سود العيون او ذا عقيقٍ يماني
بثلج المحاجر في شتاء ليل الأهداب
قد سلهمت لي ثم فقدت أتزاني
وأنا الرزين اللي عن الحب قد تاب
وكانّها عثاكيلٍ من الزعفراني
جديلةٍ كان الشفق وسطها ذاب
وأن مالمست أطرافها ماهناني
زادٍ ولا ماء نفحت سحر الأطياب
ولبيه ياذا البارق اللي شعاني
نبته مواعيد وغثى سيله عتاب
يشعق مع البرقع ليالي زماني
وأخيله وأذّبله كل مرقاب
وأنعت هلي ما ذا المكان بمكاني
شدوا بنا يا مال قطاع الإطناب
وأنا يا نود هبيني تجنن جناني
وهاتي من أطلاله ولو عج وتراب
وباخذ زمانين ولا أنفض ثباني
وأعيش من باقي الاناويد هياب
وأنا من اللي في جهنم رماني
والماء قريب وجمر شفتك لهاب
غر السحايب قطرها ما شفاني
مايشفي إلا رشف عذبات الأنياب
خايف على أسمك يافقيدة لساني
لا ينهبه من بين الأضلاع نهاب
وأفرح إلى الطارش بعلمك لفاني
فرحة صويبٍ نوخت عنده ركاب
قد أيس وقال أخر العمر فاني
وقد حافه الذيب وحجل عند غراب
ومروه أهل جهنٍ دقاق المثاني
تداركوه خلاف ربعه والأجناب
والله جعله عقب ضيقٍ فهاني
وترادفوه اللي خفيفين الإسلام