UZGOLDEN.UZ

Қайси ойда туғилганингизга қараб характерингизни билиб олинг
1. Январь. Бу ойда сабрли ва чидамли аёллар дунёга келган. Уларда эркаклардай қатъийликни кўрасиз. Бу тоифа аёллар муаммолари билан ўртоқлашишмайди, ҳасрат ҳам қилишмайди. Мағрур бўлиб барчасини ўзлари ҳал килишади. Январь аёллари ошxонада пазандалар, аммо уй тозалашни унчалик ҳам хушламайди.

2. Февраль. Февралда таваллуд топган аёллар чўрткесар ва феъли бироз мураккаб ҳисобланишади. Уларда кўпинча асабий портлашлар ва ўзини назорат қила омаслик ҳолатлари кузатилади. Шундай бўлса-да, қийинчиликлардан қўрқмайдилар. Тез қарор қабул қилишадию, аммо у ҳар доим ҳам тўғри бўлавермайди. Февраль аёллари аразчи ва кези келганида, ўч олувчи бўлишади.

3. Март. Энг ҳиссиётли аёллар дунёга келган ой. Бундай аёлларни хафа қилиш осон. Бирор режалари амалга ошмаса, ўзларини баxтсиз деб ўйлашади. Тортинчоқлик ва ҳар нарсадан истиҳола қилишлари сабаб кўзлаган мақсадларига эришишлари қийинроқ. Табиат бундай аёлларга латофат, нозиклик ва жозиба инъом етган.

4. Апрель. Апрель аёллари бошқа аёллардан тиришқоқлиги, мақсадга интилувчанлиги билан ажралиб туришади. Камига бу ойда туғилган аёлларнинг соғлом фикрлилиги ва тежамкорлигига таҳсинлар айтмай иложингиз йўқ. Улар нима xоҳлаётганини аниқ билади, секин-асталик билан мақсад сари интилишади ва эришадилар ҳам. Ҳис-туйғулари ҳар доим ақлдан кейинги ўринда туради.

5. Май. Талабчан, ўз ҳукмини ўтказишни истайдиган, дадил – бу таърифлар май ойида туғилган хонимларга тегишли. Хафа қилишса, кечира олишмайди ва осонлик билан ришталарни узишлари мумкин. Ҳатто, кейинчалик афсуслансалар ҳам. Бу тоифа аёлларнинг қайсарлиги оилада турли муаммоларга сабаб бўлиши мумкин. Улар кимгадир бўйсунишдан кўра буйруқ беришни ёқтиришади.

6. Июнь. Бу ойда туғилган хонимларнинг асосий хислати уларнинг эҳтиёткорлигидадир. Бироқ ҳар сафар ҳам эҳтиёткорлик фойда келтиравермайди. Баъзан бўлар-бўлмасга шубҳа-гумонга боришлари, камига жиззакилик ҳам панд беради. Аммо душманларини ҳам осонлик билан кечира олишади. Муаммоларга тоблари йўқ, кўпинча кайфиятларига қараб ҳаракатланадилар.

7. Июль. Уятчан, камсуқум аёллар дунёга келган ой. Ёзнинг иккинчи ойида туғилган аёллар муаммоларни кўнгилга яқин олиб, сўнг ўзлари қийналиб юришади. Бироқ бу узоқ чўзилмайди. Нимадир сабаб бўладию, ўз устиларида ишлашни бошлаб юборишади. Ҳаётлари давомида кайфиятга қараб иш кўришади. Оила ва уй июль аёллари учун ҳаётларидаги энг муҳим нарсалардир.

8. Август. Энг мағрур ва мустақил аёллар шу ойда туғилишган. Улар ҳимматли, очиқкўнгил аммо шунинг билан бирга мансабпараст ва табиатан бошқарувчидир. Ҳамманинг диққат марказида бўлишни севадилар. Эркаклар эътиборини осонлик билан қозона оладиган бу хонимлар оилавий ришталарни жуда қадрлашади. Аммо ҳақиқатгўйликлари баъзида панд бериб қўяди.

9. Сентябрь. Қизиққон ва жўшқин сентябрь аёллари ҳисоб китобли ва мақсадга эришувчанлиги билан ажралиб туришади. Сармоя масаласида анчайин пишиқлар. Кимгадир қарз беришлари ҳам жуда қийин. Чунки пул сарфлашни яхши билишади. Рашкчи ва озодаликни биринчи ўринга қўядиган бу хонимлар мазали овқат пиширишга уста бўлишади.

10. Октябрь. Сухбатга тез киришувчан доно аёллар қалб гўзаллиги билан бошқалардан фарқ қилишади. Қарор қабул қилишда ҳам аввал яхшилаб ўйлаб, сўнг бир тўхтамга келишади. Хотираларига эса тил ожиз. Оилани жуда қадрлашади. Аммо хиёнатни кечира олишмайди.

11. Ноябрь. Ўзларини севувчи ноябрь аёлларининг турмуш ўртоқларига тоғдай сабр тилаймиз. Бу ойда дунёга келган аёллар ўзлариникини маъқул билиб, бошқаларни эшитишмайди ҳам, сўзлашга беришмайди ҳам. Шу боис ноябрь ойи хонимларининг жуфтлари жуда сабрли ва муросали кишилар бўлгани маъқул. Характери оғир бўлгани билан бу аёлларнинг севгиси кучли ва садоқатли бўлади.

12. Декабрь. Портловчи феълли, қўрқмас, омадли декабрь аёллари жуда эҳтиёткорлар. Улар гапга чечан, дардкаш, сирдош, чин дугона бўла олишади. Жаҳли тез бўлгани сабабли оилада қийинчиликларга дуч келишлари ҳам эҳтимолдан ҳоли эмас. https://t.me/golduz_org

uftingiz qaysi oyda tug`ilgan? Erkaklarning fe`l-atvoriga tashxis! Dekabr

Kezi kelganda, juda qattiqqo`l. Ilm qilishga moyil bo`lishadi. Notanishlar bilan tez til topishishadi. Karera borasida ham oshig`i olchi, faqat shuhratga berilib, manmanlik qilishmasa, bas. Jahli chiqqanda, olovga yog` sepmay, jim turishingiz shart.

Yanvar

Juftingiz shu oyda tug`ilgan bo`lsa, demak, u muloyim va juda ta`sirchan. Do`st-birodalardan yordamini ayashmaydi. Ko`ngilsizliklardan to`g`ri xulosa chiqarishga harakat qilishsa, omad qushi ularni tark etmaydi. Biroz sabrsizliklari sabab munosabatlarda tushunmovchilik kuzatilishi mumkin.

Fevral

O`ziga ishongan, uyim-joyim deydigan, zakovatli erkaklar aynan shu oyda tug`ilarkan. Ayriliqdan qo`rqishadi. Doim oila davrasiga shoshishadi. Ular uchun eng muhimi, oilaviy baxt. Bitta kamchiliklari kurashuvchanmas. Maqsadlari yo`lida kichik muammo sabab ham hammasiga qo`l siltab ketishadi.

Mart

Bahorning ilk oyida tug`ilgan erkaklar sog`lom firklaydigan bo`lisharkan. Shu bilan birga, juda tejamkor ham. Pullarini tiyin-tiyinlab yiqqanlari uchun ham katta rejalarni bemalol amalga oshirishadi. Salbiy tomonlari – muammoli vaziyat tug`ilganda quyon bo`lishga usta.

Aprel

Katta bo`lsa-da, bolaligini qo`ymagan erkaklar tadbirkor va gapga to`n kiydiradiganlardan. Aynan shu xususiyatlari sabab ular atrofdagilarni o`z so`ziga ishontira olishadi va pul borasida omadlari chopadi. Mas`uliyatli bo`lishsa, hayotda ko`p narsaga erisha olishardi.

May

Vahimakashligini hisobga olmasak, aqli va topqirligi tahsinga loyiq. Xotirjamlik ular uchun juda muhim. Shuning uchun shovqin-suronga yo`qlar. hayotlari bir maromda kechishini istashadi. O`zgarishlardan cho`chishadi.

Iyun

Mazkur oyda tavallud topgan erkaklar barchaga birdek yaxshilik istashadi, qo`ldan kelgancha atrofdagilarga yordam qilishadi. Bu oyda tug`ilganlar bilan taqdiringizni bog`lasangiz, hayotingiz farovon kechadi. Chunki ular har qanday vaziyatda ham oltin o`rtalikni topa olishadi. Salbiy jihatlari, salomataliklariga befarqligi.

Iyul

Favqulodda iqtidor egalari ayni shu oyda dunyoga kelishar ekan. Biroz xayolparatsliklari ham shundan. Ular mashhurlikka va boylikka intilishadi. Agar maqsadlari sari tinmay harakat qilishsa, erishishadi ham. Faqat uni doim olg`a undab turishingiz kerak.

Avgust

Erkinlikni xush ko`rishadi. O`ziga xon – ko`lankasi maydon, bo`lib yurishni istaydi doim. Shu sabab o`smirligi ota-onalar bilan muammolar kuzatiladi. Omadlari chopishi yanada o`ziga bo`lgan ishonchni oshiradi.

Sentyabr

Kuzning ilk oyida tug`ilgan erkaklarning ham taqiqlarga xushi yo`q. Xolis va ezgulik istovchi bo`lishadi. Manfaat ko`zlamaydigan do`stdir ular. Faqat birovlarning fikri bilan ish tutishi yaxshimas.

Oktyabr

Oilasining, yaqinlarining tashvishi bilan yonib-kuyadiganlar. Ishonuvchanliklar ba`zida pand berib qoladi. Tuyg`ulariga quloq tutishadi. Vafodorliklari esa tahsinga loyiq.

Noyabr

Ushbu oy vakillari dono, hajviyaga usta va ishning ko`zini biladigan bo`lishadi. Karera pog`onalarining cho`qqisini zabt etishadi. Chunki ular ma`suliyatli va mehnatkash. Birovlarning manfaatini deb, o`zining imkoniyatlarini cheklashlari zarariga ishlaydi. https://t.me/golduz_org