يابوفاضل ==زينب اتشيعهه غربه
يابوفاضل ==تندفن وابغير تربه
يابوفاضل ===يابوفاضل
===========================
وين دكَت صدرك افزع عد علي حامي الحمه
يلبزغرك وانته صيتك صاعد السابع سمه
وسفه ياعباس اكَلك خويه مت امن الضمه
من شفت جثتك رميه ردت لعيوني العمه
متت كَبلي يابو روحي اوسال من عيني الدمه
يابوفاضل ===يابوفاضل
============================
خويه مروني اعله جسمك وانه صحت ابلاشعور
يابوخدري انداس خدري اومابكَت عكَبك خدور
موظهر واحد كسرته اخلافك انكسرت ظهور
الوادم ابتشيعي كلهه سجلت خويه حضور
ردت تحضر يابو كَلبي واسمعت منك عذور
يابوفاضل ===يابوفاضل
=============================
بس علي السجاد يمي حيل مابي عاالدفن
اشما يشد اشما يحاول يرد ينحل الجفن
ردتك ابكَد هوه الله وحك عيناك الطفن
اشكَد فكَدتك يابو عمري اوفاكَده ايام المضن
جنت تحضر من اصيحك ياخو زينب باالمحن
يابوفاضل ===يابوفاضل
==============================
مر عليه اوفوكَ كَبري اقره فاتحة الكتاب
اولا تكَلي اشلون رحتي اوتبدي وياي العتاب
خويه من يمك خذوني بعد ماصار المصاب
جرو الأطفال كلهه اوحته اخيتك والرباب
صحتك انهض ليش نايم ياابو طول المهاب
يابوفاضل ===يابوفاضل
============================
اندفنت ابئرض غربه ابعيده عنك ياهواي
ردت اشوفك كَبل موتي اوهذه ماصح ياضواي
ردتك ليه يخويه ابشوفتك يحصل دواي
زينب انه اختك يخويه ظلت اجدامي وراي
يلجنت تمسح اثرهن خويه خويه شافوهن عداي
يابوفاضل ===يابوفاضل
==============================
خادم زينب
جعفر الطائي