* افكار للمواظبة على سورة البقرة يوميا *

طبعا مش سهل ان فيه حد يواظب ع سورة البقرة كل يوم .. بس فيه ناس ماشاء الله بدأت تعملها كتير ومستمرة الحمد لله
مبدئيا كدا لأي حد هيكون مبتدئ فيها بإذن الله ..

* اول فكرة
ممكن تقسمها على ٣ ايام لحد ما تقدر تقرأها كل يوم كاملة باستمرار بعون الله

* تاني فكرة
ممكن بعد كل صلاة من الفروض تقرأ ١٠ صفحات فيها وبكدا تبقى مواظبة ع صلاة الفروض وف نفس الوقت السورة اتقسمت ع اليوم من غير ما نحس ونبقى ضربنا عصفورين بحجر

* تالت فكرة
ممكن بعد كل صلاة من الفروض تقرأ ٨ صفحات و٨ كمان بعد قيام الليل او مع القيام وبكدة بردو السورة اتقسمت ع اليوم من غير ما نحس ونبقى ضربنا ٣ عصافير بحجر واحد

* رابع فكرة
ممكن نقرأها عشوائي مثلا لما نكون ف مواصلات او واحنا قاعدين ف البيت مش بنعمل حاجة او ف الشغل وهكذا يعني وبرضو هتبقى اتقسمت ع اليوم من غير مت نحس وخصوصا ان اغلبنا ف اجازة الفترة دي ..

* خامس فكرة
ممكن تفضي ساعة واحدة بس من يومك سواء بالليل او النهار ويُفضل تكون في الثُلث الاخير من الليل وتقسمها على ٣ مرات كل ١٠٠ اية نفصل بينهم شوية بالاستغفار مثلا ١٠ مرات بصيغة (سيد الاستغفار) او الصلاة ع النبي بصيغة (الصلاة الإبراهيمية)

* سادس فكرة
ممكن بعد كل ١٠ صفحات نفصل بينهم بالدعاء والذكر لله
........................

طب وايه فايدة المواظبة ع قراية سورة البقرة يوميا ؟
بسيطة اووووي يا سيدي
مبدئياً كدا هتشووف العجب ف حياتك والله ومش كلام وعن تجربة

* اول حاجة
لو دايما قلقان من اي حاجة تحصل او هتحصل ف المستقبل وده بيكون غصب عننا كلنا بيكون عندنا الشعور ده بيتبدل شعور القلق ده باطمئنان فوق الخياااال والله

* تاني حاجة
لو قلبك متعلق بأي حاجة دنيوية غصب عننا برضو .. بمواظبتك عليها قلبك هيبقى متعلق بالله وحده لا غير

* تالت حاجة
بتدفع عنك الشيطان ووساوس الشيطان وبتكون مُحصّن من اي أذى سواء سحر او حسد او مرض حتى

* رابع حاجة
ربنا هينور بصيرتك ويخليك تشوف كل حاجة بإحساسك ف اي موضوع شاغل تفكيرك وازاي تتعامل معاه بطريقة صحيحة

* خامس حاجة
لو مخنوق وفتحت المصحف عشان تقرأ فيها فجأة هتلاقي جبل هموم وانزاح من ع صدرك والله ومش كلام وخلاص ده بجد

* سادس حاجة
هتلاقي استجابة لدعائك بشكل سريع جدااااا جداااا ويقينك بربنا هيزيد اووي
وعن تجربة ع فكرة حصلت معايا شخصيا مرة واتنين وفي انتظار التالتة

* سابع حاجة
بتخلي الرزق يكون اوسع بشكل رهييييييب جدا .. لدرجة انك ممكن تكون فيه حاجة نفسك فيها من غير ما تدعي بيها حتى وفجأة تلاقيها بين ايديك من حيث لا تدري كدا

* تامن حاجة
هتخليك عندك شوق اصلا في إنك تزود عباداتك وطاعتك لربنا بأي شكل من الاشكال سواء بقى صدقة/ذكر/جبران خواطر وغيرهم ..

طب يعني اشمعنا سورة البقرة بالذات وايه السر فيها ؟!
حلوووو ده .. اجابة سؤالك اهي يا سيدي

الرسول الصادق الأمين يقول عن سورة البقرة ..
أخذُها بركة وتركها حسرة ولا يستطيعها البطله "السحرة"
يعني قراءتها وحفظها والعناية بها ستُعطيك بركة
في أهلك ومالك وولدك وجسدك وروحك

تكرار قراءة سورة البقرة يجلب للعبد خيرات لا حصر لها -
ويدفع عنه شروراً لا علمَ لهُ بها - وفيها منافع لا يستغني العاقل عنها

- إذا كانت أوجاع العيون والحسد والسحر في جسد الإنسان
( كالصخرة ) فإن تكرار سورة البقرة هي المِطرقه لألمك
( تنكسر ، تضمحّل ، تتلاشى )

- قراءة سورة البقرة عسيره في بدايتها لأن الشيطان يعلم علم
اليقين عظيم نفعها فلا يريد لك قطف ثمارها ، wink emoticon

- كثيراً ماكان يقول ابن القيم رحمه الله : أن العين والحسد كالكُتلة
في جسد المحسود لا يُزيلها ويمحوها ويجلوها گ تكرار
( سورة البقرة ) والمعوذات

والله والله والله كل مشاكل حياتكم هتتحل بفضل الله من سورة البقرة
الهمه يا شباب ونشجع بعض .. احنا قدها والله

حاجه اخيرة بقي
سورة البقرة حروفها ٢٥٥٠٠ حرف !
فرغوا نفسكوا لقراءتها هتكسبوا
ربع مليون حسنه وبركتها في استجابة دعائك وراحة نفسية عجيبة

* عشان تسهلوها ع نفسكوا كتير في القراية مرة عن مرة شغلوها ع طول بصوت اي شيخ بتحبوا تسمعوله قبل ما تناموا لحد ما تصحوا
#منقول