"Cyber University" o‘zining akademik salohiyatini xalqaro miqyosda mustahkamlash va ta’lim sifatini jahon standartlariga integratsiya qilish strategiyasi doirasida navbatdagi muhim loyihani muvaffaqiyatli yakunladi. Joriy yilning bahorgi semestri davomida universitetda AQShning Shimoliy Jorjiya universiteti professori, kiberxavfsizlik sohasida chorak asrlik boy tajribaga ega nufuzli ekspert, Ph.D. Murti Rallapalli o‘zining mualliflik darslari va seminar-treninglarini o‘tkazdi.

IBM, Ernst & Young hamda Honeywell kabi texnologik gigantlarda rahbarlik lavozimlarida faoliyat yuritgan professor Rallapalli tashrifi doirasida "Kiberxavfsizlik" kafedrasi professor-o‘qituvchilari uchun pedagogik mahorat va zamonaviy tadqiqot metodologiyalariga yo‘naltirilgan 8 ta maxsus seminar-trening tashkil etdi. Shuningdek, universitetning mutaxassislik yo‘nalishi talabalari uchun "Cyber Ethics" kursi, huquq va iqtisodiyot yo‘nalishlari uchun esa "Programming Basics" modullari bo‘yicha fundamental bilimlar berildi.

Ishtirokchilar professorning yangi kitobi raqamli xavfsizlik va ma’naviy mas’uliyat chorrahasidagi eng dolzarb hamda zaruriy qo‘llanma ekanini ta’kidladilar.
Ma’lumot o‘rnida ta’kidlash joizki, ushbu ilmiy asar jahonning eng yirik Amazon platformasida joylashtirilgan bo‘lib, u bilan tanishish imkoniyati butun dunyo kitobxonlari uchun ochiq. "Cyber University" xalqaro akademik hamkorlikni kengaytirish orqali mamlakatimizda yuqori malakali raqamli kelajak yetakchilarini tayyorlashda davom etadi.