Deep Black


Channel's geo and language: not specified, not specified
Category: not specified



Channel's geo and language
not specified, not specified
Category
not specified
Statistics
Posts filter


" فصبر جميل عسى الله أن يأتيني بهم جميعاً " ،

لما بحس اني اتحرمت من حاجات كتير في حياتي و محققتش حاجات كتير نفسي احققها بتيجي الآيه دي قدام عيني بحسها بتطيب خاطري و تطبطب على قلبي من جمالها ، يارب حققلي الآيه دي في أيامي و حياتي ؛ انت قادر علي كل صعب ومستحيل أثق بك دائماً وبقدرتك علي كل شئ .


﴿ وَڪانَ اللهُ عَلَىٰ ڪلِّ شَيْءٍ مُقْتَدِرًا ﴾


"هوِّن على نفسك دائمًا بجملة (قدَّر الله وما شاء فعل).. قل لنفسك لقد سعيت، ولقد فعلت ما توجب عليك فعله، وما شاء الله أن يكون قد كان.. ارضى عن نفسك وارضها لتستطيع الاستمرار والتحمّل، ولا تنسى أن لنفسك عليك حق.. حاول أن تهوّن على نفسك ثقل الأيام، وأرح عقلك وقلبك بالرضا، واعلم أن مهما حدث، مهما حدث سيرضيك الله ويجبر خاطرك، وليس بالذي تستحقه بل بالذي يراه مناسبًا لك، وما يريده الله لك دائمًا أفضل وأجمل مما تريده أنت لنفسك."


ورجائي الوحيدُ أن تصحبَني معيتُك ويرافقُني توفيقُك
أينما حلَّتْ خُطاي ، ياربِّ منك الهدايةُ، وإليك الرشادُ ،

دُلَّني إلى ما جعلتَ لي فيه الخيرَ ، قرِّبْه مني ، وقرِّبني إليه بلا حولٍ مني ولا قوةٍ ، فالحولُ منك والقوةُ منك
وإليك يرجعُ الأمرُ كلُّه !♥


اليومين دول مبيجيش في بالي غير دعاء واحد إن يارب عوضني، عوضني عن كل احساس مش كويس حسيته ، عن كل حاجه حصلت معايا عكس ما كنت متوقع خالص ورضيت بيها، يارب عوضني عن الناس اللي مشيت ، وعن كل أمنية اتمنتها ومتحققتش ، يارب عوضني عن كل وقت راح حصل فيه عكس ما كنت أتمني ، عن كل حاجة كنت مستنيها ومجتش..
يارب عوضني وجازيني خير .. وإجعل اللي جاي أجمل من اللى فات يا رب.


‏إن الله على كل شيء قدير" ..
يفعل مايشاء ,ولا يحد من قدرته شيء ,أمرهُ نافذ, لا راد لقضائه ولا قوة في هذه الأرض تعارض قدرته هو من يقدر على شفائك, وهدايتك , وتحقيق آمالك ولو كانت المُعطيات تنبئ باستحالة حدوث مطلوبك ,لكنه القدير إذا أراد شيئا قال له كن فيكون , فادعُ القدير بإلحاح“


الدنيا هتلف ولو عدي سنين ربنا هيرجعلك حقك وهيرجعلك حق كل كلمه كدب اتقالت فى ضهرك وهي محصلتش ، هيرجعلك حق كل حاجه وجعتك حتي بعد ما تكون نسيتها ونسيت الموضوع ومش فى دماغك خليك متأكد ان ربنا مش بينسي حد ولا بيضيع حق حد .♥️


أنا بحب أتعامل مع الناس المحترمة ؛
محترمة في شكلها، لبسها، عقلها، تفكيرها..
اللي بيستخدموا دايماً كلمة :
"آسف - لو سمحت - شكراً - حضرتك" ، اللي بيضحكوا في وشي، اللي في حالهم، اللي بيحترموا الخصوصية، الناس الذوق دول بيفرحوني جداً لمجرد إني بتعامل معاهم !


انتوا متخيلين انه بعد أيام بسيطة هيتغير روتين حياتنا للروتين الوحيد اللي مبنزهقش منه!

هترجع الأيام المباركة ؛ سهرات الليل، العزومات ، اللمة على الفطار ، نتسابق نشرب مايه قبل أذان الفجر، وترجع القطايف ، صلاة التراويح ، والسحور.

حماسي مش راضي يخلص ولا ينتهي كل ما افتكر انهم مجرد كام يوم بس وييجي "رمضان" يطبطب على قلوبنا ويمسح عليها، ويعيد هيكلة أنفسنا ويشحن أرواحنا وطاقتنا مرة تانية بعد ما انهلكنا الشهور اللي فاتت.

- اقتربت أجمل ٣٠ يوم في السنة كُـلها ؛ فاللهم بلغنا رمضان ♥️..


في الظروف دي بفكرك بجملة سيدنا عمر بن الخطاب لما قال: (لو عُرِضَت الأقدار على الإنسان لاختار القدر الذي اختاره الله له)

الجُملة دي جميلة ومُطمئنة لأبعد الحدود، كل إنسان فينا واخد رزقه كامل وحتى في الابتلاءات ربنا بيدّينا على قد طاقتنا وتحمّلنا مهما حسينا إن الحِمل زيادة علينا ومش قادرين.

طبع الإنسان إنه دايمًا عايز أحسن حاجة وبيألَف النعمة مع إنه لو بص حواليه هيلاقي إنه أحسن من غيره بمراحل وعنده نعم كتير جدًا في حياته مش حاسس بقيمتها وكان بيطلبها قبل كده..

لو في حاجة نتمناها طول العمر هيكون الرضا،
الرضا بقضاء الله في المَنع قبل العطاء.


كل ما بكبر كل ما بفهم قول سيدنا يعقوب { إِنَّمَآ أَشۡكُواْ بَثِّي وَحُزۡنِيٓ إِلَى ٱللَّهِ }. فهمت إن مش سهل حد يفهمك أو يحس بوجعك زي ما أنت حاسس بيه، فهمت إنك مينفعش تشكي لأي حد والسلام ومهما ضاقت بيك ملكش ملجأ غير ربنا عالم باللى جواك، فهمت إن حزني المتداري جوا صدري ميخففوش عني غير ربنا، صحيح وجود ناس تحبك وتحبهم شيء مُهم وأمر لا غنى عنه لكن خليك فاكرها دايماً " الشيلة شيلتك لوحدك " لا حد هيفهم ولا يحس ولا يشيل عنك غير ربك .. روح له واخسر الدنيا كلها من أجل رضاه وإياك ثم إياك تبعد عنه لأي سبب إن كان فكلها فانية وهو الدائم. ♥️


انا بحب الخصوصية في حياتي ..

مش بحب حد يعرف حاجه عني "إلا الشخص اللي اختاره يعرف" لأني مش بحب أتدخل في حياة حد ولا أدخل نفسي في تفاصيل مش هتفرق معايا ولا تهمني لو عرفتها ..

عمري ما قدرت أتطفل على حد وأسأله بتقبض كام؟ هتتجوز امتى؟ مخلفتش ليه؟ وأسأله تانية كتير ..
الحقيقة إننا لازم نطبق مقولة "مَن تدخل فيما لا يعنيه سمع مالا يرضيه"
ومانتكسفش نحرج اللي بيتدخل في حياتنا بشكل يضايقنا لأن هو ماتكسفش يتدخل في اللي مالوش فيه. '"


مش مُهم تحب المُهم إنّك ترتاح، الحاجة اللي هتريحك هتلاقي نفسك بمرور الوقت بتتعلّق بيها وبتحبها، عكس الحاجة اللي بتحبها لو هي مش مريحاك هتلاقي نفسك من كُتر الضغط وقِلة الراحة بتفقد مشاعر الحُب اللي جوّاك تجاه الحاجة دي، الراحة دايمًا بييجي بعدها حُب .. لكن قلة الراحة بييجي بعدها مُعاناة وخيبة أمل.


‏"رَّبُّكُمْ أَعْلَمُ بِكُمْ"

الآية دي بتغمرني بالسَّكِينة والطُمأنينة دايمًا.

يقول السعدي فِي تفسيرها:
"هوَ أَعْلَمُ بِكُمْ مِنْ أنفُسِكُم، فلذلك لا يُريد لكم إلا ما هو الخير، ولا يأمُركم إلا بما فيه مصلحة لكم وقد تريدون شيئًا والخيرُ في عكسه"

فيه حاجة ممكن تخلينا نطمئن أكتر من كدة؟


فيه جملة بتقول:
اللي جوا قلوب الناس يخض ومن رحمة ربنا إنه مستخبي.

وسيدنا عمر بن الخطاب قال:
لو اطّلع الناس على ما في قلوب بعضهم البعض لما تصافحوا إلا بالىىىيوف.

لو هندعي بحاجة بخصوص الموضوع ده فهندعي إن ربنا يكفينا شر المستخبي في نفوس الناس، ويجعل حبايبنا دايما عند حُسن ظننا فيهم، وما يخدعناش في حد ولا يخدع حد فينا، وما يخيّبش أملنا في أي حد اتعشمنا فيه، ويبعد عننا أي حد بينافقنا وبيبتسم في وشنا وجوا قلبه حقد وسواد مالوش نهاية، ويجعل المسافة بينا وبينهم مسافة السما والأرض ❤️


"خذ نصف عمري واعفني مِن أن أقف مواسيًا لإنسان يحكي عن أشياء أحبها وتمنى لو كانت له بصيغة "كان"

وخذ النصف الباقي ودَعني لا أرى الناس يخسرون بأي الأشكال والطرق، دَعني لا أرى إنسانًا خائفًا، وحيدًا، ضعيفًا، مضطرًا انعقد بينه وبين أحلامه سلكًا شائكًا جعلها تمر أمام عينيه دون أن يلمسها ، أن يخبرها كيف كانت تخصه ذات يوم.


لو أن هناك شيء واحد يستحق أن نستعيذ منه في هذه الأيام فهو أن نستعيذ من الفجأة، الفجأة بكل أشكالها المؤلمة.

الموت الفجأة، الفقد الفجأة، قطع الأرزاق الفجأة، الفراق الفجأة، الإبتلاء الفجأة، الهم والحزن الفجأة، وتغير الحال الفجأة.

فقد كان من دعاء النبي صلى الله عليه وسلم: اللهم إني أعوذ بك من زوال نعمتك، وتحول عافيتك، وفجأة نقمتك، وجميع سخطك.. فكانت الإستعاذة ليست من البلية ذاتها بقدر ما كانت من فجأتها.

فاللهم إنا نعوذ بك من فجأة نقمتك.


عموماً ‏الحاجه الوحيده اللي محدش هيختلف فيها ف العلاقات هيَ "إحساس الأمان" إنك تحس إن مكانك محدش يقدر ياخده غيرك مهما بذل من مجهود، وإن مفيش زيك ولا هيكون مهما ظهر حد تاني أحسن منك هيتقابل بالرفض، وإن غيابك كفيل ميخليش اليوم يعدي، وإنك مهما تعبت أو أنطفيت لسه متشاف أحسن حد ف حياة الشخص اللى بتحبه .


احنا لازم نقتنع بكلمة سيدنا الخضر الأولى "إِنَّكَ لَن تَسْتَطِيعَ مَعِيَ صَبْرًا"..

لن تستطيع يا ابن آدم أن تفهم أقدار الله، الصورة أكبر من عقلك!
ممكن تعيش وتموت وانت فاكر إن القدر ظلمك في جزئية معينة، لكن الحقيقة غير كده خالص.. الحقيقه إن ربنا حماك منها، لكن احنا مفهمناش كده، تمامًا كما لم تفهمه أم الغلام، كما لم يفهمه ركاب السفينة!

كان فيه مقوله ف تفسير الحته دي بتقول: "استعن بلطف الله الخفي لتصبر على أقداره التي لا تفهمهما.. وقل في نفسك: أنا لا أفهم الأقدار، لكنني متصالح مع حقيقة أنني لا أفهمها، وموقن أنها كلها من عند الله"

لو وصلت للمرحله دي؛ هتوصل للطمأنينة، وهي دي الحالة التي لا يهتز فيها الإنسان لأي من أقدار الله، خيرًا بدت أم شر، ويحمد الله في كل حال، فالحمد لله دائمًا و أبدًا.


يارب عوضني عن تعبي اللي محدش شافه غيرك ، راضيني وإرضي عني يارب ❤️


" الحاجة الوحيدة إللي بتطمن الواحد إن ربنا سبحانه وتعالي قادر يعدل كل حاجة في لحظة واحدة، قادر ينزل لطفه، ويرد الظالم، ويطيب خاطر المكسور، قادر يحول الخوف إللي جواك لأمان وطمأنينه، قادر يغير كل شيء في ثانيه، فاطمن، اطمن "❤️

20 last posts shown.

149

subscribers
Channel statistics