حنعيشها صح💜¦Live It Right

ما تخجلي 🌹...


_ماتخجلي عشان عندك حدود في الكلام و مستحيل تتكلمي كلمات ما مؤدبة مع راجل.

_ما تخجلي عشان إنت الوحيدة في صاحباتك اللي ما مرتبطة بشكل مارسمي.

_ماتخجلي عشان لسه في حاجز نفسي جواك بينك و بين كلمات معينة و مابتقوليها حتى بينك و بين نفسك.

_ماتخجلي عشان لسه بتسمعي كلام والدينك و بتعملي اعتبار لكلمة راجلك و أخوك.

_ماتخجلي عشان ما بتوصلي شعرك ولا بتعملي شي يمنع الوضوء أو أي شكل من أشكال الزينة ما يرضاه ربنا.

_ماتخجلي عشان بتتوقفي عند حدود ربنا و ممكن تتراجعي عن أي شي ما بيرضي الرسول عليه الصلاة والسلام.

الخجل الحقيقي لما نقيف قدام ربنا...
قبول الناس للحرام ما معناها انه بقى حلال.
كثرة المخطئين مابيعني انه ماحيتحاسبوا كل وحدة حتتحاسب براها والمقياس يوم القيامة الدين و ليس قبول الناس و التسلية و عدد الإشعارات.
دينك أخلاقك، قيمك و التزاماتك كلها جزء من شخصيتك ماتخجلي منها ♥..

قال الرسول صلى الله عليه وسلم :
لَيَلْقَيَنَّ اللَّهَ أحَدُكُمْ يَومَ يَلْقَاهُ، وليسَ بيْنَهُ وبيْنَهُ تَرْجُمَانٌ يُتَرْجِمُ له، فَلَيَقُولَنَّ له: ألَمْ أبْعَثْ إلَيْكَ رَسولًا فيُبَلِّغَكَ؟ فيَقولُ: بَلَى، فيَقولُ: ألَمْ أُعْطِكَ مَالًا وأُفْضِلْ عَلَيْكَ؟ فيَقولُ: بَلَى، فَيَنْظُرُ عن يَمِينِهِ فلا يَرَى إلَّا جَهَنَّمَ، ويَنْظُرُ عن يَسَارِهِ فلا يَرَى إلَّا جَهَنَّمَ، فاتَّقُوا النَّارَ ولو بشِقَّةِ تَمْرَةٍ فمَن لَمْ يَجِدْ شِقَّةَ تَمْرَةٍ فَبِكَلِمَةٍ طَيِّبَةٍ..

ما المفروض نخجل من اننا بنعمل الصح واللي مقتنعين بيهو، الخجل الفعلي حيكون لما نقيف قدام ربنا ونواجه أعمالنا و حقيقتنا وكيف كان كريم معانا طول العمر واحنا قصرنا و أخطئنا.
عند النهاية سيسألنا الله وحدنا عن كل فعل و قول حينها نرجو ألا يغمرنا الخجل.


اللهم لا نضل مع من لا يعلمون، و ألا نخجل إلا من الإثم ، أن نستقيم و أهلنا و من نحب، أن نعي أحكامك، و نلتزم جنابك و ألا نستحي إلا منك و أن نلزم جوارك ، راضيات، طائعات ، #تقيات برحمتك ياكريم ♥.


#Jasmeen_Ali.
🌹❤

اللهم صلي وسلم وبارك على نبينا محمد وعلى آله وصحبه وسلم تسليماً كثيراً طيباً مباركاً فيه 💙

الامنية الاولي والاخيرة..

"اللهم لا تجعلني اترك فرضآ من فروضك 💜."

الآخرة ليست زمنًا مُؤَجَّلا في حياة المسلم، بل عقيدة يحياها تحول بينه وبين الرذائل، وتكسوه بهدأة السكينة، وتحمله على العفو، وتبصره بوجه نيته وملامح خبيئته، وما استقر في قلبٍ رحمةٌ وحسن خلق بمثل تذكر الآخرة ووعد الله تعالى فيها.

- وجدان العلي

#حنفاء

لُطف الله الخفيّ..🌸



- صاحبنا خطب بت ...
لما رفضوه بكى وأتألم ، كم يوم زعلان وغضبان وكاره الدنيا، قلنا ليه مافيها خير بس نفسو كانت فيها 💔

البت دي اطلقت تلاتة طلقات في اول سنة من عرسها وعرف بعداك انو اخلاقها زفت وعنيدة ...


- صاحبنا تاني كان عايز يشتري عربية وجا واحد قصاها منو واشتراها لنفسو
عشان سعرها ارخص ....
صاحبنا زعل وندم وقال قروشي ناقصة تاني القاها وين العربية ؟ 💔

بعد شهر لقي نفس العربية عاملة حادث وصاحبها اتوفي ...
فحمد ربنا انو كفاهَ شرها.


- واحد بحكي لينا قال اختي اتقدم ليها راجل ، و حلمت( شافت رؤية ) انو في صرصار وقّع بينها وبين الراجل دا وشال كل واحد فيهم وداه في اتجاه .
فخلتو ...
و بعد فترة اكتشفو انو ما بنجب وعقيم لم اتزوج مرا تانية.
واختي اتزوجها راجل تاني، الليلة عندها سبعة اولاد اللهم بارك. ♥️



حصل سمعتو بلطف الله الخفي ؟
حصل جربتو تفوضو امركم لله وتقومو للحاجة الشاغلة راسكم وتقولو يا رب اختار لينا ؟

حصل جربت احساس انك ترمي حملك كلو علي الله وتنوم مرتاح البال بعد الساعات الكانت حتفجر راسك بالتفكير
...؟ ♥️


يلا هي الاستخارة وصلاة الاستخارة ...

نحن كبشر ما حنعرف الجاي بعد شهر
ولا بنعرف حنكون وين وكيف وليه ..!
فإختيارنا مهما كان رشيد بكون محدود وقاصر ..


أما ربنا ....
اححح اسكتو سااي
تشيل حملك ووجع راسك وهمومك ورب كدا ترميهم علي الله وتمد رجليك وتنوم مرتاااح ومبسوط..
وتصحي تلقي كل الامور ظبطت ♥️


فحافظو عليها ... وخلوها دايما في حياتكم .. اتفقنا ؟

•
#رسالتي_إليك

‏" رسالة اطمئنان:
هل رأيتي الجبال ؟
إن الله ينسف شموخها بغمضة عين .. فما بالك بهمك الصغير !
سيدبرها الله .. فلا تقلقي ..
وإذا شاء الأمر وتعقد؛ فلطف الله ممتد ..
كل الدروب إلى الله مزهرة ..
الأيام الحالكة لا تدوم، وأقدار الله نافذة، وقلوبنا راضية، والاطمئنان باقٍ"
فقط ثقِ الله✨

🌸•┈┈• ❀ 🌴 ❀ •┈┈•🌸

‏"من يستمد القوة من الله يكون حتى في أثناء السقوط يشعر بالوقوف."💜🌸

أنا ما بقول لي بِت اتحَجَّبي..
بَس بقول ليها تتصَدَّق،تصلي الصلاة في وقتها،، وتقرا قرآن وتحاول تلتزم بي حلقة تحفيظ..
وهي لوحدها ح تلقى إنها لبست الحجاب وبكل يُسر!♥️

ما بقول لي بِت
ما تصاحبي أولاد وتشوفي إنو الموضوع عادِي وانتو best friends وفلان الفلاني لي أيِّ زول وهاك يا صحوبية

لكن ممكن أقول ليها خليكِ وسط صحبات كويسات .. وبِذكروك بي ربنا دايمًا وبعينوك على الخير ودايمًا مستحضرين إنو الدنيا دي فانية وبين يوم وليلة ممكن الواحدة مننا تنوم وتاني ما تصحى!


ما بقول ليكِ ما تسمعي أغاني
بس ممكن أقول ليك .. جرِّبي
جربي تلزِمي نفسك بي سماع سورة كل يوم .. وبعد تشوفي الراحة النفسية وانتي من المُصطفِين اللي اختارهم ربنا يسمعو كلامو في وقت كل الناس فيهو مشغولة بالدنيا

ح تلقي الموسيقى بالنسبة ليكِ بقت توتر وضيق وتعَب!
وبرضو
ما بقول ليكِ كفاية أفلام فيها مشاهد ما كويسة ولكن
شنو رايك لو تابعتي البرنامج الفلاني؟
وانتي براك ح تشوفي .. قدر شنو كنتِ حارمة نفسك من الجمال ده كلو وبتتابعي في دراما طويلة في الأخير ما هي إلا من وحيَ الخيال، وإنها ضيَاع لي عُمرك بدون ما تحسي!

الخُلاصة
إني للأبد ما بقول ليكِ (ما تعملي كده).. عشان حرام أو غلط
لكن بقول زاحمِي ..
زاحمِي المعاصي الكتيرة دي بي طاعات بسيطة وبتقدري عليها
ح تلقي نفسك تلقائيًا أبَت المعصية وبقت ما بتستسيغها!

زاحمي
زاحمي وقت فراغك بي إنك تعملي طاعة واحدة جديدة كل يوم،،
وح تلقي نفسك توَّاقة لي عمل الخير .. وما راضية لي روحك إلا المكان العالي في الجنة!
وإنو نفسك خلاص مرَقت من الدنيا

ما بقول ليك ده شنو ده .. ما خايفة من ربنا؟
لكن بقول ..
كلما تعملي معصية .. أعملي بعدها طاعة
وياحبذا لو اتصدقتي؛ "الصَّدَقةُ تُطفِئُ غضبَ الرَّب"

للأبد
زاحمِي المعصية بالطَّاعات ..
واسألي ربنا المعيَّة والقُرب .. واسأليهو الثبات في زمن مزعزع وما فيهو قِيَم!


وخِتامًا
قد يُكُونُ الدَّربُ صعبًا .. لا تمِيلي ♥️


وشُكرًا
وعفوًا

#صفية_مصطفى.

‏حَوقِل فَمَا فُكَّت العُقد بمِثلِها؛
"لا حَولَ ولَا قُوَّة إلَّا بالله"💙

كنتُ صغيراً يوم وقفت للصلاة فأردت أن أُضحك أهلي بحركات لهوٍ أثناء الصلاة، جهلاً مني يومئذ، فصرخَتْ أمي من بعيد صرخة لا زلتُ أذكرها: "إياد" !!

لم تكن أمي حافظةً للقرآن ولا طالبة عالم، وكان بيتنا "عامِّياً" في بعض جوانبه، وعندنا من الأخطاء ما أسال الله أن يغفره. لكن صرختها التي لم أتوقعها حفرت في نفسي درسين عميقين:

1. تعظيم شعائر الله، وأن الصلاة لها جلالها وهيبتها ولا مزاح فيها.
2. الغضب لله، وأن الهدوء ليس هو الأفضل في كل مقام.
درسان ما كنت لأتعلمهما بهذا العمق من الكتب، لولا صرخة أمي ولولا صدقها في تعظيم الله وشعائره فيما أحسبها.


- د. إياد قنيبي.

" لا تَتردد في الرجوع إلىَ الله حتى إن كثرت معاصيك ‏فَالذي سَترك وأنت تَحت سقف المَعصية لَن يخذلك وأنت تَحت جَناح التوبة. "🌹


#رسائل_إليك.
@Sudaniislam

مَا جَبَرنِي جَابرّ مَثَّلَ اللّٰه ، وَلَا بَقِى مَعِي
باقٍ سِوَى اللّٰه ، وَلَمْ يُشَدِّدْ عَضُدِي أحدٌ
غَيْرِ اللّٰه ، كَانَ اللّٰه فِي عَوْنِي وَلَا زَالَ.💚