أغرب حاجة صدمتني في البشر ، إنهم يقدروا يجتمعوا على كسر شخص ، وهما عارفين كويس إنه يوم من الأيام كان أكثر واحد يتمنالهم الخير كنت نحساب إن المحبة تخلق ضمير ، لكن اكتشفت إنها مرات تعميك علئ حقيقة الناس ، تعطيهم من قلبك ، وهما يتعلموا من وين يطعنوه ، الغدر عمره ما كان قوة ، هو مجرد اعتراف صامت بأنهم عجزوا يواجهوك بصدق ، فاختاروا يواجهوك بالأذى ، والمؤلم مش إنهم خذلوني ، المؤلم إنهم كانوا يشوفوا ثقتي فيهم ، ويستعملوها كَـ سلاح ضدي ، كانوا يعرفوا شنو يوجعني ، لأني اني اللي علمتهم طريق قلبي ، لكن الحياة عندها عدالة غريبة ، ما تعاقبش بسرعة ، تخلي الإنسان يعيش مطمئن وهو يحساب إنه اموره تمام ، لين يجي يوم يذوق فيه نفس الشعور ، ويفهم ان القلوب المكسورة ما يضيعش حقها عند رب العالمين ، ومن يومها بطلت نزعل على اللي خسروني ، وبديت نستغرب كيف قدروا يخسروا شخص كان يحبهم بصدق ، ويربحوا ذنب ، يرافقهم طول العمر .