ስልጤ ሰፈር የሚገኘው ዓሊ መስጅድ በአዲስ መልክ እየተገነባ ነው። በ5 ወራት ውስጥ ብቻ ግራውንዱን ከታች በምትመለከቱት መልኩ አጠናቀውት በአላህ ፈቃድ ነገ እሁድ ይመረቃል። መስጅዱ በ1000 ካሬ ሜትር ስፋት ላይ ያረፈና በአላህ ፈቃድ ባለ 3 ፎቅ ይሆናል። ግራውንዱን ሥራ አስጀምረው ቀሪዎቹን ፎቆች ከአላህ ቀጥሎ በእናንተ ርብርብ ለማስጨረስ አቅደዋል። እስካሁን ከመስጅዱ ኮሚቴዎች ጀምሮ የአካባቢው ሙስሊም ማኅበረሰብ በአቅሙ ልክ ተረባርቧል። አላህ ይቀበላቸው!
ጠንካራ የመስጅድ ኮሚቴ ሲኖር መጀመሪያ ከራሱ የአቅሙን አዋጥቶ ለሌላውም ሞራል ይሆናል። አንዳንድ ቦታ ደግሞ እንኳን ሊያዋጡ የተዋጣንም በሰበብ አስባብ የሚውጡ አሉ። የዚህ መስጅድ ጀማዓዎች ይህንን በ5 ወራት ውስጥ ሲያጠናቅቁ፤ ከ800 በላይ የመስጅዱ ታዳጊ ቂርኣት የሚቀሩ ተማሪዎቻቸው ደርሳቸውን ሳያቋርጡና የመስገጃ አገልግሎት ሳይቋረጥ ጎን በጎን አስቀጥለውታል። ነገ ሁላችሁንም በአክብሮት ጋብዘዋችኋል።

🎉🎉🎉🎉🎉🎉🎉🎉🎉
ተክቢርርርርርርርርርርርርርርር