ကြာတော့သည်လည်း မောင့်စကား

-ဂျူး

one of my favourite authors ဆရာမဂျူးရဲ့ ဝတ္ထုတစ်ပုဒ်၊ 'ကြာတော့သည်လည်း မောင့်စကား'။ စဖတ်ဖူးတာက ၁၀ တန်းတက်နေချိန်ကပေါ့။ ပြန်ပြန်ဖတ်မိတာ ၄ ခါ ရှိသွားပြီ။ ဒီဝတ္ထုကို ပြန်ရိုက်ထားတဲ့ ဇာတ်ကား ၂ ခုလုံး ကြည့်ဖူးပေမယ့် ဝတ္ထုလောက်တော့မကြိုက်ခဲ့ပါဘူး။

ဖြစ်လေ့ဖြစ်ထရှိတဲ့အတိုင်း သူငယ်ချင်းတွေကြားက အချစ်သံယောဇဉ်ကို ဇာတ်အိမ်တည်ထားပေမယ့် သာမန်ချစ်ကြိုက်ညားဇာတ်လမ်းမျိုးတော့ လုံးဝမဟုတ်ပါဘူး။ ရသအစုံပါပြီး စာဖတ်သူကို အဆုံးထိဆွဲခေါ်သွားနိုင်တဲ့ အကြောင်းအရာတွေနဲ့၊ ဖတ်နေရင်း ဇာတ်ကောင်တွေကိုမချင့်မရဲဖြစ်ရတာမျိုးတွေ၊ သူ့နေရာမှာ ငါသာဆိုဘာလုပ်မလဲ တွေးမိတာမျိုးတွေအထိ ဖြစ်စေတဲ့စာအုပ်ကောင်းတစ်အုပ်ပါ။

ကိုယ်ပိုင်ခံစားချက်အရ နန္ဒဆိုတဲ့ ဇာတ်ကောင်ကို အရမ်းကြိုက်တယ်။ စာအုပ်ကို၄ခါလောက်ဖတ်ပြီးသွားတာတောင် တကယ်စိတ်ထဲစွဲစွဲလမ်းလမ်းပဲ။ ဒါပေမယ့် နန္ဒက အတ္တကြီးတဲ့လူစားမျိုး။ကိုယ့်ကိုကိုယ်ယုံကြည်မှုအပြည့်ရှိတယ်။ လိုချင်တာကိုမရရအောင်ကြိုးစားယူတယ်။ ဖြိုးကျော်ကိုတော့သနားလည်းသနားတယ်။ မချင့်မရဲလည်းဖြစ်တယ်။ သူငယ်ငယ်ကတည်းက အရိပ်တကြည့်ကြည့်နဲ့ချစ်လာတဲ့ မိန်းကလေးကို သူ့ထက်သာတဲ့သူနဲ့မှထိုက်တန်တယ် လို့ပဲ စိတ်ထဲမှတ်ထားရှာတယ်။ နောက် တင်တင်ဇော်။ တကယ်တော့ တင်တင်ဇော်ကလည်း သနားဖို့ကောင်းပါတယ်။ သူဘာဖြစ်ချင်မှန်း သူကိုယ်တိုင်မသိဘူး။ ဘာလိုချင်မှန်းလည်းတိတိကျကျမသိဘူး။ ဆုံးဖြတ်ချက်ကို ပြတ်ပြတ်သားသားမချနိုင်ဘူး။ ဇာတ်ကောင် ၃ ယောက်လုံးရဲ့ အနေအထားတွေက တစ်ယောက်တစ်မျိုးစိတ်ဝင်စားစရာကောင်းတာချည်းပါပဲ။ ပြီး ဒီဝတ္ထုမှာက ၁၅၀၀ အချစ်တင်မကဘူး။ ၅၂၈ မေတ္တာတွေရော၊ သူငယ်ချင်းတွေ၊မိသားစုတွေကြားက မေတ္တာတရားတွေရောပါ လှလှပပထည့်ရေးထားတာ။

ဆရာမဂျူးရဲ့ အရေးအသားနဲ့ပါပေါင်းလိုက်တော့ ဒီဝတ္ထုကလည်း သာမန်အချစ်ဝတ္ထုပါဆိုတာထက်ပိုတဲ့ စာအုပ်ကောင်းတစ်ပုဒ်ဖြစ်လာတာပေါ့။ အဲ့တော့ ဒီစာအုပ်ကို မဖတ်ဖူးသေးရင် သေချာပေါက်ဖတ်ကြည့်သင့်တဲ့ စာအုပ်ပါလို့ ပြောချင်ပါတယ်။


စာအုပ်ဖတ်ရန်
https://t.me/bookforyou8500/3434