FIRDAVS_NZ

Mafkurasiz davlat misoli bir yelkansiz kema kabidir!

Mafkura nima? U nega kerak? Mafkura hayotda shunchalar muhim tushunchami? Ushbu savollarga o'z shaxsiy qarashlarim bilan javob berishga harakat qilaman.

- Mafkura bu ma'lum bir jamiyatning yoki davlatning g'oyaviy yo'nalishlarini o'z ichiga olgan tizimdir. Bu tizim har bir nuqtada zarur tushuncha hisoblanadi. Ya'ni oddiy maktab o'quvchilaridan tashkil topgan bir sinfni ham o'ziga xos mafkura bilan tarbiyalasa bo'ladi. Tushunarli qilib aytganda, muayyan diniy, falsafiy va ilmiy qarashlar bilan yaratilgan, vazifasi birlashtirish, harakatlantirish, himoyalashni o'z ichiga olgan tushunchadir.

Kichik oilani misol qilaylik! Har bir ota-ona o'z farzandlarini tarbiyalashda o'ziga xos yo'llarni tanlaydi, ularning kelajagi haqida qayg'uradi, yo'llarini tanlashda yordamlarini ayashmaydi. Oiladagi muhitga qarab bola ulg'ayadi... Agar to'g'ri yo'naltirilgan bo'lsa muvaffaqiyatga erishib o'z yo'lida davom etadi, noto'g'ri bo'lsa esa buning teskarisi bo'lishi ehtimoli yuqoridir!

Davlatni katta oila deb qarasak uning mafkurasi ham yuqoridagi ketma-ketlikda ishlaydi. Agar davlat xalqi uchun milliy mafkura siyosatini qancha mukammal ishlab chiqqan bo'lsa, shunchalik tez ravishda ulkan marralarni zabt etadi. Chunki bunday davlatlarda nafaqat amaldorlar yurt ravnaqiga xizmat qilishadi balki oddiy xalq ham o'zlarining ma'lum bir hissasini qo'shib turadilar. Ya'ni hamma o'z ishi, majburiyati, huquqi, burchlarini kerakli vaqtida talab qiladi, bajaradi.

Mafkura bo'lmasa-chi? Inson, guruh, jamiyat, davlatda mafkura bo'lmasa, ular orasida birlik, harakat, mafkuraviy hujumdan himoya tushunchalari bo'lmaydi.
Buning oqibatida esa,
- orasida birlik bo'lmaganligi sababli sotqinlar, faqat o'zini o'ylaydiganlarning ko'payishi;
- harakat bo'lmasligi maqsadga erisha olmaslik yoki unga eltadigan yo'lda depsinib qolishga;
- mafkuraviy hujumdan himoyaning yo'qligi turli xil guruhbozlik, ichki kurashlar va tinchlikka xavf tug'diruvchi omillarni shakllanishiga olib keladi.

Men, nega ''mafkurasiz davlatni yelkansiz kemaga'' o'xshatganimni sharhlashga urinib ko'rdim. Izohlarda siz ham o'z fikrlaringizni qoldiring.

Kanal linki👉@Firdavs_NZ

Assalomu alaykum va rahmatulloh, kanal egasi sifatida avval o'zimni tanishtirib o'tay!

Men Norboyev Firdavs Zafarovich - 1999-yil Samarqand viloyati Paxtachi tumanida tavallud topganman. Boshlang'ich ta'limni qishlog'imda, O'rta ta'limni Samarqand Huquqshunoslik kollejida (hozir Yuridik texnikumi), Oliy ta'limni esa Samarqand davlat universitetining tarix fakulteti 4-bosqichida davom ettirmoqdaman.

Maqsadlarim talaygina... Tarixni xususan, Vatanimiz tarixini iloji boricha o'rganib, tahlil qilib nima bo'lsa borini siz bilan bo'lishishga bel bog'laganman. Tarixchi xuddi tanga kabi bo'lishi, ma'lumotlarni har tomondan o'rganishi lozimligi, hissiyotlardan yiroqda turishi kerakligini bilgan holda yurtimizda yuz berayotgan voqea-hodisalarga o'z shaxsiy qarashlarimni ushbu kanalimda siz bilan bo'lishib turaman.

Fikr va qarashlarim shaxsiy bo'lganligi sababli kimgadir yoqishi yoki yoqmasligi mumkin. Bu uchun oldindan uzr so'rab qolaman va siz orqali o'z bo'shliqlarimni to'ldirib boraman degan umiddaman!

Kanal linki👉@Firdavs_NZ