لما الإنسان بيفقد نعمة ما كان حاسس فيها ولا مقدّرها لفترة معينة وبترجعلو..بتتخربط كل مبادئو وأولوياتو..حتى أنو بيصير مثال للآخرين..على فرض أنو ليك فلان كيف ما كان فيه شي وفجأة هيك صار
ف لا عد تكترث لكل شي
وفعلاً هيك لازم نفكر..الحياة ممكن ب لحظة تسلب كل شي منملكو الشي اللي منخاف نخسرو أو لأ..لما بيضيع مننا بيصير غالي
هيك طبيعة الإنسان ما بيحس بنعمة الشيء ليفقدو..
المرض بكل أنواعو وبكل درجاتو عدا عن أنو اختبار صبر أو تكفير ذنوب أو ثواب
هوي اختبار لعلاقاتنا..بوقتا بالذات بتدوب كل مثاليات العلاقات اللي كنت بانيها وببين فعلاً مين مهتم لأمرك ومين لا
مين بيتطمن عنك باليوم كذا مرة..مين بيقلك إذا أنت بخير أنا بخير
مين بيبكي إذا سمع صوتك تعبان
مين فور سماعو أنك مو على ما يرام ضب حالو واجا لعندك يتطمن
الشدائد خلقت لنعرف قيمتنا عند الآخرين..للغربلة بمعنى آخر
اختاروا صح