🌸Далбар Хотун🌸

СЭТИННЬИ - БАЙАНАЙ ЫЙА

8/XI - Миитэрэйэп - Бастакы идэһэни сииллэр. Муҥха тохтуур.

21/XI - Мэхээлэйэп - Бастакы тымныы түһэр таҥарата. Оту-маһы тиэйии саҕаланар.

🌺Эбээлэргэ анаммыт хоһоон🌺

Оҕо сааспыт бииргэ ааспыт,
Кыргыттарым барахсаттар,
Иирэ талах бэйэҕит,
Толуу хатыҥ буолбуккут.

Күннээх эдэр саастартан,
Бары бииргэ сиэттиһэн,
Олох устун хаамсаммыт,
Орто сааска кэллэхпит.

Киирбэт күннээх,үрүҥ түүннээх,
Эдэр сааспыт эргиллибэт,
Билиммэтэх ыраас таптал,
Дьоллоох кэмэ төннүбэт.

Ыал эбэтэ буолаҥҥыт,
Ийэ ууһун тэнитэн,
Сиргэ кэлбит аналгытын,
Толороҥҥут олордоххут.

Баҕарабын кыргыттарбар,
Күндү далбар хотуттарбар,
Уолбат ойбон уйгуну,
Алла турар быйаҥы.

Сандалыгыт итии аһа,
Өрүү үллэ туруохтун,
Ыалдьыт сабан барбыт аанын,
Кэлэр ыалдьыт аһыахтын.

Куола.Уола

Тиллибит киһибитин саамай сылаас сирбитигэр - вааннайга носилкалыын баҕастыын батарбыппыт, туох баар үчүгэй, дефицит эмпитин түүнү быһа бытааннык түөрт лиитэрэни куппуппут.
Сарсыарда пятиминуткаҕа мин өлүгү хайдах тилиннэрбиппитин биир тылынан
"оживили кое -как, применили такие растворы, лекарства " диэн утуйбатах киһи туох да уота - күүһэ суох "дакылааттаатыбытым", сиэстэрэлэрбэр махтанарбын биллэрбитим.🙏🏻🙏🏼🙏🏾
Сэбиэдиссэйбит Александра Васильевна Попова - мин бииргэ төрөөбүт убайым кэргэнэ, саҥаһым буоларын аҕыйах медик билэрэ, кини умайыктанан, тилиннэрбит киһибитин вааннайга көрө тиийбитэ -- киһибит суох!🤷🏻‍♀️
Туран баран хаалбыт, сиэркилэҕэ кыһыл помааданан
"Спасибо" диэн суруйаахтаабыт эрэ этэ. Мин ол биир тылга үөрдэхпиэн, 😀 наҕыраада ылбыт,
ыараханнык оҕоломмут оҕом хааман эрэрин көрөн үөрбүт курдук буолбутум...😀
Үөрэн ымайан турар киһиэхэ сэбиэдиссэйбит Александра Васильевна кытаанахтык:
"Нет человека-- значит, все лекарства восстановишь за свой счет" диэн хомоттоҕо үһү.
Генерал үрдүнэн өссө үрдүк былаас баарын биллэрдэҕэ.😉
Эмп сыаната ол да саҕана ыарахана, билигин да ыараханын билэҕит.
Онон ыалдьыбакка кыһаллын,
кэргэҥҥитигэр куруук
" Мин (биһиги) эйигинэ суох кыайан олорбоппун, наһаа эйигин таптыыбын " диэн саната, өйдөтө сылдьын.
Таптанар, таптыылларын билэр эрэ... киһи өлөн да баран тиллэрин, "буорайан" иһэн көнөрүн, уһун үйэлэнэрин өйдүөхтээххит...
Арыгылааһын - хроническай ыарыы, холобура, сахарнай диабет, туберкулёз курдук, ыарыыта көптө да быраҕан, "өллүн" диэн иһиэхтээхпит дуо?
Оҕону курдук хайгыы - хайгыы иитиэххэ,
кыайар үлэтин
үлэлэтиэххэ сөп,
хас биирдии эр киһи тыыннаах, эйэлээх олоххо туһалаах буоларын туһугар дьахталлар, ийэлэр хаһааҥҥытааҕар да кыһаллар- мүһэллэр кэммит тирээн кэллэ...дии саныыбын.

26.10.2022
"Санаа" быраас.

Таптал өлбүтү да тилиннэрэр кыахтаах ❤️ Ол туһунан бу олоххо буолбут түгэнтэн кэпсээҥҥэ ааҕыҥ 👍

ТАПТАЛ- СҮДҮ КҮҮС...

Үс - оҕолоохпут, кэргэним күҥҥэ үстүү - түөртүү водканы иһэн, биһигини барыбытын иэдэттэ: түүнү быһа хаамар, уһуутуур, баллыгырыыр,
арыгы кистээбитин көрдөөн тахсар...
Арыгылыырыттан хал буолан, өллөр ханнык диир буоллум, айа да айа-- сынньаныа этибит" диэн биир эдэр дьахтар муҥатыйаахтыыр...
Өллөр ханнык...уонна тоҕо бырааска аҕалла?🤥
Атын дьоннор ортолоругар үс оҕолоох ийэни туох да диэн мөхпөтүм, истириэһин таһааран, төһө кыайарынан саҥарда сатаатым...
Ол күн киэһэтин билэр
ыалларбар аҕалара төрөөбүт күнүн рестораҥҥа ылан баран, төлө баран, нэдиэлэни быһа арыгылаан сытаахтыырыгар тиийдим.
Военкоматтан бу киһини ирдэһэн, үлэтигэр да, дьиэтигэр да сылдьыбыттар ...
Кылгатан кэпсээтэххэ,
араас ыарахаттартан эр дьоммут уйалҕалара хамсаан, хааннара кыынньан, эттэригэр - хааннарыгар өлөр - сүтэр механизмнара үлэлиир курдук буолар🫢.
Медиктэр куруук сэрии хонуутугар үлэлии сылдьар курдукпут туһунан мин чаастатык суруйа, дьоҥҥо үлэбит ыараханын өйдөтө сатыыбын...
Өрдөөҕүтэ куорат терапевтическай отделениетыгар дьуһуурнай бырааһынан поликлиникаттан саҥа дьыл саҕана үлэлии тиийбиттээхпин, онно ыарахан ыарыһахтары палааталарынан көрөн-истэн баран, көрүдүөргэ скорайдар носилкаҕа биир өлбүт
киһини аҕалан, быраҕан барбыттарыгар кэтиллэн, соһуйбуттаахпын 😳,
направлениеларыгар тыыннаах курдук суруйбуттар, оттон биһиги давлениетын, пульсун мээрэйдээбиппит барыта --
НЬООЛ, харахтарын харата(зрачоктара) улаатан эрэллэрэ😫
Икки сиэстэрэлэрим иккиэн "Скорая помощь пусть обратно заберёт, мы- не реаниматоры, звоните скорой" диэн илиилэрин нэлэннэппиттэрэ...Скорай кэлэн бэрт,кэлэр да буоллаҕына бириэмэ бөҕө барар...
Өлөн эрэр дуу
, өлбүт дуу киһини тилиннэрээри хаһыы- ыһыы буолбатым дуо? --Кто тут генерал?
Быстро приготовьте систему, а ты, Галя садись на колени, будем делать массаж сердца...
Киһибит тыбыс -тымныы, наһаа куһаҕан саах сыттаах, скорай уулуссаттан аҕалан бырахпыт киһитэ туох аанньа көрүҥнээх буолуой"?
"Балыыһаҕа саҥа дьыл саҕана киһи өлүө суохтаах" диэн биһиги тобуктаан олорон, үлэ бөҕө буолуохтаабатыбыт дуо : доруобай нуучча сиэстэрэм өлүкпүт түөһүн түөртэ баттыалыыр, мин тобуктаан олорон, өлүк
айаҕар салгын киллэрэбин (рот в рот)
Фу , бэйэм өҕүйэ - өҕүйэ үрэн сордоннум...Ол быыһыгар
харахтарын аппатан, хараҕын хараларын көрөбүн-- хамсаабаттар, кыччаабаттар 😫
Онтон эмиэ хаһыытаан тоҕо барбаппын дуо?
Систиэмэ оҥоро турар кыыска:
---Ты кричи в ухо "Не
умирай, я люблю тебя"..
-Ещё чего? сиэстэрэм утарылаһан көрөөхтөөбүтэ...
"Сэриигэ мин генерал буоларбын"
эмиэ санаттым, көрүү - истии кытаанаҕа буоллум быһыылаах ..😉. Өлүкпүт икки
куулҕааҕар сиэстэрэлэрим- барахсаттар иккиэн тобуктаан олорон" Я люблю тебя, пожалуйста, не умирай " бөҕө буолуохтаатылар" , мин билигин да ону санаатахпына хараҕым уулара тахсыбыттарын бэйэм билбэккэ хаалабын уонна бу кэпсээммин хос -хос суруйар идэлээхпин...
Үөһээ Айыыларбыт билэллэрин курдук гына🫢
Ити алыптаах тыллары өлүкпүт иһиттэ быһыылаах: өссө харахтарын аспакка сытан, үп - үрүн уостарын хамсатан,
"Кто меня любит?" диэн ыйыппытыгар үһүөн тобуктаан олорон, үөрүүбүтүттэн харахпыт ууларын сотун да сотун, арбайбыт баттахпытын көннөрүн да көннөрүн, аһыллан хаалбыт
халааппытын тимэхтэрин көрдөөн букунаһыы бөҕө буолаахтаатыбыт, тымныы, кирдээх муосталаах көрүдүөргэ ыарыһахтарбыт көрөн туралларыгар олох кыһаллыбаппыт😉,
аны өлүкпүт
харахтарын аспытыгар көрбүппүт ып- ыраас халлаан 👍🏻курдук күп - күөхтэр эбит...
" Тиллии -Дьол" буоларын онно эппитинэн хааммытынан билбиппит.
Оо,эдэр саас ханнаҕын?
Арыгыһыт киһибит ып - ыраас күөх
харахтарыттан кыбыстан,
"Кто меня любит" ? диэн хос - хос
ыйытыытыгар истибэтэх курдук өр эппиэттээбэтэхпит... онтон титирээн барбытыгар киһибитин тилиннэрэр баҕаттан үһүөн утуу - субуу симиктик "она, она любит, я,я люблю" бөҕө буолуохтаабыппыт😅