عمرومو وئرمیشم داغلار باشندا
یله، بیلمه میشم باغشلا منی🌱
اوزوم اوز الیمله سارامی آتیب
سئله بیلمه میشم باغشلا منی


اورکدن گلنی دئیم دوز به دوز🌱
نه یاندیر قلبیمی نه گونلومو اوز
دئدیم حسرتیندن اوله رم هنوز🌱
اوله بیلمه میشم باغشلا منی


گوزلریم نیسان تک هی یاغا یاغا
گاه اندیم دره یه گاه چخدیم داغا
غربتده ایاقیم باتیب پالچیقا 🌱
گله بیلمه میشم باغشلا منی


یادا سالان یوخدو من در به دری
فلک دادیز دیریر هر آن زهه ری 🌱
اورگدن هیچ زمان غمی کدری
سیله بیلمه میشم باغشلا منی


هر قوشما یازدیقجا آغلامشام من
آه چکیب قلبمی داغلامشام من
آخار چایلار کیمی چاغلامشام من
گوله بیلمه میشم باغشلا منی 🌱


کج قوروب انجمن دونیا کله ین 🌱
جفاسین گورموشوق نامرد فله ین
سوروشوب حیاتدا آرزو دیله ین
بیله بیلمه میشم باغشلا منی
#انجمن