FactFullness

O‘zgarishni boshlash uchun aslida dushanba ham, oyning boshi ham, yangi yil ham kerak emas.

Buning uchun ozgina iroda va to‘g‘ri maqsad qo‘yish kerak.

Shu kunlarda juda ko‘p guvohi bo‘layotgan narsam ba’zi bir psixologlar va motivatorlarning gaplariga ko‘ra siz albatta qog‘ozga tushirib yozgan orzularingizga yetasiz emish.

To‘g‘ri yozish va rejalashtirish muhim lekin shunga yarasha harakat qilinmas ekan ishoning yozilgan rejalar qog‘ozda qolib ketaveradi. Buni men ko‘plab yozilgan rejalariga munosib harakat qilmagan biri sifatida sizga ulashyapman))

1-yanvardan o‘zgarmoqchi bo‘ladigan ba’zi birovlarning 31-dekabr kuni bilan daydib 1-yanvar tongiga qadar uxlamay 1-kunning o‘zidan o‘zgarishni uyqu rejimini buzishdan boshlashlari esa kulgimni qistatadi .

Aynan yurak kasalliklarining eng katta qismi ham dekabr oxiriga to‘g‘ri keladi, sabab marketingning nozik hiylasiga uchgan millionlab insonlar nima uchun bir necha kunlik ovqatni bir kunda yeyish kerakligini tushunmagani va palla artish ovqatlanganligini(spirtli ichimliklar,shirinliklar,energetik ichimliklar) bunga sabab bo‘ladi.

Umrida km ham yugurmagan ba’zilar; kunlik km yugurishni, yilda bir necha kun zalga chiqmaganlar; haftada 3 kun zalga chiqishni, yilda 10 ta kitob o‘qimaydiganlar; yiliga 100 lab kitoblar o‘qishni maqsad qilib qo‘yishadi. Bunday balandparvoz maqsadlardan yana 10 lab misol keltirishim ham mumkin edi ammo maqsadim ulkan maqsad qo‘yganlarga tosh otish emas. Hissiyotga berilib yozilgan bu maqsadlarga bo‘lgan ishtiyoq nari borsa 10 kun ichida so‘nadi.

Maqsad qo‘yishdan asosiy ko‘zda tutilgan narsa kimgadir nimanidir isbotlash emas, o‘z oldiga qo‘yilgan  kichik maqsadlarga erishib o‘z hurmatini qozonish, hamda hayotini yaxshi tomonga o‘zgartirish bo‘lishi kerak))

Uyg'onishni istasingiz, Uyg'oqlar bilan birga bo'ling!