آآخ ع ريحة البخورة لمّا تعَبّي البيت ... بتحس في سَكينة ما إلها مثيل ، كأنو في شي عم يطبطب ع روحك من جوا .
لمّا بتحط الجمر ، و تبدأ ريحة العود تطلع شوي شوي ، بتحس إنو كل التعب تبع النهار عم يتبخّر مع هالدخان الطيّب.

ريحة البخورة مو بس طيب ، هي حنيّة أم ، و صوت جدّة عم تقرأ قرآن قبل ما ننام ، هي ضحكة عفويّة ببيت مليان حُب .

البخورة بتفوت عالقلب متل نسمة البحر بآخر الصيف .. باردة ، ناعمة ، فيها شي بيهدّي الرُّوح
بتحس إنك راجع ع حضن كبير ، حضن دافي ، ما بيعرف الغدر ولا الوجع

و لمّا ضيف بيجينا ، أول شي منعمله من قلبنا ..
منولّع البخورة ، لأنّو هيك ربّونا ، إنّو الطيّب يليق بالناس الطيّبة ، و الريحة الحلوة بتقول لحالها :
" أهلاً و سهلاً فيك "

و بين متتنا و بخورتنا ؛ في قصة ما بتنحكي ، بس بتنشاف و بتنشم ، و بتضل بالقلب سنين طويلة🔥💚

#جمعة مباركة💚