_
لما تجي تقمعز ع كراسي عقلك وتبحت في حياتك، تلقى نفسك كنت ديما الطرف اللي يعطي، الشخص اللي يسامح وينسى، كنت سند وظهر وقدع طول الوقت، تلقى نفسك طول الوقت كنت تضحي وتعطي ومترجش في مقابل، الشيء الوحيد اللي كنت تبيه انه يثمر فيهم ويقعدو، تجي تفرج تلقى نفسك فالاخير بروحك وكل اللي كنت معاهم توا مش معاك، كل حد فيهم خذا شيء معين حلو فيك وعدا، كأنهم كل حد فيهم كان قاعد بطريقة معينه يطفي فيك، وفعلاً نجحو فالشيء هذا، لدرجة انك مش فارق معاك ولا شيء حتى نفسك، قعدت زاهد وطافي، وكل عيبك انك كنت كويس ديما بس .