Ramazon oyi edi. Odatiy darslarga to'la kunim. Printerdan nimadirlar chiqarayotganimda adminimiz kimdir keldi óziz gaplashing deb qoldilar. Borib qarasam hind millatidan yoshi kattaroq o'qituvchisifat kishi. Salomlashdik, ótirishga taklif qildim. Lekin uncha e'tibor qaratmadim. Chunki o'quv markazimizga tez-tez hindistonlik talabalar ingliz tilidan o'qituvchilik qilaman deb ish qidirib kelishardi. Shunaqa holat deb gumon qildim.

Haligi o'qituvchisifat kishi o'zini graphologist deb tanishtirdi. Bu haqida oldin eshitmaganim uchun anglamay turdim. Keyin izoh berdi. Ta'limiy sayohatlar qilib yurganini aytdi. Toshkent va Samarqandda bo'lganini, 50 dan ortiq mamlakatlarga borganini aytdi. Biroz ishonqiramay, ensab sal qotib, maqsadi nima ekanligini sóradim. U shu sohani dunyoda ta'limiy muassasalarda targ'ib qilishni o'z missiyasi ekanligini da'vo qildi.