•
إذا بترجع لورا وبتشوف الوقت هاد من السّنة الماضية، وبترجع بتشوف حالك هلأ ..

رح تلاقي أنو مافي غير رب العالمين يلي بحس وبيعلم فينا وبأوجاعنا وبكلشي منيح او سيء عم نمرق فيه ..

رح تلاقي جزء كبير من أحلامك تحقّق، والجزء التاني يا أما بطّلت تحلم فيه أساساً أو ربنا بعدها عنّك لأنها مافيها خير ..

رح تلاقي نطاق العالم حواليك تغيّر، عالم بعّدو وعالم قرّبو ..

رح تلاقي حالك غير شخص، بغير أفكار، عم توصل لمرحلة ماعد همّك فيها إلا حالك، وأهلك، وسلامك النّفسي ، وشخصين او تلاتة مفضلين وبس ..

رح تلاقي إنو مافي شي بدوم ، وإنو كلشي عم يمشي وماعم توقف الدّنيا عليه ..

رح تلاقي أنو الصدف واللحظات يلي بتفكرها عابرة هي خطّة جديدة بحياتنا ..

رح تلاقي إنو الوقت بيسرقنا ، وهيك فجأة منلاقي حالنا بوقت كنّا مفكرينه بعيد 🖤🖤🖤🌻.