Dovudbek Tursunov | Blog

#iqtibos

✨Men musulmonman. Islom mukammal din, lekin men mukammal inson emasman. Agar mendan biror xato sodir bo'lsa, Islomni emas, meni ayblanglar.

Ahmad Didot rohimahulloh

▫️Islom insonlar bilan aziz emas, insonlar Islomi darajasida azizdir.

✨Juma Ayyomingiz muborak bo'lsin. Jumaning hayr-u barokati siz va yaqinlaringizga bo'lsin.

#iqtibos

Bir ukamiz kelib so'rab qoldi:

- Aka, Men ham notelar yozib, kanallar yuritmoqchiman. Video kontentlar qilmoqchiman.

- Bu gaplaringiz holis niyatdami? Qalbingiz nima deydi. Mashhurlik uchun bo'lsa, shoshilmang. Bilasizmi, qaniydi meni 30 yoshdan keyin kashf qilishganida. Qaniydi, bir Payg'ambarimiz salallohu a'layhi vasallam dek g'orda o'zim qolib faqat o'qisam. Mashhurlikka shoshilmang. Hali ulgurasiz. Siz niyatni insonlarg foyda keltiraman deb qiling. Mashhur bo'lasizmi, bo'lmaysizmi qalbingiz xotirjam bo'ladi. Chunki, siz maqsadingizni bajaryapsiz. Agar mashhurlik uchun bo'lsa, bu yo'lda maqsadga erisha olmasangiz, zerikasz va insonlarga manfaat keltirish degan go'zal va oliy maqsad nafsingiz ortida qolib ketadi. Siz faqat o'qing, to'xtamang. Mashhurlik, obro'-e'tibor o'zi sizni topib keladi. Xavotirga o'rin yo'q.

- Raxmat, aka. Har xil gap so'zlar aytishsachi?

- Siz hammaga yoqa olmaysiz. Hammani o'lchoviga moslasha olmaysiz. Shunaqa maqomda turing, yomonlar siz haqingizda har xil tuxmatlar qilishga hayo qilishsin. Unaqa gaplar Rasulimiz salallohu a'layhi vasallam ga bo'lganda, qanday go'zal sabr qildilar. To'xtab qolmadilar. Allohga duo qildilar va sababini mukammal qoim qildilar. Natijani ko'rib turibsiz. Qanday avliyo-yu valiyullohlar yetishtirib berdilar. Unaqa insonlar hamma davrlarda bo'lgan. Siz shunchaki, yo'lingizda davom etavering. Alloh kuch-quvvat bersin va tanlagan oliy holis maqsad yo'lida mustaqiym qilsin.
Mashhurlikni keyinroqqa surib qo'yavering. Shunisi nafsingiz va shayton vasvasasi uchun munosib tanlov.😊

- Raxmat, aka. Maslahat so'rab turaman.

- Mayli, Alloh kuch-quvvat bersin.

Kichik bir suhbatdan parcha. Biroz o'zgarishlar bo'lgan bo'lsa, uzr so'raymiz. Manfaatli bo'ladi degan niyatdamiz.😊

#iqtibos

Dunyo boylari 6 mlrd ehson bilan Afrikadagi ochlikni hal qilishim mumkin,-deyishmoqda. Ular buni o'z ixtiyotim bilan qilishim mumkin deb, o'zlari va kuchlarini ko'rsatmoqchi. Buni istidroj deyiladi.

Islom ahkomi bo'yicha o'sha boyliklari zakotini har yili chiqarganida, shunday ham och-nahor, hatto kambag'al inson ham qolmagan bo'lardi.

Bu ularning oliyjanobligi emas, aslida majburiyati.

▫️Baxt ma'lum o'lchovga, mezonga va qiymatga ega narsa emas. U hamma narsada jamlangan va arzimagan narsalar orqali his qilish mumkin bo'lgan hissiyotdir.
Baxt - bu ruhiy, jismoniy va moddiy tomondan hotirjamlik, hozirgi holatiga rozi bo'lishlikdir.
Hazrati Umar roziyallohu anhu sahobalarga qarab, ko'r, kar, shol va umuman jismoniy va moddiy imkoniyatga ega bo'lmagan bir insonni ko'rsatib: " Bu odamda qanday ne'matni ko'ryapsizlar? "- deb savol berdi.
Sahobalar: - Hech qanday ne'matni ko'rmayapmiz,- deyishdi.
Hazrati Umar roziyallohu anhu: Yegan ovqatini bemalol yuta olyaptimi, bu ne'mat. Yutib bo'lgandan so'ng, tanasidan chiqarib tashlay olyaptimi, bu ham ne'mat-, dedilar.

Biz odatda baxtni oʻzimiz boradigan keyingi manzilda deb bilamiz. Ya'ni baxtni makon va zamonga bogʻlab olamiz.

- Boʻydoq inson baxtni oila qurishda deb biladi;
- Oilali inson baxtni farzand koʻrishda deb biladi;
- Farzandi bor va moddiy qiyinchiliklarga duch kelgan odam baxtni pul va boylikda deb biladi;
- Yuqoridagilarni barchasiga ega boʻlgan inson ham asli baxtni his qila olmasligi mumkin.

Xuddi shunday, abituriyent baxtni talaba boʻlishda, talaba esa oliygohni tamomlashda va hokazo narsalarga bogʻlab olinadi. Bularni hammasi birinchi guruhdagi baxtni anglab yetishga borib taqaladi.

Baxt bu natija emas, balki jarayonning o'zidir.

Yaqin do'stimizning fikrlari!

Ruhiyatimizda, jismimizda va moddiyatimizda bizni baxtli his qilishimiz uchun yetarlicha imkoniyat bo'la turib, baxtga o'lchov, mezon qo'yib olamiz. Bu esa umuman noto'g'ri.
Agar postimiz bu mezonlarni o'zgartirishga yordam bersa, mamnunmiz.

Davomi bor....

✨✨✨✨✨✨✨✨✨✨✨

➖➖➖ BAXT O'ZI NIMA?➖➖➖

Assalomu alaykum va rohmatulloh. Post yozmaganimizgayam ancha bo'libdi. Bir qalamimni uchini o'tkirlab olayin.😊
Demak, bugun BAXT haqida gaplashamiz.

▫️Baxt — maʼnaviy-axloqiy tushuncha. Kishi oʻz faoliyati natijalaridan, hayotda qoʻlga kiritgan yutuqlaridan toʻla qoniqish, yashash tarzidan mamnunlik, muayyan maqsadga yetganlik, orzu-umidning ushalishi, bearmonlik holati sifatida namoyon boʻladi.
Baxt nisbiy tushuncha, mutloq Baxt yoʻq. Baxtni qanday maʼnoda tushunish shaxsning ijtimoiy oʻrniga, bilimi, yoshi, dunyoqarashiga bogʻliq. Baxt haqidagi kishilarning tasavvurlari ijtimoiy tuzum va undagi ijtimoiy munosabatlar majmuasi bilan uzviy bogʻliq. Chinakam Baxtli boʻlish uchun har bir shaxs erkin, teng, oʻz isteʼdod va qatʼiyatini har tomonlama namoyon qilishi, moddiy va maʼnaviy ehtiyojlarini qondirish imkoniyatiga ega boʻlmogʻi zarur. Shuningdek, Baxtga erishish uchun har bir shaxs jamiyatda, oilada oʻz oʻrnini topgan, burch va masʼuliyatni anglagan boʻlishi lozim. Odam oʻz ongi, tafakkuri, dunyoqarashi, xatti-harakati, xulqi, aql-zakovati bilan Baxtli boʻlish uchun intilishi va kurashishi kerak. Inson oʻz taqdirini xalq, Vatan taqdiri bilan uygʻunlashtirgandagina toʻla Baxtli boʻlishi mumkin.

O'zbekiston Milliy Ensiklopediyasi. 1-jild.

▫️Baxtga eltuvchi yo'lni 3 qismga ajratib olamiz va ularni o'zaro taqqoslab ko'ramiz.
Ular quyidagilar:
✨Ruhiyat orqali his qilinadigan baxt.

✨Jism va u orqali his etiladigan baxt.

✨Jismdan tashqari holatda, moddiyat orqali his etiladigan baxt.

Qur'an ul-Kareemda baxt haqida nimalar deyilgan:

Toha surasi, 123- va 124-oyatlar:

123. (Alloh) aytdi: (Undan (ya’ni jannatdan) har ikkingiz tushingiz. Ayrim (zurriyotlaringiz) ayrimlariga dushmandir. Bas, sizlarga Men tarafdan hidoyat kelganida kim Mening hidoyatimga ergashsa, yo‘ldan ozmas va baxtsiz bo‘lmas.
124. Kim Mening eslatmamdan yuz o‘girsa, bas, albatta uning uchun tang – baxtsiz hayot bo‘lur va Biz uni qiyomat kunida ko‘r holda tiriltirurmiz».

Hud surasi, 105-, 106-, 107- va 108-oyatlar:

105. U Kun kelganida, biron jon gapirmas, magar Uning (Allohning) izni bilangina gapirur. Bas, u (Kunga hozir bo‘lganlar) orasida baxtsizi ham bo‘lur, baxtlisi ham.

106. Bas, endi badbaxt kimsalar do‘zaxda bo‘lib, u joyda ohu faryod qilar.

107. Ular unda osmonlar va yer turguncha qolurlar, magar Parvardigoringiz xohlasa (yana O’zi xohlagan hukmini qilur). Zotan, Parvardigoringiz faqat O’zi istagan ishni qilguvchi zotdir!
108. Endi baxtiyor zotlar esa jannatda bo‘lib, u joyda osmonlar va yer turguncha tururlar, magar Parvardigoringiz xohlasa (yana O’zi xohlagan hukmini qilur). Bu (ya’ni jannatga tushish baxtiga erishish Parvardigoringizning) tuganmas in’omidir.

Bundan tashqari ko'plab oyatlarda baxt va badbaxt kabi so'zlar ishlatilgandir.

#motivatsiya

𝙰𝚋𝚞 𝙷𝚞𝚛𝚊𝚢𝚛𝚊 𝚛𝚘𝚣𝚒𝚢𝚊𝚕𝚕𝚘𝚑𝚞 𝚊𝚗𝚑𝚞𝚍𝚊𝚗 𝚛𝚒𝚟𝚘𝚢𝚊𝚝 𝚚𝚒𝚕𝚒𝚗𝚊𝚍𝚒:

" Nabiy sollallohu alayhi vasallam: " Alloh qaysi dardni nozil qilgan bo'lsa, albatta, uning shifosini ham tushirgandir ", - dedilar".

Buxoriy va Muslim rivoyat qilishgan.

Muslimning lafzida: " Har bir dardning davosi bordir. Qachon davo dardni topsa, Alloh azza va jallaning izni ila tuzaladir ", deyilgan.

Bu hadis o'sha davr tibbiyot olami uchun to'xtovsiz harakat qilishlari uchun yetarli edi. Tabiblar har qanday dardga Alloh Taolo tomonidan berilgan davo borligiga qattiq ishonishgan va tinim bilishmagan.

Bizchi?! Tayyor pishirilgan taomdek oldimizda turgan kitoblardan yiroqdamiz.

𝐃𝐮𝐧𝐲𝐨 𝐭𝐚𝐫𝐢𝐱𝐢𝐝𝐚 1-𝐦𝐚𝐫𝐭𝐚 𝐝𝐚𝐫𝐝𝐥𝐚𝐫𝐧𝐢 𝐭𝐮𝐳𝐚𝐥𝐚𝐝𝐢𝐠𝐚𝐧 𝐯𝐚 𝐭𝐮𝐳𝐚𝐥𝐦𝐚𝐲𝐝𝐢𝐠𝐚𝐧 𝐭𝐮𝐫𝐥𝐚𝐫𝐠𝐚 𝐚𝐣𝐫𝐚𝐭𝐢𝐬𝐡𝐝𝐚𝐧 𝐯𝐨𝐳 𝐤𝐞𝐜𝐡𝐢𝐬𝐡𝐠𝐚𝐧. 𝐁𝐚𝐫𝐜𝐡𝐚 𝐤𝐚𝐬𝐚𝐥𝐥𝐢𝐤𝐥𝐚𝐫𝐧𝐢 𝐭𝐮𝐳𝐚𝐥𝐚𝐝𝐢𝐠𝐚𝐧 𝐝𝐞𝐛 𝐞'𝐥𝐨𝐧 𝐪𝐢𝐥𝐢𝐬𝐡𝐠𝐚𝐧. 𝐔𝐥𝐚𝐦𝐨𝐥𝐚𝐫𝐢𝐦𝐢𝐳 𝐛𝐚𝐫𝐜𝐡𝐚 𝐭𝐚𝐛𝐢𝐛𝐥𝐚𝐫 𝐝𝐚𝐯𝐨𝐬𝐢 𝐲𝐨'𝐪 𝐝𝐞𝐛 𝐪𝐚𝐫𝐨𝐫 𝐪𝐢𝐥𝐠𝐚𝐧 𝐝𝐚𝐫𝐝𝐠𝐚 𝐡𝐚𝐦 𝐝𝐚𝐯𝐨 𝐢𝐳𝐥𝐚𝐬𝐡 𝐤𝐞𝐫𝐚𝐤𝐥𝐢𝐠𝐢𝐠𝐚 𝐮𝐬𝐡𝐛𝐮 𝐡𝐚𝐝𝐢𝐬𝐢 𝐬𝐡𝐚𝐫𝐢𝐟𝐧𝐢 𝐝𝐚𝐥𝐢𝐥 𝐪𝐢𝐥𝐢𝐛 𝐤𝐞𝐥𝐭𝐢𝐫𝐠𝐚𝐧𝐥𝐚𝐫.

#motivatsiya

❗️Yuqoridagi postni qayta qo'yishimning sababi bor. Bir ukamiz bor. Reader-->Leaderda Kazuxironi yengaman deb harakat qiladigan. Menimcha, deyarli maqsadiga erishdi.

⚡️Assalomu alekum
1 soat oltin silsila
9 soat pathology
4 soat clinical anatomy
Overall result : 40

Bu ukamizni harakatini ko'rib, xuddi men bekor o'tirgandek bo'lib qolyapman. Bolalar kasal bo'lib qolishidan havotirdaman.

Suhbatdan parcha:

- Assalomu alaykum, Dovudbekaka. Yaxshimisiz?

-Vaalaykum assalom, Alhamdulillah. O'zingiz yaxshimisiz. Ancha ozib ketibsiz.

-Ha, aka. Keyin tiklavolamiz. Aka 3 soat uxlab dars qilsa bo'laveradimi?

-Nima!!!😳.

- 23:00 da uxlab, 2:00 da turib dars qilayapman. Sog'lig'imga ziyoni yo'qmi?

- Hozirgi holatingiz yaxshiku. Uyqusirash, xorg'inlik yo'q. Menimcha, a'lo darajadasiz.

- Shu zaylda davom etaveraymi?

-Menimcha, Allohni bergan marhamati. Vaqtingiz, sog'lingiz va tanangiz quvvatiga baraka beribdi. Foydalanib qoling.

- Raxmat, aka.

🔺 Aynan shunday bolalar kerak bizga.
Ukamizni maqsadi: Aka bu yil 18 yanvarda maqsad qo'yib, o'qishni boshlaganman. Keyingi yil 18-yanvarda asosiy fanlarni yopaman.

⚡️Men o'zim uchun ham turtki bo'layotgan insonlardan bittasi.

🔺Ibn Sino rohmatullohi a'layh: " Tib ilmi oson ekan. Ikki yilda o'rganib oldim " ,- degan jumlalari mohiyatini endi angladim. Shunaqa katta shijoat va maqsad bilan harakat qilinsa, tib ilmi 1 yilligini bizga isbotlamoqchi bo'layotgan oliyhimmat inson.

✨Sizda ham xuddi shunday imkoniyat bor. Bir urunib ko'ring. Alloh ishimizga, vaqtimizga, ilmimizga va shu ilmdan keladigan natijaga baraka bersin.

#iqtibos

Mashhur zohid Ibrohim Adham rahmatullohi alayhi:

" Agar topsak, erkaklar yemagini yeymiz. Agar topmasak, erkaklar sabridek sabr qilamiz "