🗣️Xabaringiz bor, A.Avloniy nomidagi milliy-tadqiqot institutida institut rektori A.Ismailov va hududlardagi pedagoglarni yangi metodikalarga o‘rgatish milliy markazi direktorlarining uchrashuvi o‘tkazildi.

Uchrashuvda pedagoglarni uzluksiz kasbiy rivojlantirish borasida amalga oshirilayotgan islohotlar muhokama qilinib, pedagoglarni kasbiy rivojlantirish tizimi faoliyatini yana-da takomillashtirish bo‘yicha qator takliflar ilgari surildi.

📊Pedagog xodimlarni 2023-yilda malakasini oshirish bo‘yicha belgilangan rejalarning 6 oylik ijrosi natijalari tahlil qilindi. (Mazkur davrda 300 mingdan ortiq pedagog xodimlarning malakasi oshirilgan)

Keyingi davr uchun amalga oshirilishi lozim bo‘lgan vazifalar belgilab olindi.

✔️Yaʼni, uzluksiz kasbiy taʼlim platformasining kontentlarini yangilash, malaka oshirish va qayta tayyorlash kurslarida taʼlim sifatini yaxshilash, kurslarning samaradorligini o‘rganish bo‘yicha chora-tadbirlar belgilanib, muammolarni bartaraf etish bo‘yicha takliflar kiritildi.

✔️Xususan, ehtiyojga asoslangan kurslarni tashkil etishda pedagoglarni kasbiy diagnostikasini joriy qilish, ularning kasbiy bilim-ko‘nikmalariga doir bo‘shliqlarini aniqlash, malaka oshirgan pedagoglarning ish faoliyati monitoringini yo‘lga qo‘yish, o‘qituvchilar uchun xorijning metodik sohasidagi adabiyotlarni tarjima qilib, chop etish kabi takliflar ilgari surildi.

Mazkur uchrashuv ishtirokchilari tomonidan bo‘lib o‘tgan muloqotning dolzarbligi taʼkidlanganligi, o‘zaro fikr va tajriba almashish muhimligi inobatga olinib, kelgusida "Rahbarlar kengashi"ni doimiy tashkil qilish va hududlarda ham o‘tkazishga kelishib olindi.

⚠️Milliy-tadqiqot institutining rasmiy sahifalarini kuzatib boring

📱 Telegram | 📒Facebook |📹YouTube | 📸 Instagram