Fikrat

Inson hayoti daraxtga o'xshaydi.
Daraxt ham avval ekiladi keyin esa o'sadi, chiroyli bo'lib yam-yashil bo'ladi, keyin meva beradi. Keyin sarg'ayadi.. Keyin esa sekin sekin barglari to'kila boshlaydi va cho'pga aylanadi.
Inson hayoti ham xuddi shunday. Avval tug'iladi, keyin katta bo'ladi, keyin farzandli bo'ladi, Keyin qarishni boshlaydi. Sekin-sekin kuchdan qoladi va vafot etadi.

"Bilingki, albatta, bu dunyo hayoti o'yin, ko'ngil ermagi va zeb-ziynatdan, o'zaro faxrlanishdan, mol-mulkni va bola-chaqani ko'paytirishdan iboratdir. Xuddi o'simligi dehqonlarni ajablantirgan yomg'irga o'xshaydir. Keyinroq bu o'simlik quriydir va sarg'ayganini ko'rasan. U so'ngra xas-cho'pga aylanib ketadir. Oxiratda esa qattiq azob bor, Allohdan mag'firat va rozilik bor. Bu dunyo hayoti g'ururga ketgazuvchi matodan o'zga hech narsa emas".

57:20

Allohim,
agarda Senga olib borsa, nasib qil. Seni unuttiruvchi narsalarni qayta-qayta so'rayverganim uchun meni kechir.

Amiyn..

Bu hafta harkuni 7 marotabadan shu zikrni o'qishni boshlaylik:

حَسْبِيَ اللَّهُ لاَ إِلَهَ اِلاَّ هُوَ عَلَيْهِ تَوَكَّلتُ وَهُوَ رَبُّ الْعَرْشِ الْعَظِيمِ.

O'qilishi:
Hasbiyallohu laa ilaha illa huva 'alayhi tavakkaltu va huva robbul 'arshil 'aziym.

Ma'nosi:
Alloh menga kifoya qiladi. Undan boshqa iloh yo'q. Unga tavakkal qildim. U ulug' arshning Robbidir.

Fazilati:
Abu Dardo roziyallohu anhudan rivoyat qilinadi:
Rasululloh sollallohu alayhi vasallam: "Kim har kuni tong otganida va kech kirganida (shu zikrni) yetti marta aytsa, uning dunyo va oxiratdagi muhim ishlarida Allohning o'zi kifoya qiladi", dedilar.

Ibn Sunniy rivoyati

Bir kishi aytadi:
Nasibsizlik nima bilasanmi?
Uying Ka'baning tagida bo'ladi lekin isming Abu Jahl bo'ladi..

Qo'lingizda shuncha narsa turib, sizda yo'q narsalarga e'tibor qaratmang. Siz qo'lingizdagilarga shukr qilingki, Alloh ne'matini ko'paytirsin.

•Va Robbingiz sizga: "Qasamki, agar shukr qilsangiz, albatta, sizga ziyoda qilurman. Agar kufr keltirsangiz, albatta, azobim shiddatlidir", deb bildirganini eslang.
14:7

•Ey Iymon keltirganlar! Sizlarga rizq qilib berganimiz pok narsalardan yenglar va Allohga shukr qilinglar.
2:172

•Va Alloh shukr qiluvchilarni mukofotlar.
3:144

Sabr:
Kasallikda Ayyub, hasratda Yoqub, zindonda Yusuf, olovda Ibrohim alayhissalomlar bo'lmoqdir.

Ertaga tavba qilishni, bugundan oson bo'ladi deb o'ylayotgan bo'lsang, adashasan.

G'azzoliy rohmatullohi alayh

"Kofirni musulmon qilishdan ko'ra,
musulmonni musulmon qilish qiyin." degan gap naqadar to'g'ri..

Chunki kofir kishi islom dinini bilmaydi, tushunmaydi. Ammo biz bir kofirga borib Allohning rahmatining kengligi haqida, bu dunyodagi barcha narsalar Allohnikiligi, agar Alloh taqiqlagan narsalardan uzoq turib, bizga buyurganlarini bajarsak va Allohni rozi qilsak, bizni Jannati bilan siylashi, Alloh bizning barcha dardlarmizni bilishi va duo qilsak ijobat qilishi haqida aytsak kofirlarni balki iymon keltirishiga vasila bo'la olamiz.

Ammo musulmon kishini musulmon qilishga keladigan bo'lsak bu ish biroz qiyin..
Musulmon kishini musulmon qilish nima degani?
O'zi musulmon lekin qilayotgan ishlari dinga to'g'ri kelmaydi. Masalan Alloh buyurgan farzlarni bajarmaydi. O'zini gunohlardan tiymaydi. Muxumi musulmonman deb vijdonini jim qiladi. Musulmon kishi yuqorida sanab o'tganlarimizni shundoq ham biladi, tushunadi. Biz u kishiga ularni aytganimiz bilan bizga bilishini pesh qiladi. Axir gap bilishda emas balki bilganlariga amal qilishda..
Hammamiz ham bilamiz ammo qanchamiz amal qilamiz?!

Alloh O'zi bizlarni bilganlariga amal qiladiganlardan qilsin.

Amiyn..

Fikrat

Men o'zimni gunohlarim bilan yolg'iz qoldirganimda,
Sen meni bu qorong'ulikda tashlab qo'yma Allohim.

Amiyn..

Fikrat

Ishlaring yaxshi ketmayotgan bo’lsa sadaqa qilish vaqting kelibdi.
Tibbiyotda yozmaydi, ammo sadaqa insonni tuzatadi. Iqtisodiyotda yozmaydi, ammo sadaqa baraka keltiradi. Xavfsizlik tizimida yo'q, ammo sadaqa yomonliklardan asraydi.