يحيدر باب دارك شابه بنار

____________________
يحيدر واصل الدخان للزهره
الهوا بريج الزچيه كلي شيمره
علي احلامك اعله الكاع مطشره
جرح كلبك بعد دوم مايبره
____________________
الحزن خاواك چنه وموش خطار
____________________

يحيلك چان ياحيل شيرده
يخاف السهم لو راد يتعده
يجي طاغي بعصر باب ويهده
يحيلك ماي ع الگاع واتبده
____________________
كسر فاطم بضلعك صار واندار
____________________
يوسفه الچان فرار بالحومه
تجيك مهاجم الدار اعلومه
يسيفك حيل عطشان لدمومه
بوصيه لاچن ايديك محكومه
____________________
يحيف بغمده نام الچان بتار
____________________
يقالع باب خيبر بچفوفك
ثلاثه وحيل تنهاب حروفك
وليد الكعبه واتجيك واتطوفك
صبح بس محسن ونار بطيوفك
____________________
تزيد بندبتك والعين ع الثار
____________________
تعرف الثار مضموم للقائم
يحاسب بيده باجر كل ضالم
والي رضه عنهم والماهم
ويرد الضلع والخد اي سالم
____________________
تراوي السطر خدها.الشي الماصار
____________________


طالب الصالحي