ياشين الشعور اللي مايشرحه وزن وقاف
ماتشرحه غير الدمعه اللي من أعماقي
أنا أعاني من الوحده وقِلّة الأنصاف
وأعاني من أشياء فاتت تضيّق أخلاقي
وزهرة شبابيّ ذابله والعمر طواف
لا ماتت ماهيب تبيح من حضرة الساقي
يمّر الكلام اللي من الشامت الجحّاف
مرور الخريف اللي معه تسقط أوراقي
يبي يكسر المجداف ؟ من قال لي مجداف!
أنا لي سنة يا دوبّه يشيلني ساقي
بديت أزهد بدنياي واللي يضاف يضاف
ولا ظنتي بـ أشقى كثر مانيب شاقي
تعدّيت مرحلة التحسف على اللي طاف
أنا هالسنة صرت أتحسّف على الباقي
ماغير أرجع لطاري وذكرى تركت خلاف
ولو خوّة الذكرى مهي خوّة شلاقي
هنا اخر لقاء وأول محطات الاستنزاف
مكانٍ كراسيّه تسولف عن أشواقي
عطيته سنين وقلب وأبيات ماتنعاف
ورجع لي أبياتي ولا رجع الباقي !
أنا بأخر أيامه سمعت الكلام الجاف
وكذبّت سمعي لوّ تشهد له أحداقي
وبعد مانطق في تالي الليل أسمي حاف
عرفت أنه العربون في ليلة فراقي