قصت غربتي

قصت غربتي .. تخطه دمعتي .. نحيب
الامي تشرح .. بلغربه نصبح .. نحيب
ام خدر اخوهه .. من طلعوهه .. نحيب

قصت دربنه الطويل
تبدي بضياع الدلال
وراوي المها اسير
وبجفوفه حزت حبال

بليله وضحاهه الزمان
ابنت الاكابر يدور
ومن في خدره تساق
وكلب العفيفه يفور

هيبتنه يم الضحايه
قصت غربتي هايه
.....

انه الغريبه .. الجانت حبيبيه .. بخيام
وحطوني اهلي .. بجف الكفلني .. بخيام
اذكر دلالي .. ويهلي الغوالي .. بخيام

كليله اموتن عذاب
هاذه حنيني يريد
يبرالي اخو بلغرب
يرد هيبتي سد عضيد

ليش وغريبه اصير
ويكطع هذاك الوصال
وعن هلي ابعد وعيش
غربه وعذاب الدلال


يهلي وبلاا نهايه
قصت غربتي هايه

.....

باول رحيلي .. كسره بدليلي .. وروح
غربه اعله غربه .. ودمعي اصبه .. وروح
الصعبت عليه .. حبالي بديه .. وروح

مو كدري جتف اليدين
وانه حليمت كمر
ولخارجيه انه اصير
وانه اهلي شيوخ لبشر


يامن يرد الخيام
تستر اخت حايره
عنهه اخوه بعيد
وجتها زلم غايره

لا من اخوهه حمايه
قصت غربتي هايه
...
انعه اليالي .. البيه دلالي .. عذاب
ونعه يخوتي .. الكم شكوتي .. عذاب
ليلجم حنيني .. غربت سنيني .. عذاب

لديار اهلنه اريد
ارجع عقيلت كبل
ونسه عذاب الغرب
ومن اذني يهده الطبل

بهل رجعه لازم اخو
يرد بيه هاذه الدرُب
وانه الخوهه طريح
الكل حيله فوك ترُب

يارده للماله رايه
قصت غربتي هايه
....
غربني دهري .. ومغصوبه اسري .. لضياع
ورائيي وجلمتي .. وكسرت غربتي ..لضياع
ايا زماني .. وخدري يعاني .. لضياع

جم ديره اطبه ويطيح
مني يتيم ابدرُب
خلص ضعنه الضياع
ولخيامي دمعي يصُب

لتهضملي خدري اشوف
لشاميه يمي وتمر
تعاين علينه وموت
وصط الخرابه احتضر

لتهضمنه جلمت سبايه
قصت غربتي هايه

الشاعر مصطفى الجبوري

الناشر رحيل القوافي الفاتحه ابوي الغالي واخواني سعيد وكريم ومحمد وماجد والجميع اموات شعيه أمير المؤمنين عليه السلام