አንተኮ አታውቅም!


አንተ እኮ አታውቅም...
አይኔ ሲፈልግህ ከሰው መሀል
ከእይታዎቼ ገለል ብለህ ስትጎል..
ከእልፍ ወላጅ መሀል እናቱን እንዳጣ
ጥፋትን አጥፍቶ ልክ እንደተቆጣ
እንደጨቅላ ህፃን ዳዴ እንደሚቆጥር
ፈልጎ ሲያጣህም እምባ እንደሚቋጥር...

አንተኮ አትሰማም
በቀትር በውድቅት በየቀን በመአልቱ 
ስምክን እያነሳው እንደዋልኩ ለስንቱ
ካፌ ቃል ሳይወጣ እንደሚታገለኝ
ልቤ ስንቴ አምጭው ናፈቀኝ እንዳለኝ!

አንተኮ አታይም...
ባካል ሳንራራቅ ገና ሳንለያይ
ከጎኔ ተቀምጠህ ልቤ እንደሚሰቃይ
አይኖችህ ሳያዩኝ ስንቴ እንዳማተርኩህ
በልቤ ዙፋን ላይ ሾሜ እንዳነገስኩህ
ሳላወራህ ስውል ፍቅሬን እንደሚያመኝ
ድምፅህን ስሰማ ሳቅ እንደሚቀድመኝ
ሳላገኝህ ስቀር ነፍሴ እንደምትቆዝም
በድምፅህ መለከፍ እድሜ እንደሚያረዝም
ኩሩው ማንነቴን እንደገደልኩልህ
ከራሴ እያኮረፍኩ ስንቴ እንደሞትኩልህ
ከአንደበትህ ዘር ላይ ፍቅር እንደምለቅም
አንተኮ አታውቅም!...


                                                        ኤልሳ[FB]

👉👉@fkerofficial