فإما أن تكون ابن الشبيبة… أو صدى للكتلة.
ما بتمشي ع خط فتح… وتصفّق للي ذبحها.
ما بتكون وريث لإرث شبيبة بيرزيت… وتستعير شعارات حماس.

فتح مش ضايعة، لكن بعضكم ضيّع الاتجاه.
فتح مش جماهير، فتح مشروع وطني، فتح دم الشهداء اللي طهره ما بيختلط مع من خان.
واللي نسي صرخات شبابنا تحت التعذيب في سجون غزة،
واللي غطّى على مشاهد السحل والإهانة،
واللي طنّش على اعتقال الكوفية ومنع راياتها،
لازم يعرف إنه انسلخ عن جوهر فتح، حتى لو لابس كوفيتها وبيحكي باسمها.

كلمة أخيرة:

دماء شهداء غزة من أبناء فتح، ما راحوا ببلاش.
وإنت، لما تهتف لرموز القمع، بتحط حالك بوجه شعبك.

بيرزيت ما كانت ساحة للغش السياسي، كانت دايمًا ميدان وعي.
واللي ما عنده وعي… ما إله محل في الشبيبة

إحنا مش ضد المقاومة، إحنا ضد التزييف.
ضد اللي لبسوا بدلة “المقاومة” وهما بيمارسوا أقذر أنواع القمع والاعتقال السياسي في غزة.
ضد اللي بيمنعوا راية فتح في الساحات، وبيعتقلوا الفتحاوي إذا غنّى لفلسطين بصوته الحر.

واللي واقف يطبل للسنوار والضيف اليوم، يا بكون مش فاهم، يا بايع الذاكرة.
بدّك تحكي عن مقاومة؟
ابدأ من احترام دم إخوتك.
ابدأ من استحضار مشهد شباب بيرزيت لما وقفوا لحالهم بوجه الكتلة، وما انحنوا.

الرسالة الأخيرة:
شيلوا صورة ياسر عرفات من صدوركم إذا بدكم تهتفوا للسنوار،
لأنه اللي خان دم غزة… ما بيشبه أبو عمار.