Ravshanbey Sultan

@fikrlaRS

Channel's geo and language: Turkey, Uzbek

Category: Art

GSu💙

Related channels | Similar channels

Channel's geo and language

Turkey, Uzbek

Ravshanbey Sultan

19 Oct, 19:58

Seni Osmonimga Olib Ketaman — Yulduz Usmonova

06:05

Baʼzan "ketsammi foydali" degan oʻylar oʻtadi-ku, lekin jurʼati yetmaydi, na “men bilan bir umrga qol” deb aytishga kuchi, har ikki holatda ham ojizlik hissi. Qalbida minglab savollar, armon va ogʻriqlar bilan yashayotgan insonning hikoyasi – yurakning tilsiz qichqirigʻi, sevgisi uchun qanday yoʻl tutishda ikkilanish azobi, bu qarama-qarshilik va chalkashlik qanchalik tanish?

Aynan qoʻshiqdagi kirish qismi singari, "Mening shodligimsan, bolaligimsan" — hayotning eng begʻubor va quvonchli davridek sof va xotirjam muhabbat. Lekin ortidan shoir (Muhammad Yusuf) "Mening gʻussam oʻzing, mening armonim" deydi, bu sevgining qanchalik ogʻriqli ekanligini taʼrifi. Sevgi faqat quvonch, tugalmas baxtdan iborat emas, balki koʻngilga botgan tikan misoli, azobli hamdir.

"Seni osmonimga olib ketaman" satrlaridagi osmon, erkinlik va cheksizlik, yangi umidlar, ehtimol qoʻshiqdagi soʻzlar kabi yerda ularga kun yoʻqdir.

969 0 21 38

Ravshanbey Sultan

16 Oct, 23:40

01:07

Video is unavailable for watching

Show in Telegram

2013-yilga oid tariximni bir qismi muhrlangan daftarni topib oldim tunda 😁 ulashmasam gunoh.

1.3k 0 1 10

Ravshanbey Sultan

9 Oct, 20:21

"Inson hayotida sodir boʻladigan eng buyuk baxtlardan biri – sevgan insoni bilan har qanday mavzu haqida suhbatlasha olishi. Baxtli onglardan tortib, eng ahamiyatsiz masalalarigacha u bilan boʻlishish – qalbingga huzur olib keladi. Shunday bir inson borki, uning borligini oʻzi har qanday qiyinchilikni yengishingda senga kuch beradi va bu – sevgidan ham ustun tuygʻu." ©

1.8k 0 14 44

Ravshanbey Sultan

9 Oct, 14:18

And I love her — The Beatles

02:31

Sevish va sevilish – qanchalar goʻzal tuygʻular. The Beatles qoʻshiqlariga eʼtibor bersak eng koʻp ishlatilgan soʻzlardan biri ham "sevgi"(love)dir. Har bir qoʻshigʻi bizda ajoyib his-tuygʻularni uygʻotsa-da, ular orasida eng taʼsirli, sevgan insoniga aytilishi mumkin boʻlgan cheksiz muhabbatni "And I Love Her" qoʻshigʻi bilan ifoda qilishgan nazarimda.

A love like ours
Could never die
As long as I
Have you near me

Ushbu satrlar orqali ular sevgini betakrorligini, oʻlmasligini ulugʻladilar. Agar haqiqiy sevgini his qilsang, nafaqat bir insonga, balki butun dunyoga ham tarqaladigan tuygʻu ekanini anglatmoqchi boʻlishada. Siz ham sevgi bilan goʻzallashgan holda, sevimli insoningiz bilan birga tinglashingizni tilab qolaman.

1.5k 0 12

Ravshanbey Sultan

30 Sep, 22:34

Tushim — Sevara Nazarkhan

04:13

Sog'inib so'zingni,
Tingladim, jonim.

1.3k 0 22 23

Ravshanbey Sultan

30 Sep, 10:56

01:02

Video is unavailable for watching

Show in Telegram

London vaqti bilan 13-yanvarga oʻtar kechasi yarim tunda bu qoʻshiq premyera qilinadi. Qiziq, kunini nima ahamiyati bor deyishingiz mumkin ammo butun maʼno shu sanada. Bu qoʻshiqchining sobiq eri Liam Xemsvortning tugʻilgan kuniga sovgʻa edi.

Milley qoʻshiqda koʻp narsani yashirganini keyinchalik Vogue jurnaliga bergan intervyusida oʻrgandim. Qoʻshiqda qanchalik kuchli koʻrinishga harakat qilmasin aslida unday emasligini, hatto naqarot soʻzlari umuman boshqacha boʻlganini ammo buni oʻzgartirganini eʼtirof qilgan ekan. (masalan kunimiz variantida oʻzini sevaolishini va erkakka ehtiyoji yoʻqligini kuylagan ammo aslida aksincha u oʻzini u sevganchalik sevmasligini va eriga juda ehtiyoji borligini bildirgan)

Qo‘shimcha, ayrilishlariga xiyonat sabab bo‘lgan. Klip birga yashagan Malibudagi yongʻin boʻlgan uyda suratga olingan. Kiyimlarigacha sobiq eri bilan yashagan davrdagi kiyimlardan foydalangan ekan.

Video klip: https://youtu.be/G7KNmW9a75Y?si=vMBnPXXIn_3Zvfe7

1.8k 0 11 11

Ravshanbey Sultan

28 Sep, 11:52

Sevgi va ayriliq hamda toksik munosabat : Billie Eilishning yangi klipi haqida.

Sanʼat har doim insonning ichki kechinmalarini ifoda etishning chuqur yoʻli boʻlib kelgan. Xususan, musiqiy videolar orqali sanʼatkorlar nafaqat qoʻshiqni, balki shu musiqaning ichidagi qahramonning hikoyasini ham koʻrsatib beradi. Billie Eilishning soʻnggi musiqiy kliplaridan biri ana shunday kuchli, his-tuygʻularga boy ramziy ifodalar bilan toʻyingan. Ushbu klipda bor yoʻgʻi bir qahramon koʻrinsada, shu qahramon orqali butun kechinmalarni mohirona koʻrsatib beraolgan.

Nosogʻlom sevgi va oqibatlari:

Qoʻshiq soʻzlarini boshlangʻich qismi sof sevgi bilan boshlansada, oʻrtalaridan ayriliq va sogʻlom boʻlmagan munosabat ifodalangan. Klipda har tomonga sudralayotgan, ammo uni tortayotgan kimsa koʻrinmasada, ushbu tasvirlardan yoʻqotilgan sevgini, oʻtmishda qolgan munosabatlarning taʼsiri hayotiga qanchalik taʼsir qilayotganini sezamiz.

Sevgi insonni shunchalik oʻziga bogʻlaydiki, u tark etgan boʻlsa ham, taʼsiri hali uzoq vaqtgacha yoʻqolmasligi mumkin *qoʻshiqda kechgani kabi balki qabrgacha. Ayriliqning ogʻriqli koʻrinishi koʻpincha ichki kurashlarni davom ettiradi, ming u inson hayotingizga zarar bergan boʻlsada ammo sevgining kuchi bu jarayondan xalos boʻlishga imkon bermaydi. Klipda bu holat koʻrinmas kuch orqali ochib berishga harakat qilingan.

Inson sevgidan koʻr boʻlib, oʻz nazoratini yoʻqotishi, hayotini boshqaruvini izdan chiqaradigan darajada tobe boʻlib qolishi mumkin. Bu ramziy ifoda insonning ichki kurashlarini, hayotidagi muvozanatni saqlay olmasligini misoli. Musiqiy kliplar orqali bunday kuchli ifodalar va tasvirlar yaratish sanʼatning eng yuksak nuqtasi boʻlib, bizni his-tuygʻularimizni qayta soʻroqlashga va bunday munosabatlarning zararlarini oʻylashga undaydi.

Video klip: https://youtu.be/V9PVRfjEBTI?si=2lyuxyMkTtzCTBM6

1.7k 0 6 13

Ravshanbey Sultan

23 Sep, 20:07

Diet Mountain Dew (Demo) — Lana Del Rey

03:38

Del Rey 2011-yilning 30-noyabri Kanadaning Toronto shahridagi sahnalardan birida bu qoʻshiqni kuylashdan avval tomoshabinlarni tinchlantirib, shunday dedi: “Sahnada bu qoʻshiqni kuylashni istamayman, lekin bugun istisno boʻladi... Agar bu qoʻshiqni tanqid qilsangiz, sizlarni oʻldiraman”.

Shundan keyin u bu qoʻshiqni 5 yildan ortiq kuylamaydi, orada turli variantdagi demo versiyalari tarqab ketadi. Fikrimcha kuz uchun ideal taronalardan biri, ushbu talqin esa nazarimda studio variantidan-da goʻzal chiqqan.

940 0 29 15

Ravshanbey Sultan

23 Sep, 18:46

Hayot simfoniyasi.

846 0 5 5

Ravshanbey Sultan

17 Sep, 20:14

A. Piazzolla. Libertango — TopSaverBot

04:55

Muqaddima qismidagi pianino ikki sevishgan oʻrtasidagi begʻubor va sokin boshlangʻichga oʻxshaydi, hali boshlanmagan muammolar, goʻzal suhbatlar va tortishuvlarsiz kechgan kechalar. Keskinlik va kelishmovchiliklar skripka qismidan egallaydi. Va orkestrni qoʻshilishi ayriliq qarori bilan tugaydi. Bandoneon (garmonga oʻxshash musiqiy asbob) qo‘shilishi, sogʻinch, iztirob va afsus. Bandoneon sadosi bilan oshiqning xotirasidagi kechinmalar yanada junbishga kelayotgandek go‘yo, har bir xotiralari ketma-ketligini yanada yorqinroq eslanadi; Lekin endi ortga qaytish ilojsiz, asar intiholab borgani sari bu azob kuchayib boradi. Chunki xotiralarni vazifasi ham aslida shunday emasmi?

Video

924 0 18 12

Ravshanbey Sultan

20 Mar, 02:14

Bir film haqida.
https://telegra.ph/Xotiralarni-ochirish-muammoning-yechimimi-03-19

Xotiralarni o‘chirish muammoning yechimimi?

Insonni biz unutuvchan deb taʼriflaymiz ammo aksar xotiralar harakat qilsak ham yodimizdan oʻchmaydi. Albatta har kimni hayotida yashashdan bezdiradigan hodisa va insonlar uchragan boʻlishi mumkin. Baʼzida odam shu qadar tushkunlikka tushadiki, u "bu hodisalar hech qachon boʻlmasa baxtliroq boʻlarmi...

7.5k 0 22 33

Ravshanbey Sultan

13 Mar, 20:58

Call Out My Name — The Weeknd

03:44

Bir qoʻshiq tarixi.
Balki bu qoʻshiq tarixini bilarsiz balki yoʻq, bugun shu qoʻshiqqa qisqacha toʻxtalaman. Qoʻshiq 2018-yil The Weeknd, Selena Gomesdan ayrilganlaridan keyin yaralgan. Baʼzilar oddiy qoʻshiq deb oʻtar lekin bu bir insonni ayriliqdan keyingi kechinmalari haqida.

Qoʻshiqni boshlari:
"But falling for you was my mistake"
(Ammo seni sevishim xatoim edi) deb boshlanadi, sababi Selena ayrilib ayrilmas undanda eski sevgilisi Justin bilan yana birga boʻlib oladi. Mediada ko‘z-ko‘z qiladi. Ayriliqlariga ham arzimas sababni bahona qilgan.

"I almost cut a piece of myself for your life"
(Yashashing uchun tanamdan bir parcha berishga tayyor edim) oʻsha paytlari Gomesni buyrak operatsiyasiga ham ishora qilgan. Yaʼni buyragini berishga tayyor edi.

"You just wasted my time"
(Vaqtimni oʻgʻirlading) Manimcha ayriliq sanʼatkorni yanada tobladi, bizga shunday ajoyib qoʻshiqlarni tuhfa etdi. Undan keyingi ijodi yanada sermahsul boʻldi. Yutqazgani qoʻshiqda kechgani kabi vaqti boʻldi.

3.1k 0 23 22

Ravshanbey Sultan

13 Mar, 12:26

10:33

Video is unavailable for watching

Show in Telegram

"War is over!" (Urush tugadi!) Bir necha kun avval oʻtqazilgan Oscar mukofotida "Eng yaxshi qisqa metrajli animatsion film" nominatsiyasi gʻolibi. 11 daqiqalik qisqa film, Jon Lennon va Yoko Ononing ayni nomdagi qoʻshigʻidan ilhonlanilgan.

Eʼtiborimni tortgani filmda foydalanilgan ovozlar haqiqiy urishlardan yozib olingan ovozlardan foydalanilgani, qurol tovushlaridan tortib hatto portlash sahnalaridagi ovozlar ham to‘liqligicha haqiqiy.

Shuningdek yana bir reallik, animatsiya jarayonidan avval haqiqiy aktyorlar tomonidan suratga olinib keyinchalik ularning harakatlari toʻliqligicha kompyuter grafikasi uchun foydalanilgan ekan. (buni film davomida sezish mumkin)

6.1k 0 64 1

Ravshanbey Sultan

12 Mar, 15:25

Sódade — Cesária Evora

03:43

Besame Mucho — Cesária Evora

04:53

Petit Pays — Cesária Evora

03:46

1.9k 0 16 24

Ravshanbey Sultan

12 Mar, 15:09

Har safar uning kuygan va gʻamgin ovozida yaratilgan qoʻshiqlarni eshitganimda hayratga tushaman, soch tolalarimgacha his qiladi. Bugun dunyoga "Yalangoyoq maʼbuda" nomi bilan tanilgan ayol bilan sizni tanishtiraman.

Bu xonandani qachon taniganimni aniq eslayolmayman, ammo har safar qoʻshiqlarini eshitganimda xuddi birinchi tinglaganimdagi kabi hislarga choʻmaman. Keyinroq bildimki, uning qoʻshiqlarini eshitib ichimda his qilganim qaygʻu aslida manga tegishli bo‘lmagan ekan.

Umrining koʻp qismi dard bilan oʻtgan, qaygʻusini qoʻshiqlarida chindan aks ettirgan, 47 yoshdan keyin chinakam mashhur boʻlib, keyinchalik koʻplab muvaffaqiyatga erishgan boʻlsa-da, hech qachon oʻzligini, tugʻilgan maskanini va urf-odatlaridan voz kechmagan ekan.

Bir intervyuda u shunday dedi: "Qoʻshiq aytsam, roʻparamda dehqon oʻtiradimi yo AQSh prezidenti yoki katta konsert zalida boʻladimi, yalangoyoq holda kuylayman. Men yashayotgan orolda hamma yalangoyoq yuradi, shuning uchunmi oʻzimni shundayligicha qulay his qilaman. Agar oyoq kiyimlarsiz umr kechirgan boʻlsangiz, poyabzal kiyganingizda erkinligingiz cheklangandek tuyuladi." Yana u bu ishni vatandoshlarining qashshoqligiga ramziy ishora sifatida qilgani ham aytiladi.

Afrikaning mustamlaka orollaridan birida tugʻilgan, 7 yoshida otasidan ayriladi, koʻp oʻtmay onasi uni bolalar uyiga topshiradi. Shu zayilda hayot begʻubor qizaloq uchun shafqatsiz qamoqxonaga aylanadi. Keyinchalik ulgʻayib mamlakatini tark etishga majbur boʻladi, shunda ham bir necha 10 yillab hayoti juda qiyinchilikda kechgan, toki undagi isteʼdodni kashf qilishmagunigacha.

2.2k 0 5

Ravshanbey Sultan

12 Mar, 12:51

00:15

Video is unavailable for watching

Show in Telegram

Bugun bomdod vaqti masjidga chiqdim, namozdan keyin ham biroz kuzatdim rostdan boshqacha fayzi boʻladi tongda masjidni ham koʻchalarni ham, kayfiyatga ham ijobiy taʼsir qiladi. Ramazon oyini boshlangʻichlari boʻlsada bir necha nuroniylardan boshqa kimsa yoʻq.

Yoshlardan bitta oʻzim edim, oʻrta yoshlisi ham yoʻq. Kelganlarni aksari ham maxsus oʻtiradigan vositalari yordamida namoz qilishdi. Vaholanki bu masjid Istanbulni markazlaridan birida joylashgan eng koʻrkam va buyuk masjidlaridan biri. Turkiyani masjidi juda koʻp lekin ichi boʻm-boʻsh.

Insonlar bilan istar-istamas bu mavzularda muloqot qilaman, aksari dindan soviganini sabab qilshadi. Bizdagi rijollar Erdoʻgʻanni sal kam ilohiylashtirishsada Turkiyada aksincha din dushmanidak qarashadi unga. Uni 20 yillik hokimiyat davrida dindan qaytish keskin oshgan.

4.8k 0 10 28

Ravshanbey Sultan

11 Mar, 20:00

Love Is a Bitch — Two Feet

03:01

Shunchaki eslatma: Ushbu musiqani his qilish uchun, yaxshi ovoz tizimi yoki sifatli quloqchinda tinglang.

1.9k 0 35 34

Ravshanbey Sultan

10 Mar, 11:15

Senga — Rashid Holiqov

05:23

Kecha tunda kashf qildim, ona-tilimiz na qadar goʻzalligi, qoʻshiq sheʼrini har bir qatorida chuqur maʼno mujassamligini his qilish mumkin. "Dardim boʻlgin" bu soʻzni xorijiy tillardan istalganiga tarjima qilsangiz oʻzidek yetkazib berolmaysiz hatto erish tuyuladi. Ammo shu ikki soʻz bir dunyo maʼnoni oʻziga sigʻdira oladi tilimizda.

1.7k 0 15 28

Ravshanbey Sultan

9 Mar, 13:14

Istanbulda kecha ajoyib atmosfera hukmron edi, katta market va gul sotadiganlarni oldida maxsus gul uchun yer ajratildi, ehtiyojmandlar olishi uchun tekinga gul qoʻyishdi. Masalan siz sotib olib u yerga qoʻyib qoʻyasiz, xohlagan oladi. Hech kimni ishi yoʻq, hamma xursand va rozi.

Biroz kuzatdim, asosan ayollar sotib olib u yerga qoʻyib qoʻyishardi, rostdan turk ayollarini bir-birini qoʻllab-quvvatlashiga havas qilaman. Biznikilarni aksari bir-birini koʻrolmaydi.

Shu "ayolni" yozganini koshki oʻqimasaydim, agar oʻrnida boʻlsam oʻzimda boʻlmasa, sotib olib boʻlsa ham berardim u erkakka, har qanaqa turk ayoli shunday qilardi yana deb oʻylayman. Erkak qurol, yo sigaret soʻramabdi, shunchaki gul soʻrabdi. Bir-biringizdan mehrni ayamang.