كل عام وانتم بالف خير
بمناسبه مولد الصديقه الكبرئ فاطمه الزهراء سلام الله عليها


🌸🌸🌸🌸🌸🌸🌸🌸🌸🌸

الليله ليلتنه زهيه // بمولد الزهره الزچيه
امشونه ياعالم نهني // طه ونقدم التحيه

🌸🌸🌸🌸🌸🌸🌸🌸🌸🌸

شعلو الاشموع بصواني
وللنبي انقدم التهاني
بمولد الزهره الحياني
بالحشر ما بعد اعاني

الليله ليلتنه سعيده // والمحب حضر نشيده
ايصلي عالهادي وعترته // ويعتبر هالساعه عيده

🌺🌺🌺🌺🌺🌺🌺🌺🌺


فرحو كل اليتامه
خاطر نعيش بسلامه
اندعو لله بقيامه
وكلمن يحصل مرامه

الليله ميلاد الشفاعه// حضر الروحك بضاعه
بالحشر تربح يغاتي// وغيرك ايفشل متاعه


🍀🍀🍀🍀🍀🍀🍀🍀🍀

زينو كل المساجد
حتمأ القائم يشاهد
شيعته تردد قصائد
ينلعن كالساعه حاقد

الليله حلوه بمحتواها // حتئ،متغير هواها
ضوت انجوم وكواكب //فاطمه بساعه ضواها


🌹🌹🌹🌹🌹🌹🌹🌹🌹🌹


رددت كل الحناجر
بالفخر فوگ المنابر
عضمت هاي الشعائر
تفرح ولازم تفاخر

الليله ميلاد الشريفه // والنبي فاتح مضيفه
يطعم بحب الزچيه // يشبع الجايع رغيفه


🌿🌿🌿🌿🌿🌿🌿🌿🌿🌿


اندعو لله بصبرها
البلزهد گضت عمرها
يغفر ذنوب اشكثرها
وندخل الجنه اباثرها

الليله رحمتها چبيره // العاشت وماتت اميره
تختم بصك الشفاعه // والمحب واضح مصيره


🌴🌴🌴🌴🌴🌴🌴🌴🌴🌴

قليل البضاعه
كثير الاضاعه
راجي الشفاعه
فاضل الغريباوي


🍃🍃🍃🍃🍃🍃🍃🍃🍃🍃

اللهم انزل السرور علئ اهل القبور وبالخصوص اخيتي المرحومه الشاعره الطيبه ام كرار الطائي