قصيده ثقيله الى مولاتي زينب تشكي حالها الى ام البنين عليها السلام



هذا وجهج جن عبايه زينب اشبيج
اعيونج اسولف يزينب خل احاجيج
وين اخوج الي كفل
مات لو بعده عدل

زينب اشبيج. زينب اشبيج

➖➖➖➖➖➖➖➖
زينب احجيلي الجرالج ها ييمه
حسين من كصو وريده جنتي يمه
وهم سمعتي اطفال وتنادي يعمه

يمه كلشي انه شفت
وجسادهم يمه عفت
زينب اشبيج. زينب اشبيج
➖➖➖➖➖➖➖➖

خلي اسولفلج ييمه عله الصار وعالجره
شفت اخوي احسين بالطف يوم كصو منحره
ومن رحت اعله الشريعه شفت ادين امبتره

حيل يمه اتالمت
موتت اخواني متت

زينب اشبيج. زينب اشبيج

➖➖➖➖➖➖➖➖
خل اسولف عله الناكه من سبوني
وبصوطهم يمه العده من اضربوني
امنل البجي والنوح هالراحت عيوني

عيوني عاميها الدمع
وكلبي طابك عالضلع

زينب اشبيج. زينب اشبيج

➖➖➖➖➖➖➖➖
وخل اسولف بعد يا يوم الخرابه
طفله عندي ومن تفز تصرخ يبابه
حيل حيرني الولي ويكتل مصابه

اطفال ضلت بالجوال
وانه كل يوم ابموال

زينب اشبيج. زينب اشبيج
➖➖➖➖➖➖➖➖

خل اسولفلج ييمه شلون حركو خيمتي
صارت النار بعباتي اطفال تصرخ عمتي
انه بس اعليل عندي وهالبكيت ابلوعتي

النار تمشي بكل مكان
وانه حيرني الزمان

زينب اشبيج. زينب.اشبيج

➖➖➖➖➖➖➖➖

تمت بقلم خادمه اهل البيت ع

الشاعره هيلين الساعدي

🔻قنواتنا المتواضعة ونتشرف بانضمامكم الینا

💠⚜قناة القصائد النسائیة⚜💠
👇👇👇👇👇

🆔 https://t.me/joinchat/AAAAAELjuyeuvc5tfgzGiQ ‏ ‏ ‏ ‏ ‏


🔸کروب تلحین قصاید منبریة اشترک👇👇👇
🆔 https://t.me/joinchat/ATZm8RUUWrk-KHq7rcmdHA