⁣💌 وصلتك رسالة جديدة
⏱ وقت الرسالة: 2024/12/25 - 01:28:57 PM
----
بالبداية حابة عَقب على كم فكرة مهم جدًا يكونو ببال كل إنسان على وجه الكرة الأرضية
_1_ نحن كَ بشر ما خلقنا مثاليين، مافي إنسان مثالي ماعندو عيوب أو مميزات نحنا متل ماخلقنا من لحم وعظم خلقنا من صواب وخطأ المهم نكون متصالحين مع فكرة أنو البشر مش ملائكة، المفروض الناس تتقبلنا متل مانحنا بدون أي تغيير أو يلي مش حابب طباعنا ببساطة فيه ينسحب من حياتنا
_2_ إرضاء الناس غاية لا تدرك يعني نحنا ما خلقنا لنرضي الناس ونعمل أي شي بس لحتى نتجنب انتقادات وكلام الناس يلي مابيخلص أنّ كنت بتحمل خصال حميدة أو مابتحمل الناس بدا تحكي ويلي بيجتمو على محبتو كل الناس ومابواجه أي انتقاد فهاد إنسان مُنافق مش مساير أو عندو سياسة بالحكي والنقاشات
_3_ ضرورة إحترام الرأي الآخر يعني مش إذا حدا ماوافقك بالرأي معناتو هوي شخص توكسيك ونرجسي وسيء، أنتَ حُرّ تعبر عن رأيكَ بأي شي ضمن السوشال ميديا والطرف التاني مُجبر يحترم رأيكَ وأنتَ مُجبر تعبر عن رأيك ب لباقة وإحترام
_4_ وأخيراً مُش لازم أبداً تتخلى عن شي بتحبو وبتحب تعملو لمجرد أنو كم شخص هجمو عليك واعترضوا على آراءك ببساطة فيهن ينسحبو أو في حل تاني العتاب بطريقة لطيفة بدون هالكم من نشر الكراهية خلص في شخص عبر عن رأيو ورأيو مُختلف مش بضرورة الكل يهجم على مبدأ اتباع القطيع دون أي وعي
هلق رأي الشخصي فيك
بسم الله الرحمن الرحيم
أول أنا بتعجبني طريقة تفكيرك بحب طريقة تعاملك مع الناس منشوراتك بتعطيني طاقة إيجابية بحسك شخص واعي مُثقف صادق ومُتقبل لجميع الآراء بتمنالك السعادة وانو تحقق كلشي ببالك يا يُوسف
بالنهاية لا تتخلى عن القناة كرمال شوية عثرات وبتمرق في ناس هون بالقناة بكنولك الإحترام والموّدة...
----

- تبرع لإستمرار عمل بوت صارحني 🎁