بوگۆن قاپینیزدان یولومو سالدیم
اگیلیب الیمی آتدیم بیر داشا
اؤلدورمک ایسته‌دیم خاطره‌لری
من یاشامادیم‌سا! سن خوشبخت یاشا.

اۏتوروب قیراقدا، یازدیم دفتری:
-"من سنه کؤنلومو وئرندن بری.."
آرتیردیم دفتره: -"آی گؤزل پری_
من یاشامادیم‌سا، سن خوشبخت یاشا..."

باخیب پنجره‌دن حالیمی گؤردون
الینی قالدیریب ساچینی هؤردون
باغیردیم، سایمادین، کئفینی سۆردون
من یاشامادیم‌سا، سن خوشبخت یاشا....

قاپییا چیخارکن گؤزو سۆرمه‌لی
سئوگیلین گلیردی، دنگه‌سیز دلی
چؤکوب ییخدی منی آیریلیق شلی
من یاشامادیم‌سا! سن خوشبخت یاشا

گئتدینیز من قالدیم اۆره‌ییم یارا
نه ائده بیلردیم یوخویدو پارا
ائشیتسن اؤزومو چکمیشم دارا!
گئتمیشم خوشجا قال سئودیگیم پاشا
اونونلا عمرونو وورارسان باشا
من یاشامادیم‌سا! سن خوشبخت یاشا....