ستا د بخت ستوری ځلیږی فضلت دی مبارک شه
ته سپین لمر د زندګی یی علمیت دی مبارک شه


دي قطار ته دي ډیر پام وی نمونه یه نسته ګوره
سپین پګړی ول ول تاویږی وراثت  دی مبارک شه

قریبان در ته رادرومی په خندا خندا آواز کړی
پر موږ ګران فاضله وروره فراغت دی مبارک شه


ته د دین یو ستر نعمت یی ته نازک د ګل په شان یی
خپل د علم سره سعی کړه زیب زینت دی مبارک شه


شهیدان او یتیمان دی خپل په زړه کی ساته یاره
په دعا کی بی تل غواړی صداقت دی مبارک شه


ای فایزاشنا ملګری ټول روان په سپینه لارشول
د دستار تبریکی ور کړه  تلاوت دی مبارک شه