဲ့မီးလောင်ပြင်အိမ်ကွက်တချို့ကိုကေအိုင်အေတိုက်နယ်အုပ်ချုပ်ရေးပိုင်းနဲ့ကချင်
အရပ်ဘက်အဖွဲ့လက်ပတ်နီတွေကသိမ်းယူပြီးရောင်းစားဘို့လုပ်နေကြပါတယ်ရှင်။

ဆိုင်းတောင်ရပ်ကွက်(၄)လပ်ကီးမန်းဟော်တယ်နောက်ကပ်လျှက်က ဦးဝင်းညို+ဒေါ်အေမိုင်ထမင်းဆိုင်အိမ်ကို သိမ်းပီးရောင်းစားဘို့လုပ်နေကြပါတယ်။ကေအိုင်အေတိုက်နယ်ရဲ့ခိုင်းဘတ်နောနော်ကအဲဒီအိမ်ကိုရောင်းဘို့လိုက်စပ်နေတာပါ။

အဲဒီအိမ်ကိုသိမ်းတာကတိုက်နယ်နဲ့လက်ပတ်နီတွေကသိမ်းတာပါ။လိုက်ရောင်းနေတာကနောနော်ပါ။ကျနော်တို့ကကေအိုင်အေအုပ်ချုပ်ရင်ပိုကောင်းလာလိမ့်မယ်လို့အများစုမျှော်လင့်ခဲ့ကြတာပါ။

အခုတော့ကျနော်တို့ပြည်သူတွေအိမ်မီးလောင်ခံရလို့အဝတ်တထည်ကိုယ်တခုပဲကျန်ခဲ့တာပါ။မီးလောင်ခံရတဲ့အိမ်ဝိုင်းလေးပါခုလိုအနိုင်ကျင့်ပီးထပ်သိမ်းအုံးမယ်ဆိုတော့တရားမလွန်ဘူးလားရှင်။

အရင်ကဗမာတွေကိုလူမျိုးကြီးဝါဒလုပ်လို့မကျေနပ်တဲ့စိတ်နဲ့တခြားတိုင်းရင်းသားအပေါ်မှာရောချပြီးလက်စားချေနေတဲ့ပုံစံမျိုးတွေကေအိုင်အေတိုက်နယ်မြို့နယ်နဲ့ကချင်အရပ်ဘက်အဖွဲ့တွေကအရမ်းလုပ်လာနေတာအမြင်မတင့်တယ်ပါဘူးနော်။တခြားနေရာဒေသတွေကိုတော့မသိလို့မပြောလိုပေမဲ့ဖားကန့်မှာတော့ကေအိုင်အေတွေကအနိုင်ကျင့်နေတာတွေကနေရာတကာကိုကြားနေရတာပါ။

ဗမာစစ်တပ်လည်းလုပ်တာပဲလို့တော့မပြောပါနဲ့ရှင်။ဗမာစစ်တပ်ကိုမကြိုက်လို့ပဲတော်လှန်နေကြတဲ့လူတွေကခုလိုမျိုးလုပ်တော့ဗမာစစ်တပ်နဲ့ဘာထူးနေအုံးမာလဲရှင်။ ပြည်သူလူထုမှာလည်းနူရာဝဲစွဲလဲရာသခိုးထောင်းဖြစ်နေပါတယ်။