dentist shahd Al-fakir 🩵

🪥 بداية رح نبلش بالفرشاية:

🔹 تحتاج لتبديل الفرشاية القديمة بفرشاية جديدة كل 3 أشهر لأن الشعيرات يلي عليها بتنحني بعد مدة وما عد بتعطي فعالية تنظيف جيدة، لهيك الفرشاية يلي عندك من الصف الرابع بتكبها 🥲😂.

🔹 نجي لأنواعها لأن الها كذا نوع حسب الشعيرات الموجودة فيها:
ناعمة - متوسطة - قاسية
•  إذا اللثة طبيعية ومالها نازفة ف الك حرية الاختيار 👈🏻 إما ناعمة أو متوسطة.
• إذا اللثة تبعتك نازفة - يعني بتنزف دم عفوياً من دون ما تعمل لها شي - حصراً بتستخدم 👈🏻 ناعمة.
• إذا أنت مدخن وعندك تصبغات وقلح وجير - لقدام بنحكي عن هالأشياء -  بتستخدم 👈🏻 قاسية.

🔹 أنت بتقول للصيدلي شو نوع الفرشاية يلي بدك ياها وبيعطيك، ما تاخد أي فرشاية موجودة وتمشي لأن ممكن ما تكون متناسبة مع حالة اللثة ف رح تزداد سوء الأمور بهالحالة.

لأن ابتسامتك بتهمنا:
رح نحكي عن أول وسيلة عناية بالأسنان يلي هي التفريش وكل المعلومات الخاصة فيه رح قسمهن ل تلت أيام مشان تقرأوا كلشي بخصّه.

• انا شهد طالبة في كلية طب الأسنان جامعة دمشق سنة تالتة.
• رح نزل على هالقناة كل الأشياء يلي عم ادرسها يلي بتفيدكم كأشخاص بالحياة اليومية للعناية بأسنانكم.
• كل هالقناة لأن ابتسامتك بتهمنا 🫵🏻🩵.